default_image

3 years ago

June 19, 2021

पुलिसले ३ खेलाडी प्रशिक्षणमा नपठाउने

काठमाडौं (हाम्रो खेलकुद) – नेपाल प्रहरीले आफ्ना ३ खेलाडी जवान आधारभूत तालिममा तालिमरहत रहेकोले महिला राष्ट्रिय भलिबल टोलीको प्रशिक्षणमा पठाउन नसक्ने जनाएको छ । फिलिपिन्समा भदौ १३ देखि २० गते सम्म आयोजना हुने एभिसी एसियन भलिबल च्याम्पियनसिपका लागि नेपाल भलिबल संघले ३० खेलाडीलाई असार १ गतेबाट प्रशिक्षणमा राखेको छ । जसमा पुलिसका ७ खेलाडीलाई डाकिएको […]

102 views

0 Bookmark

काठमाडौं (हाम्रो खेलकुद) – नेपाल प्रहरीले आफ्ना ३ खेलाडी जवान आधारभूत तालिममा तालिमरहत रहेकोले महिला राष्ट्रिय भलिबल टोलीको प्रशिक्षणमा पठाउन नसक्ने जनाएको छ ।

फिलिपिन्समा भदौ १३ देखि २० गते सम्म आयोजना हुने एभिसी एसियन भलिबल च्याम्पियनसिपका लागि नेपाल भलिबल संघले ३० खेलाडीलाई असार १ गतेबाट प्रशिक्षणमा राखेको छ । जसमा पुलिसका ७ खेलाडीलाई डाकिएको छ । त्यसमध्ये कामना विष्ट, शान्तिकला तामाङ र पुनम चन्दलाई प्रशिक्षणमा पठाउन नसक्ने भन्दै संघलाई पत्राचार गरेको छ ।

तीनै जना प्रहरी जवानको आधारभूत तालिममा समावेश भइरहेको कारण पुलिसले जनाएको नेपाल भलिबल संघकी उपाध्यक्ष एवं महिला टोलीकी व्यवस्थापक निरोज मास्केले बताइन् । स्पाइकर पुनम यसअघि राष्ट्रिय टोलीमा रहेकी थिइन् । पुलिसका लागि पछिल्लो समय कम अवसर पाइरहेकी उनी नेपालले एभीसी सेन्ट्रल जोनमा स्वर्ण र १३ औं दक्षिण एसियाली खेलकुदमा रजत जित्दा टोलीमा थिइन् । लिबेरो शान्तिकलाले त्यसबेला अन्तिम टोलीमा स्थान बनाउन सकेकी थिइनन् । स्पाइकर कामना भने पहिलो पटक टोलीमा परेकी हुन् ।

पुलिसका बाँकी खेलाडी कमला पुन, मनीषा चौधरी, लक्ष्मी चन्द र उषा भण्डारीलाई भने बन्द प्रशिक्षणमा उपलब्ध गराउने निर्णय गरेको छ । बन्द प्रशिक्षणमा अब २७ खेलाडी मात्र रहनेछन् । टोलीमा २ जनामात्र लिबेरो रहेकोले अब खेलाडी थप्ने वा नथप्ने भन्नेबारे केहि दिनमा निर्णय हुनेछ । प्रशिक्षणमा त्रिभुवन आर्मी क्लबका सर्वाधिक ८, नेपाल एपिएफ क्लब, नेपाल पुलिस क्लब र होगांन्जी न्यू डायमण्ड क्लबका समान ७ र सरस्वती कट्टेल बन्द प्रशिक्षमा रहेका थिए । अब पुलिसका ४ खेलाडी मात्र रहनेछन् ।

च्याम्पियनसिपबाट ५ राष्ट्रले नाम फिर्ता लिएको शनिबारनै जानकारी प्राप्त भएको थियो । च्याम्पिनसिपबाट चीन, इन्डोनेसिया, श्रीलंका, भियतनाम र न्यूजिल्यान्डले नाम फिर्ता लिएको नेपाल भलिबल संघका महासचिव जितेन्द्र चन्दले जानकारी दिएका थिए । सुरुमा च्याम्पियनसिपमा चीनमा १६ टोलीको सहभागितामा आयोजना हुने तय थियो । पछि चीनले आयोजना नगर्ने भएपछि फिलिपिन्स आयोजकका रुपमा सहभागी हुँदा १७ टोलीबीच प्रतिस्पर्धा हुने तय थियो ।

अहिले ५ टोलीले नाम फिर्ता लिएपछि अब १२ टोलीबीच प्रतिस्पर्धा हुनेछ । एक साता चल्ने च्याम्पियनसिपमा अब नेपालसहित अब १२ राष्ट्रले भाग लिनेछन् । जसमा आयोजक फिलिपिन्ससहित जापान, थाइल्यान्ड, दक्षिण कोरिया, काजकिस्तान, ताइपे, इरान, अष्ट्रेलिया, भारत, नेपाल र उज्वेकिस्तान, हङकङ छन् ।

बन्द प्रशिक्षणमा रहेका खेलाडी : प्रतिभा माली, सरस्वती चौधरी, उषा भण्डारी, निरुता ठगुन्ना, साफिया पुन, सुनिता खड्का, उषा विष्ट, अरुणा शाही, जानकी भण्डारी, कमला पुन, सलिना श्रेष्ठ, रेश्मा भण्डारी, मनिषा चौधरी, कविता भट्ट, शान्ति थारु, सरस्वती जैशी, कृपा अधिकारी, लक्ष्मी चन्द, सृष्टि खड्गी, रिया कुँवर, संगम महतो, रिमा कुँवर, पुजा चौधरी, झरना श्रेष्ठ, वालमिका आचार्य, हिरा केसी र सरस्वती कट्टेल

यो पनि : कुमार राई राष्ट्रिय टोलीको सहायक प्रशिक्षक नियुक्त

March 29, 2024

पिंक केयरएथन अर्को महिना हुने

काठमाडौं (हाम्रो खेलकुद)- महिलाहरुको स्वास्थ्य एवं फिटनेशमा सचेतना जगाउने उद्देश्यले अर्को महिना ‘काठमाडौं पिंक केयरएथन’ हुने भएको छ । लेजर पोर्ट नेपालले नेपाल प्रहरी श्रीमती संघसँगको सहकार्यमा वैशाख ८ गते केयरएथन गर्न लागेको हो । काठमाडौं पिंक केयरएथनमा महिलाहरुको दौड, जुम्बालगायतका विभिन्न कार्यक्रम आयोजना हुनेछ । यस पटकको कार्यक्रममा ३ किलोमिटर, ५ किलोमिटर र १० […]

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

March 28, 2024

भलिबल संघ र केल्मीबीचको सम्झौता नविकरण

काठमाडौं (हाम्रो खेलकुद)– अन्तर्राष्ट्रिय खेल पोशाक तथा सामग्री निमार्ण कम्पनी केल्मी स्पोर्टस प्रोडक्ट कम्पनीले राष्ट्रिय खेल भलिबललाई आफ्नो प्रायोजनमा निरन्तरता दिएको छ । केल्मीको नेपालका लागि आधिकारिक विक्रेता कामारु ट्रेडिङ प्राली र नेपाल भलिबल संंघबीच बिहीबार ३ वर्षका लागि सम्झौता नविकरण भएको हो । कामारुका निर्देशक प्रदीप न्यौपाने र संघका अध्यक्ष जीतेन्द्रबहादुर चन्दले सम्झौता पत्रमा […]

Success

Thank you for your time.