7 years ago
December 20, 2016
काठमाडौं (हाम्रो खेलकुद)– नेपाली राष्ट्रिय टोलीका पूर्व सदस्य प्रेम भण्डारीको कप्तानीमा रहेको नेपाल भलिबल क्लब युएईको बी टोलीले खुला भलिबल रनिङ कपको उपाधि जितेको छ । युनाइटेड अरब इमिरेट्स (युएई) को आबुधाबीको बलिदिया खेल मैदानमा शुक्रबार भएको फाइनलमा प्रेमको टोलीले अर्का नेपाली राष्ट्रिय टोलीका पूर्व सदस्य इश्वर घमालको नेतृत्वमा रहेको सोही क्लबको ए टोलीलाई हराएको […]
काठमाडौं (हाम्रो खेलकुद)– नेपाली राष्ट्रिय टोलीका पूर्व सदस्य प्रेम भण्डारीको कप्तानीमा रहेको नेपाल भलिबल क्लब युएईको बी टोलीले खुला भलिबल रनिङ कपको उपाधि जितेको छ । युनाइटेड अरब इमिरेट्स (युएई) को आबुधाबीको बलिदिया खेल मैदानमा शुक्रबार भएको फाइनलमा प्रेमको टोलीले अर्का नेपाली राष्ट्रिय टोलीका पूर्व सदस्य इश्वर घमालको नेतृत्वमा रहेको सोही क्लबको ए टोलीलाई हराएको थियो ।
नेपाल भलिबल क्लब युइए आयोजक रहेको प्रतियोगितामा १२ टोलीको सहभागिता रहेको इश्वर घमालले जानकारी दिए । बीले एलाई २२–२५,२५–२३ र १७–१५ ले हराउँदै उपाधि जितेको हो । पूर्व राष्ट्रिय रेफ्री इश्वरी भट्टले फाइनल सञ्चालन गरेका थिए ।
प्रेमको टोलीमा प्रताप खवास, अमृत गुरुङ,विष्णु पन्त, सन्तोष गुरुङ, विष्णु श्रेष्ठ, जगन गुरुङ र बोम थापा थिए । त्यस्तै इश्वरको टोलीमा अमर गिरी, डामन्ड बस्नेत, मदन खड्का, सन्तोष श्रेष्ठ, दीपाल गुरुङ थिए । विजेता टोलीले ९० हजार र दोस्रो हुने टोलीले ४५ हजार रुपैयाँ प्राप्त गर्यो ।
प्रेम भण्डारीले नै संयोजकन गरेको प्रतियोगितालाई पवित्रा गुरुङ, प्रिति गुरुङ, नविन छन्त्याल,चन्द्र पछाई र हेविन्द्र छन्त्यालले सहयोग गरेको बताइएको छ । विजेता उपविजेता टोलीका खेलाडीलाई मुख्य अतिथि लोकेन्द्रबहादुर बमले पुरस्कृत गरेका थिए ।
प्रतियोगितालाई सन एन्ड मुन ट्राभल्स, विग बक्स, ग्रिनलाइन ट्राभल्स, काठमाडौं रेष्टुरेन्ट, कान्तिपुर ट्राभल्स, नमस्ते किचेन र नेपाली रेष्टुरेन्ट प्रायोजन गरेका थिए । प्रतियोगिता अर्को बर्षपनि आयोजना गर्ने आयोजक क्लबका अध्यक्ष इश्वर घमालले बताए ।
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]
April 26, 2024
काठमाडौं (हाम्रो खेलकुद )- केएनपी नेरोलेक सातौ राष्ट्रिय महिला भलिबल प्रतियोगिताको तेस्रो दिन शुक्रबार लिग चरणका अन्तिम दुई हुँदैछन्। नेपाल पुलिस क्लब र त्रिभुवन आर्मी क्लबबीच पहिलो खेल दिउँसो १ः०० बजे सुरु हुनेछ। साविक विजेता चन्द्रागिरी नगरपालिका न्यु डायमण्ड महिला टिम र एपिएफबीच ३:०० बजे खेल हुनेछ। पुलिसले बिहीबार न्यु डायमण्डलाई हराएपछि प्रतियोगिता रोचक बनेको […]