8 years ago
June 29, 2017
काठमाडौँ (हाम्रो खेलकुद) – अमेरिकाको डालसमा नेपाल अमेरिका कन्भेन्सन अन्तर्गत शुक्रबारबाट सुरु हुने फुटबल प्रतियोगितामा भाग लिन नेपाली राष्ट्रिय टोलीका फरवार्ड भरत खवास र राष्ट्रिय टोलीका पूर्व मिडफिल्डर राजु तामाङ अमेरिकामा छन् ।
जुन ३० देखि जुलाई २ सम्म हुने फुटबलमा यी दुई सेनाका खेलाडी बाहेक नेपालका लागि विभिन्न उमेर समूहमा प्रतिनिधित्व गरेका खेलाडी पनि अलग अलग टोलीबाट प्रतिस्पर्धामा उत्रदैछन् ।
भोलिबाट सुरु हुने प्रतियोगिताको पहिलो खेलमा साविक विजेता न्यू योर्क नेपलिज फुटबल क्लबले युनाइटेड हेल्प नेपालको सामना गर्नेछ । १२ टोलीको सहभागिता रहने प्रतियोगितामा विभिन्न देशका राष्ट्रिय खेलाडीहरुले पनि खेल्ने बताइएको छ ।
१.भरत खवास र राजु तामाङ
कन्भेन्सनका अध्यक्ष विश्व अधिकारीको निमन्त्रणामा अमेरिका पुगेका त्रिभुवन आर्मीका खेलाडीद्वय भरत र राजु एलए ११ बाट खेल्दै छन् । एलए ११ ले पहिलो खेल भोली खेल्ने छ ।
२. पर्वत पाण्डे
नेपालको राष्ट्रिय टोलीबाट खेलीसकेका नेपाल पुलिस क्लबका पूर्व खेलाडी पर्वत पाण्डे साबिक बिजेता न्यु यर्क नेपलिज फुटबल क्लबबाट खेल्नेछन् । पर्वत सेट पिसका विशेषज्ञ मानिन्छन ।
३. प्रलय राज भण्डारी
प्रतियोगितामा एन्फाका पहिलो ब्याचका खेलाडीहरुको बाहुल्यता छ, तीमध्ये प्रलय पनि हुन् । रुस्लान थ्री स्टार र एनआरटीबाट खेलिसकेका प्रलयले राष्ट्रिय टोली र विभिन्न उमेर समूहबाट नेपालको प्रतिनिधित्व गरेका थिए ।
४. राजिव श्रेष्ठ
नेपाललाई यु १९ मा प्रतिनिधि गरिसकेका राजिव डिसी फुटबल क्लबबाट प्रतियोगितामा खेल्नेछन् । एन्फा एकेडेमीका पहिलो ब्याचका गोलकिपर राजिवले अमेरिका जानुअघि फ्रेन्ड्स क्लबबाट व्यावसायिक फुटबल खेलेका थिए ।
५. प्रशान्त गिरी
प्रतियोगितामा डालस एभरेष्टबाट खेल्ने प्रशान्त पनि एन्फाको पहिलो ब्याचका खेलाडी हुन् । लक्ष्मी हुन्डाई मनाङ मस्र्याङदीका पूर्व खेलाडी प्रशान्तले नेपालको यु १९ टोली कप्तानी पनि गरेका थिए ।
६. स्वस्तिक जंग
नेपाललाई उमेर समुहमा यू १६ र यू १९ बाट प्रतिनिधित्व गरेका स्वस्तिक न्यु योर्क नेपलिज फुटबल क्लबका कप्तान पनि हुन् । स्वस्तिकले नेपाल रहँदा महासविर क्लबाट खेलेका थिए ।
७. शम्सेर खत्री
साविक विजेता न्यूयोर्क नेपलिज फुटबल क्लबका खेलाडी शम्सेर खत्री नेपाल यु १९ टोलीका पूर्व सदस्य थिए ।
८. रोशन देवकोटा
नेपाल यू १९ टोलीका पूर्व खेलाडी रोशन प्रतियोगितामा डालस गुर्खाबाट खेल्ने छन् ।
December 12, 2025
एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्यो। खेलको सुरुवातबाटै […]
December 11, 2025
काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]
December 11, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]
