माएमी (एजेन्सी) – बार्सिलोनाका स्टार फरवार्ड नेयमार यसै साता फ्रान्सेली क्लब पेरिस सेन्ट जर्मेन जाने भएका छन्। यस सिजनको ट्रान्सफर विन्डो सुरु भएदेखिनै चर्चामा रहेको नेयमारको भविष्य केहि दिनमै निश्चित हुने छ।

बार्सिलोनासँग अमेरिकामा प्रि सिजनको प्रशिक्षण एवं मैत्रीपूर्ण खेलमा सहभागी भइरहेका नेयमारको शुक्रबार भएको प्रशिक्षणको झगडाले उनको बार्सामै बस्ने केहि अाशा पनि टुंगिएको हो। बार्सिलोनाको अमेरिका भ्रमण सकिएसँगै नेयमार आफु भने चिन प्रस्थान गर्दैछन्। बार्सिलोनाका अन्य सदस्य भने क्लबमै फर्कने कार्यक्रम रहेको छ।

नेयमार र उनका बुबा पिएसजीका कतारी मालिक र त्यहाँका स्पोर्टस डाइरेक्टर एटेरो हेरिक्वेसँग सुरुवाको विषयलाई लिएर सम्पर्कमा रहेको बताइएको छ । श्रोतका अनुसार ब्राजिलयन नेयमार चीनबाट सोझै पिएसजीको प्रशिक्षणमा सामेल हुने अपेक्षा गरिएको छ । यद्दपी चीन भ्रमणसम्म पनि उनले कुनै घोषणा नगर्ने अनुमान गरिएको छ ।

नेयमारलाई भित्र्याउन पिएसजीले २ सय २२ मिलियन युरोको रिलिज क्लज तिर्ने भएको छ। यद्दपी उक्त सम्झौतामा खेलाडीलाई समावेश गरिनो सम्भावना पनि बढ्दो छ। बार्सिलोनाले पिएसजीबाट मार्को भेर्राट्टिलाई ल्याउने चाह देखाएपनि नेयमार फ्रान्स लागेपछि एन्जल डि मारीयाको सम्भावनै बढेको छ।