एजेन्सी – क्रेमोनेससँग हार बेहोर्दै एएस रोमा कोपा इटालियाको क्वाटरफाइनलबाटै बाहिरिएको छ । रोमा घरेलु मैदानमा क्रेमोनेससँग २–१ ले पराजित हुँदै अन्तिम आठबाटै बाहिरिएको हो ।

स्टेडियो ओलम्पिको रोमामा बुधबार राति भएको खेलमा क्रेमोनेसको जितमा सेरिएल डेसर्सले गोल गर्दा एक गोल उपहार पाएको थियो । रोमाका एन्ड्रिया बेलोट्टीले एक गोल फर्काए ।

खेलको २८औं मिनेटमा सेरिएल डेसर्सको पेनाल्टी गोलबाट क्रेमोनेसले सुरुवाती अग्रता लिएको थियो । गोलरक्षक रुई प्याट्रिसियोले खराव फउल गरेपछि प्राप्त पेनाल्टीमा डेसर्स चुकेनन् ।

४९औं मिनेटमा मेमेट जेकी सेलिकले आत्मघाती गोल गरेपछि रोमा खेलमा २–० ले पछि पर्यो । त्यसपछि इन्ज्युरी समयको तप गरिएको चौथो मिनेटमा एन्ड्रिया बेलोट्टीले गोल गर्दै खेललाई २–१ को स्थितिमा ल्याएपनि टोलीलाई अघिल्लो चरण पु¥याउन पर्याप्त भएन । अब क्रेमोनेसले सेमिफाइनलमा फियोरेन्टिनासँग खेल्नेछ ।

अर्काे क्वाटरफाइनलमा फियोरेन्टिनाले टोरिनोलाई २–१ ले पराजित गर्दै सेमिफाइनलमा स्थान पक्का गरिसकेको छ ।फियोरेन्टिनाको जितमा लुका जोभिक र जोनाथनले गोल गरे । टोरिनोका यान कारामोहले एक गोल फर्काए ।

अब अर्काे क्वाटरफाइनलमा युभेन्ट्स र लाजियोबीच आज राति प्रतिस्पर्धा हुँदैछ । त्यसपछि कोपा इटालियाको सेमिफाएनल समिकरण पूरा हुनेछ । यसअघि इन्टर मिलानले सेमिफाइनलमा स्थान पक्का गरिसकेको छ ।