एजेन्सी – डेनिस क्लब ब्रोन्डवि आइएफमाथि पूनरागमन जित निकाल्दै फ्रान्सेली क्लब लियोन लगातार पाँचौ जित निकाल्दै समूह ‘ए’ बाट युरोपा लिगको विजेता बन्दै नकआउट चरणमा प्रवेश गरेको छ ।

लियोनले घरेलु टोली ब्रोन्डवि आइएफसँग एक गोलले पछि परेको अवस्थामा ३–१ को पूनरागमन जित निकाल्दै समूहमा अपराजित रहँदै अन्तिम १६ मा स्थान पक्का गरेको हो । लियोनको पूनरागमन जितमा रायन चेर्कीले दुई तथा इस्लाम स्लिमानीले एक गोल थपे । घरेलु टोलीका मिकाइलको गोल सान्त्वना बन्यो ।

ब्रोन्डवि स्टेडियममा बिहीबार राति भएको खेलको पहिलो हाफ गोलरहित बराबरीमा सकिएको थियो । ५१औं मिनेटमा मिकाइलले गोल गर्दै घरेलु टोलीलाई सुरुवाती अग्रत दिलाए । तर, घरेलु टोलीको त्यो अग्रता लामो समय टिकेन । ५७औं मिनेटमा रायन चेर्कीले बराबरी गोल फर्काए ।

६६औं मिनेटमा रायनले व्यक्तिगत र टोलीका लागि दोस्रो गोल गर्दै लियोनलाई २–१ को अग्रता दिलाए । ७८औं मिनेटमा इस्लाम स्लिमानीले गोल गर्दै लियोनलाई पूनरागमन जित दिलाए । जितपछि अपराजित रहेको लियोनको ५ खेलबाट १५ अंक पुगेको छ । पराजित ब्रोन्डवि २ अंक जोडेर पुछारमा रहेको छ ।

यही समूहको अर्काे खेलमा रेन्जर्सले स्पार्टा प्राहालाई २–० ले पराजित गर्दै अन्तिम १६ मा स्थान पक्का गरेको छ । रेन्जर्सको जितमा दुवै गोल अल्फ्रेडो मोरेलोसले गरे । जितपछि रेन्जर्सले ७ अंक पु¥याएको छ । स्पार्टा प्राहाको ४ अंक छ ।