चौथो संस्करणको मनकामना पोखरा कप फुटवल प्रतियोगिताको विजेता नेपाल पुलिस क्लबलाई हराउदै शसस्त्र प्रहरीको एपिएफ क्लब पोखरामा जारी पााचौ पोखरा कपको सेमिफाईनल प्रवेश गरेको छ ।

पोखरा रंगशालामा शनिवार सम्पन्न खेलमा अर्को विभागिय टिम पुलिसलाई २—० ले हराउदै एपिएफ अन्तिम चारमा पुगेको हो । एपिएफको जितमा रञ्जन विष्टले तीन मिनेटको अन्तरालमा दुइ गोल गर्दै एपिएफलाई सेमिफाइनलमा प्रवेश गराएको हो । खेलको पहिलो हाफ बराबरीमा सकिएपनि दोस्रो हाफमा विष्टले एपिएफको लागि दुई गोल गरेका थिए । खेलको ५९ औं मिनेटमा अग्रता दिएका उनले तीन मिनेटपछि पुन अर्को गोल गरे र जित सुनिश्चित पारे ।

आजको विजेता एपिएफले फाईनल प्रवेशको लागि बैशाख ८ गते मनाङमस्र्याङदी र रमपम झापा ११ विच आइतबार हुने खेलको विजेतासाग प्रतिश्पर्धा गर्नेछ । प्रतियोगिताको फाईनल खेल बैशाख ११ गते हुनेछ । शनिवारको खेलमा एपिएफका रञ्जन विष्ट म्यान अफ दी म्याच घोषित भए ।

खेल पश्चात पत्रकार संग प्रतिक्रिया दिदै जनक सिंङले अघिल्लो संस्करणमा पहिलो खेलबाटै बाहिरिएको एपिएफ क्लव यो पटकको प्रतियोगितामा लगातार दोश्रो खेल जित्न सफल भएकोमा खुसी ब्यक्त गरे । शनिवारको खेलको पहिलो हाफमा पास मिस भएका कारण खेल राम्रो हुन नसकेको भएतापनि दोश्रो हाफमा आफ्नो टीम राम्रो खेलेको र नतिजा राम्रो आएको सिङले वताए । आगामी खेल पनि राम्रो खेल्ने उनको भनाइ रहेको थियो ।

त्यस्तै नेपाल पुलिस क्लवका प्रशिक्षक विराट कृष्ण श्रेष्ठले गोल रक्षकको गल्तीका कारण आफ्नो टीमले पहिलो गोल खाएको वताए । शनिवारको खेलमा आफ्नो टिमको खेलाडीले ब्याकपास राम्रो खेल्न नसक्नुनै हारको मुख्य कारण रहेको उनको भनाइ रहेको थियो ।