8 years ago
June 24, 2017
एजेन्सी – फिफा कन्फेडेरेसन कप अन्तर्गत शनिबार रातीको खेलमा आयोजक राष्ट्र रसियालाई २-१ले पराजित गर्दै मेक्सिकोले सेमिफाइनलमा स्थान पक्का गरेको छ। समूह ‘ए’को अंक तालिकामा २ जित र १ बराबरीसँगै ७ अंक जोड्दै मेक्सिको समूह विजेताको रुपमा अर्को चरणमा पुगेको हो। तालिकामा ३ अंक जोडेको रसिया भने समूह चरणबाटै बाहिरिएको छ।
निकै प्रतिस्पर्धात्मक खेलमा रसियाले पहिलो अग्रता लिएको थियो। एलेक्जेन्डर सामेडोभले खेलको २५औं मिनेटमा गोल गर्दै घरेलु टोलीलाई अगाडी बढाएका थिए। तर उक्त गोलको ५ मिनेट बित्न नपाउँदै मेक्सिको खेलमा फर्कियो। नेस्टर अराउजोले ३०औं मिनेटमा गोल गर्दै खेललाई बराबरीमा ल्याएका थिए।
दोश्रो हाफको ५२औं मिनेटमा हर्भीङ लोजानोले गोल गर्दै मेक्सिकोलाई खेलमा अग्रता दिलाएका थिए। उनले गोलरक्षक र डिफेन्डरको गल्तिको फाइदा उठाउँदै गोल गरेका थिए। ६८औं मिनेटमा रसियाका युरी झिर्कभले दोहोरो पहेंलो कार्ड पाउँदै मैदान बाहिरिएका थिए। १० खेलाडीमा सिमित रसियाले खेलमा फर्कन नसकेपछि प्रतियोगिताबाट बाहिरियो।
यस जितसँगै मेक्सिकोले प्रतियोगिताको सेमिफाइनलमा स्थान बनाएको छ। शीर्ष स्थानको पोर्चुगलसँग समान ७ अंक भएपनि गोलअन्तरका आधारमा मेक्सिको दोश्रो स्थानमा रहेको हो।
December 12, 2025
एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्यो। खेलको सुरुवातबाटै […]
December 11, 2025
काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]
December 11, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]
