मध्यपुर स्कुल फुटबलमा दुवै खेलको नतिजा टाइब्रेकरबाट

काठमाडौं (हाम्रो खेलकुद)– दोस्रो मध्यपुर थिमी नगरपालिका कप स्कुल स्तरीय फुटबल प्रतियोगितामा मंगलबार दुवै खेलको नतिजा टाइब्रेकरबाट निस्केको छ । अलग अलग खेलमा जेनिथ एकेडेमी र नवरत्न स्कुलले सफलता प्राप्त गरेका छन् ।

थिमी मैदानमा जेनिथले हिमचुली एकेडेमीलाई टाइब्रकेरमा ४–२ ले हराएको थियो । त्यसअघि खेल १–१ को बराबरीमा टुंगिएको थियो । निर्धारित ७० मिनेटका खेलमा जेनिथका लागि रोधन गुरुङले र हिमचुलीका लागि निमा तामाङले गोल गरे । जेनिथका रोधन म्यान अफ दी म्याच चुनिए ।

अर्को खेलमा नवरत्नले नौलो ज्योति स्कुललाई टाइब्रेकरमा ५–४ ले हराएको थियो । त्यो खेलमा पनि निर्धारित समय १–१ को बराबरीमा टुंगिएको थियो । न्यौलो ज्योतिका सोनिश श्रेष्ठ र सनम धोजुले नवरत्नका लागि गोल गरेका थिए । नवरत्नका सनम खेलको म्यान अफ दी म्याच घोषित भए ।