मनाङ राजर्षि जनक कपको फाइनलमा

सर्लाही (हाम्रो खेलकुद)– लक्ष्मी हुन्डाई मनाङ मस्र्याङ्दी क्लब सर्लाहीको बागमतीमा जारी राजर्षि जनक कप फुटबल प्रतियोगिताको फाइनलमा पुगेको छ। हारभेस्ट हिमालयन शेर्पा क्लबलाई आइतबार २–० ले हराउँदै मनाङ उपाधि नजिक पुगेको हो।

मनाङ यसपटक सर्वाधिक उपाधि जित्ने तीन टोली मध्येको एक हो। मनाङसँगै त्रिभुवन आर्मी क्लब र सिएमजी क्लब संकटाले यो बर्ष समान तीन नकआउट फुटबल प्रतियोगिताको उपाधि जितेका थिए। खेलको अन्त्यतिर दुई गोल गर्दै मनाङले फाइनल यात्रा तय गरेको हो । खेल सकिन ९ मिनेट बाँकी रहँदा विमल रानाले हेडमार्फत पहिलो गोल गरेका थिए। इन्जुरी समयको दोस्रो मिनेटमा ओलावाले आफिजले गोल गरेपछि मनाङको अघिल्लो चरणको यात्रा सहज भएको थियो।

माघको पहिलो साता सुदूरपश्चिमाञ्चल खप्तड गोल्डकप जितेको मनाङले त्यसपछि लगातार पोखरामा आहा रारा गोल्डकप र झापामा रमपम झापा गोल्डकप फुटबल प्रतियोगिताको उपाधि जितेको थियो । बर्षको चौथो उपाधिका लागि टोलीले दुई विभागिय टोलीमध्ये एकको सामना गर्नेछ। त्रिभुवन आर्मी र नेपाल एपिएबीच सोमबार दोस्रो सेमिफाइनल खेल हुनेछ।

नेपाल एपिएफ क्लब सर्लाहीको बागमतीमा जारी राजर्षि जनक कप फुटबल प्रतियोगिताको सेमिफाइनलमा पुगेको छ । ए डिभिजन प्रतिद्वन्द्वि जावलाखेल युथ क्लबलाई शनिबार २–० ले हराउँदै एपिएफ अन्तिम चारमा पुगेको हो। टोलीलाई जित दिलाउन नवीन लामा र राजेन्द्र रावलले गोल गरेका थिए। एपिएफले सोमबारको सेमिफाइनलमा अर्को विभागिय टोली त्रिभुवन आर्मी क्लबको सामना गर्नेछ। बागमति युवा क्लबको आयोजनामा सञ्चालित प्रतियोगिताको प्रतियोगिताको विजेताले उपाधिसहित ४ लाख र दोस्रो हुने टोलीले २ लाख रुपैयाँ प्राप्त गर्नेछ।

राजर्षि जनक कप फुटबलमा सोमबार दोस्रो सेमिफाइनल:

नेपाल एपिएफविरुद्ध त्रिभुवन आर्मी

मनाङ राजर्षि जनक कपको फाइनलमा

Latest News

Popular News

फुटबल

युरोपा लिग – ६ टोलीको नकआउट चरण पक्का

इस्ट बंगालको दोस्रो जित, एपिएफ रोकियो

राष्ट्रिय लिगको विजेताले ५० लाख पाउने

चर्चित खेलहरु:

उपयोगी लिङ्कहरू

सम्पर्क

सामाजिक संजाल