काठमाडौं (हाम्रो खेलकुद) – रियो ओलम्पिककी सबैभन्दा कम उमेरकी पौडी खेलाडी गौरिका सिंहको आज शितल निवासमा राष्ट्रपति विद्यादेवि भण्डारीलेद्वारा सम्मान भएको छ।

केही साता अघि मात्र ब्राजिलको रियामा सम्पन्न ओलम्पिकमा २ सय ६ राष्ट्रका ११ हजार बढी खेलाडीमध्ये १३ बर्षे गौरिका सबैभन्दा कान्छी खेलाडी थिइन् ।

बेलायतमा परिवारका साथ बस्दै आएको र उतैबाट रियोमा गएका कारण ओलम्पिक जानु अघि उनको राष्ट्रपतिबाट विदाई हुन नसकेकोले आज सो कार्यक्रम राखिएको थियो। ब्राजिलको रियोमा आयोजित ओलम्पिक सहभागीमा २ सय ६ राष्ट्रका ११ हजार बढी खेलाडीमध्ये १३ बर्षे गौरिका सबैभन्दा कान्छी खेलाडी थिइन् ।

‘मैले तिम्रो समाचार हेरिरहेको थिए । ओलम्पिकमा खेल भएको दिन पनि मैले आफ्ना सहयोगीहरुसँग कुरा गरेको थिए ।’, राष्ट्रपति भण्डारीले अभिव्यक्ति दिईन।  राष्ट्रपति भण्डारीले आफु गौरिकासंग कुरा गर्न पर्खिरहेको र उनलाई भेटेर खुसी लागेको बताइन् । राष्ट्रपति भण्डारीले सिंहलाइ आगामी टोकियो २०२० ओलम्पिकको लागि राम्रो तयारी गर्न पनि शुभकामना दिईन।

नेपालको पौडी इतिहासमा सागमा व्यक्तिगततर्फ पहिलो पदक जितेकी गौरिकाले फागुनमा भारतमा भएको १२ औं दक्षिण एसियाली खेलकुदमा गौरिकाले १ र ३ कास्य पदक जितेकी थिइन् । ‘ म राष्ट्रपतिलाई भेट्न पाउँदा अत्यन्तै खुसी छु । अझ त्यसमाथि उहाँबाट सम्मानित हुन पाउँदा थप गौरवको अनुभुती भएको छ ।’, गौरिकाले भनिन्।