दिपक न्यौपाने
बुटवल – सैनामैना गोल्ड कप नकआउट फुटबल प्रतियोगितामा आइतबार विश्वास श्रेष्ठ एक्लैले ५ गोल गरेको खेलमा सुनौलो संगम युवा क्लब, देविनगरले सिदार्थ युवा क्लब, बासगढीलाई ५–१ ले हराएको थियो । पहिलो संस्करणको सेमिफाइनल पुगेको सुनौलो संगमका लागि विश्वासले ३४,६१ र ६४ औं मिनेटमा गोल गर्दै ह्याट्रिक गरे ।

सुनौलो संगम युवा क्लब, देविनगर फुटबल टोली । तस्बिर – कृष्ण भण्डारी

त्यसपछि विश्वासले ७४ औं र ७९ औं मिनेटमा गोल गरे । सुनौलो संगमको अगाडी कमजोर देािएको बासगढीका लागि विक्रम श्रीसले ५५ औं मिनेटमा गोल फर्काएका थिए । विश्वास खेलको म्यान अफ दी म्याच घोषित भए ।

जनप्रिय स्पोर्टस क्लब देवापारको आयोजनामा रुपन्देहीको सैनामैना वडा नं ७ मा सञ्चालित प्रतियोगितामा १४ टोलीको सहभागिता रहेको छ । सैनामैना नगरपालीकाको संरक्षणमा सन्चालन जारी प्रतियोगिताको विजेताले १ लाख १७ हजार तथा दोस्रो हुने टोलीले ५८ हजार रुपैयाँ प्राप्त गर्नेछन् । सेमिफाइनलमा पराजित हुने दुई टोलीले समान १२ हजार रुपैयाँ प्राप्त गर्ने क्लबका अध्यक्ष किशोर रानाले जानकारी दिए ।

प्रतियोगिताको क्वार्टरफाइनल सोमबारबाट सुरु हुनेछ । पहिलो क्वार्टरफाइनलमा साविक विजेता गोर्खा ब्याइजले छिमेकी जिल्ला नवलपरासीको देशभक्त भैरव एफ.सीको सामान गर्नेछ । देशभक्तले आयोजक जनप्रिय स्पोर्टस क्लबलाइ ८ — १ हराउँदै अन्तिम आठको यात्रा तय गरेको थियोउ भने गोर्खा ब्वाइजले सिधै अन्तिम आठमा प्रवेश पाएको थियो ।