एजेन्सी – इंग्लिस प्रिमियर लिगको शीर्षस्थानमा रहेको आर्सनलले इटालीका मिडफिल्डर जर्गिन्होलाई लोनमा अनुबन्ध गरेको छ ।

आर्सनलले जर्गिन्होलाई १२ मिलियन पाउण्डमा प्रिमियर लिग प्रतिद्धन्द्धी चेल्सीबाट यो सिजनको अन्त्यसम्मको लागि लोनमा अनुबन्धन गरेको हो । सन् २०१४ मा इटालियन क्लब नेपोलीबाट चेल्सीमा आबद्ध भएका ३१ वर्षीय जर्गिन्होको चेल्सीसँगको सम्झौता यो सिजनको अन्त्यसम्म मात्रै छ ।

उनले अब अर्को एक वर्षको विकल्पको साथ १८ महिनाको सम्झौतामा हस्ताक्षर गर्नु अघि मेडिकल गर्नेछन् । मोइसेस क्यासेडोका लागि प्रयास गरेको आर्सनलले ब्राइटनबाट स्वीकृति नपाएपछि आर्सनलले जर्गिन्होलाई आबद्ध गरेको हो ।

जोर्गिन्हो जनवरी विन्डोमा आर्सनलको तेस्रो अनुबन्ध हो । यसअघि क्लबले पोल्याण्डका डिफेन्डर जाकुब किभियरलाई स्पेजियाबाट २० मिलियन युरो र बेल्जियमका स्ट्राइकर लिआन्ड्रो ट्रोसार्डलाई ब्राइटनबाट २१ मिलियन पाउण्डमा अनुबन्ध गरिसकेको छ ।

प्रशिक्षक मिकेल अर्टेटाको आर्सननले प्रिमियर लिगमा ५ अंकको स्पष्ट अग्रता कायम गरेको छ । चेल्सीका लागि २१३ खेलमा २९ गोल गरेका जोर्गिन्होले क्लबमा रहँदा च्याम्पियन्स लिग, युरोपा लिग, युइएफए सुपर कप र फिफा क्लब विश्वकप जितेका छन् ।

ब्राजिलमा जन्मिएका जर्गिन्हो १५ वर्षको उमेरमा इटालीमा सरेपछि त्यहीबाट उनले त्यहीबाट खेल्ने निर्णय गरेका थिए ।
इटालीका लागि ४६ क्याप जितेका उनी जुलाई २०२१ मा वेम्बलीमा भएको युरो २०२० मा इंग्ल्यान्डलाई हराएर उपाधि जित्दा उनी टोलीका सदस्य थिए ।