9 years ago
January 2, 2017
दिपेश तिमल्सिना
सिलगुढी (भारत)– नेपालविरुद्ध महिला साफ च्याम्पियनसिपको पहिलो हाफ भारतले १–० को अग्रता लिएको छ । पहिलो हाफका लागि एक मिनेट बाँकी रहँदा कमलादेवीले नेपालविरुद्ध गोल गरेकी थिइन् । रक्षक मनीष पानाले मैदानको मध्यभागमा निकालेको पासलाई अघि बढाउँदै कमलाले पेनाल्टी बक्सको दायाँ पट्टिबाट गरेको प्रहार सिधै गोलमा परिणत भएको थियो ।
नेपाल र भारतले यसअघिका तीनै संस्करणमा फाइनल खेलेका थिए । तीन संस्करणमा भारत विजयी भएको थियो । नेपालले दुई पटक अग्रता लिने मौका पाएर पनि त्यसको सदुपयोग गर्न सकेन । सावित्रा भण्डारीले १६ औं मिनेटमा गरेको प्रहारलाई गोलकिपरले रोकिन् भने २५ औं मिनेटमा मन्जली वाइवाको पासमा सावित्राले फितलो प्रहार गरिन् । ३४ औं मिनेटमा मनमाया लिम्बुको फ्रिकिकलाई पनि भारतीय गोलकिपरले सफल हुन दिइनन् ।
नेपाली टोलीकी गोलकिपर एन्जिला तुम्बाफो सुब्बाले पटक पटक विपक्षीको प्रहारलाई रोकेपनि कमला देवीको प्रहार रोक्न सकिन् । सातौं मिनेटमा भारतकी सस्मिता मलिकको प्रहारलाई रोकेकी एन्जिलाले ३५ औं मिनेटमा डाङमी ग्रेसको प्रहारलाई पनि बचाएकी थिइन् । त्यसअघि सस्मिताको प्रहार बारमा लागेर फर्केको थियो भने त्यहि रिबाउन्डमा डाङमीको प्हार पनि क्रस बारमै लागेको थियो ।
December 12, 2025
एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्यो। खेलको सुरुवातबाटै […]
December 11, 2025
काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]
December 11, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]
