default_image

10 years ago

October 16, 2015

खेल मिलेमतो अनुसन्धानमा नेपाल प्रहरी, एएफसी र स्पोर्टस राडारका सहकार्य

295 views

0 Bookmark

काठमाडौं, असोज २९
एक बर्ष यता लगातारको अनुसन्धान पछि नेपाली राष्ट्रिय फुटबल टोलीका कप्तान सागर थापासहितका ५ खेलाडी पक्राउ परेको एसियाली फुटबल महासंघ (एएफसी) शनिबार सार्वजनिक गरेको छ ।
AFC
एएफसी, स्पोर्टस राडार सेक्युरिटी सर्भिस र नेपाल प्रहरीको महानगरिय अपराध महाशाखाबीच लामो सहयकार्यपछि म्याच फिक्सिङको बलियो आधार फेला परेपनि उनीहरुलाई पक्राउ गरेको एएफसीको विज्ञप्तीमा उल्लेख गरिएको छ ।
सन् २००८ यता विभिन्न अन्तर्राष्ट्रिय खेलमा मिलेमतोको आशंकामा नेपाल प्रहरीले बिहीबार सागरसहित राष्ट्रिय खेलाडी सन्दीप राई, गोलकिपर रितेश थापा तथा पूर्व खेलाडी अन्जन केसी र विकाससिंह क्षेत्रीलाई पक्राउ गरेको थियो ।
एएफसीका कार्यवहाक महासचिव दातो विड्न्सर जोनले खेल मिलेमतोमा एएफसीले शून्य सहनसिता नीति लिएको उल्लेख गर्दै भनेका छन्,‘ खेल मिलेमतोका विषयमा खोज,रोकथाम र त्यसमा तत्काल कारबाही अघि बढेका छौं । यो त्यहि रणनीतिको सफलता हो ।’
स्पोर्टस राडारसँगको सहकार्यमा प्राप्त सुचनाका आधारमा नेपाल प्रहरीले खेलाडीमाथिको अनुसन्धान प्रक्रियालाई अघि बढाएकोमा उनले खुलेर प्रशंसा गरेका छन् ।
स्पोर्टस् राडरका प्रबन्ध निर्देशक आन्द्रेस क्रानिचले आफ्नो कम्पनीले तयार पारेको प्रतिवेदनको आधारमा खेल मिलेमतामो सयौै घटना सार्वनिक भएको र त्यसले फुटबल लोकप्रिय रहेको देशमा सकारात्मक प्रभाव पारेको बताएका छन् ।
पक्राउ पर्ने खेलाडीको आर्थिक कारोवार शंकास्पद देखिएका कारण एकबर्ष देखि नै छानविन चलिरहेको एएफसीले जनाएको छ । प्राप्त सुचना नेपाल प्रहरी दिएको र त्यसबाट थप अनुन्धान गर्नेक्रममा ५ खेलाडी पक्राउ गरिएको हो । एएफसीले आउने दिनमा उनीहरुमाथि आनुशासनको कारबाही गर्ने जनाएको छ । उपराध महाशाखाका अनुसार २००८ यताका ६ खेलमा मिलेमतो गर्दै दसौं हजार अमेरिकी डलर रकम बुझेको खुल्न आएको छ ।
अपराध महाशाखाका प्रमुख एएसपी सर्वेन्द्र खनालले खेल मिलेमतोको घटनामा नेपालले अडान प्रस्ट भएको बताए । ‘अनुन्धान र सुचना प्रवाहलाई हामी एएफसी र स्पोर्टस राडारलाई धन्यवाद दिन्छौ,’ एएफसीद्वारा जारी विज्ञप्तीमा खनालले भनेका छन्,‘ सामूहिक रुपमा राम्रो काम गरिरहेका छौं । आशा छ आउने दिनमा अझै प्रभावकारी ढंगले अघि बढ्नेछौं ।’
महाशाखाले महानगरीय प्रहरी परिसरको समन्वयमा आरोपित खेलाडीमाथि राज्यविरुद्धको अपराध र सजाय ऐन अनुसारको कसुरमा अनुसन्धान सुरु गरेको जनाएको छ ।

December 12, 2025

युरोपा लिग – ६ टोलीको नकआउट चरण पक्का

एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्‍यो। खेलको सुरुवातबाटै […]

December 11, 2025

इस्ट बंगालको दोस्रो जित, एपिएफ रोकियो

काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]

December 11, 2025

राष्ट्रिय लिगको विजेताले ५० लाख पाउने

काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]

Success

Thank you for your time.