5 years ago
March 24, 2021
काठमाडौं (हाम्रो खेलकुद)– फागु पूर्णिमाको अवसरमा अमेरिकामा बसोबास गर्दै आएका नेपाली समुदायकाबीच इन्टर स्टेट पुरुष भलिबल प्रतियोगिता आयोजना हुने भएको छ ।
फार वेस्टर्न नेप्लिज सोसाइटी टेक्ससले शनिबार आइतबार दुई दिन इन्टर स्टेट भलिबल प्रतियोगिता आयोजना गर्न लागेको हो । प्रतियोगिताका लागि १८ टोलीको सहभागिता निश्चित भइसकेको आयोजक टोलीका कप्तान समेत रहेका राष्ट्रिय भलिबल टोलीका पूर्व कप्तान कैलाश भट्टले जानकारी दिएका छन् ।
प्रतियोगितामा फार मिड वेस्टर्न नेप्लिज सुपर भलिबल टिम ए डालास, टिम बी, मेरिल्यान्ड नेप्जिल भलिबल क्लब ए, बी, कलफुल कोलोराडो नेपाल भलिबल टिम, नेपस्टार डिएफडब्यू भलिबल टिम डालास, युनाइटेड ब्रदर्श भलिबल टिम, टिम गोर्खाज भलिब टिम, युनाइटेड वेस्ट रुकुम भलिबल क्लबले प्रतिस्पर्धा गर्नेछन् । त्यस्तै सिन्धु समाज न्यू वर्क भलिबल टिम, नेपाली भाषा घर न्यू योर्क, न्यू योर्क सिटी भलिबल टिम, लस एन्जल्स भलिबल टिम, सान फ्रान्सिस्को भलिब टिम, टिम हस्टन भलिब टिम, कोलम्बस भलिबल टिम ए, बी र बिवाईएससीले प्रतियोगितामा प्रतिस्पर्धा गर्नेछन् ।
प्रतियोगितामा भाग लिने टोलीले ५ सय १ अमेरिकी डलर दर्ता शुल्क बुझाउनु पर्नेछ । प्रतियोगिताको विजेता टोलीले उपाधिसहित ५ हजार, दोस्रो टोलीले २ हजार तेस्रो हुने टोलीले १ हजार अमेरिकी डलर प्राप्त गर्नेछन् । आयोजक क्लबका अध्यक्ष भैरव शाही र प्रतियोगिताको संयोजक गोविन्द शाही रहेका छन् ।
December 19, 2025
काठमाडौं (हाम्रो खेलकुद)- नेपाल ओलम्पिक कमिटी (एनओसी) ले एलए ओलम्पिक, एसियाली खेलकुद र युथ ओलम्पिकका गरि १४ खेलाडीलाई छात्रवृत्ति प्रदान गरेको छ। सन् २०२८ मा हुने एलए ओलम्पिकका लागि विभिन्न ८ खेलका समान खेलाडीले छात्रवृत्ति प्राप्त गरेका छन्। एलए ओलम्पिकसम्मका लागि तयारीका लागि मासिक १ हजार १ सय २५ अमेरिकी डलर प्राप्त गर्नेछन्। यसरी ओलम्पिक […]
December 18, 2025
काठमाडाैं (हाम्रो खेलकुद)- आयोजक बिआइए इन्स्टिच्युटले पहिलोपटक आयोजना भएको ह्विलचेयर रग्बी मैत्रीपूर्ण प्रतियोगिताको उपाधि जितेको छ। बौद्धस्थित डाउनटाउनमा बिहीवार भएको खेलमा बिआइएले स्पाइनल इन्जरी संघ नेपाललाई ५-३ स्कोरले हराउँदै उपाधि हात पारेको हो। गोकर्णेश्वर नगरपालिका वडा नम्बर ५, नेपाल रग्बी संघ तथा नेपाल स्पाइनल कर्ड इन्जरी संघको सहयोगमा सम्पन्न यो प्रतियोगिता नेपालमा ह्विलचेयर रग्बी खेलको […]
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
