काठमाडौँ (हाम्रो खेलकुद) – नेपालसँगको मैत्रीपूर्ण खेलका लागि आज नेपाल आइपुगेको बंगलादेशको युवा टोलीले सातदोबाटो स्थित एन्फा कम्प्लेक्सको कृत्रिम घाँसे मैदानमा आजै प्रशिक्षण गरेको छ। एएफसी यु २३ च्याम्पियनसिपको छनोट चरणको तयारीमा रहेका नेपाल र बंगलादेशले मंगलबार सातदोबाटोस्थित मैदानमा मैत्रीपूर्ण खेल हुनेछ ।

बंगलादेशको टोली दिउँसो १२ः३० मा त्रिभुवन अन्तर्राष्ट्रिय विमानस्थलमा ओर्लिएको थियो। टोलीले साँझ ५ बजे सातदोबाटोमा अभ्यास सेसन राखेको थियो। ३० सदस्यीय पाहुना टोलीमा २३ खेलाडी र ७ अफिसियल सामेल छन्।

संयुक्त अरब इमिरेट्समा (युएई) हुने यु २३ च्याम्पियनसिप छनोटको समूह ‘डी’ मा रहेको नेपालले पहिलो खेल असार ३१ गते खेल्नेछ। आयोजक युएईसँगै नेपालको समूहमा उज्बेकिस्तान र लेबनान रहेका छन्। नेपालले पहिलो खेलमा आयोजक राष्ट्र युएईसँग खेल्दैछ भने साउन २ गते हुने दोश्रो खेलमा उज्बेकिस्तानको सामना गर्नेछ। समूहको अन्तिम खेलमा नेपालले साउन ४ गते लेबनानको सामना गर्नेछ।

बंगलादेश समूह ‘इ’मा जोर्डन, ताजिकिस्तान र प्यालेस्टाइनसँग रहेको छ। बंगलादेशले पहिलो खेल साउन ४ गते खेल्नेछ। बंगलादेशको सबै खेल प्यालेस्टाइनमा खेलिनेछ। नेपाली टोली असार २९ गते युएईतर्फ प्रस्थान गर्नेछ।

टोलीको प्रशिक्षणका केहि तस्बिरहरु: