8 years ago
July 3, 2017
काठमाडौं (हाम्रो खेलकुद)– यमनसँगको एसियन कप छनोटमा म्यान अफ दी म्याच प्रदर्शन गर्दै माल्दिभ्स पुगेपछि भने राष्ट्रिय टोलीका गोलकिपर किरण चेम्जोङ निराश भए ।
जेठको अन्तिममा घरेलु मैदानमा उच्च प्रदर्शन गर्दै छनोटमा नेपाललाई १ अंक दिलाउन महत्वपूर्ण भूमिका निर्वाह गरेका किरणले माल्दिभ्स पुगेपछि भने त्यहाँको प्रिमियर लिगमा टिसी स्पोर्टसको हारलाई जोगाउन सकेनन् । न्यू रेडियन्टसँगको अवे खेलमा किरणको टोली ४–३ ले पराजित भएको थियो । जसका कारण टोली दबाबमा परेको थियो ।
८ टोली सहभागी प्रिमियर लिगमा किरणको टोली १४ अंकसहित छैटौं स्थानमा छ । माल्दिभ्समा टोलीको हरेक जितमा उच्च प्रदर्शन गर्दै आएका किरणको टोलीले आज राती माजियाको सामना गर्दैछ । माजिया अहिले २४ अंकसहित लिग तालिको शीर्षस्थानमा छ ।
सुरुआतमा उच्च प्रदर्शन गरेको टिसी स्पोर्टसले पछिल्ला ५ मध्ये १ जित, १ बराबरी र बाँकी ३ खेलमा हार बेहोरेको थियो । अहिले सम्म टोलीले खेलेका १० खेलमा ४ जित, २ बराबरी र ४ खेलमा हार बेहोरेको छ । शीर्ष टोली माजियाले भने १० खेलमा ८ जित र २ हारका साथ २४ अंक जोडेको छ । टिसी स्पोर्टस् र पाँचौं स्थानको भिक्टोरीबीच १ अंकको अन्तर छ । भिक्टोरीले आजै ग्रिन स्ट्रिटको सामना गर्दैछ ।
December 12, 2025
एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्यो। खेलको सुरुवातबाटै […]
December 11, 2025
काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]
December 11, 2025
काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]
