इस्तानबुल (एजेन्सी)

म्यानचेस्टर युनाइटेड खराब प्रदर्शन नरोकिएपछि प्रशिक्षक जोजे माउरिन्हो थप दबाममा परेका छन् । प्रिमियर सिपमा बर्नलीसँग गोलरहित बराबरी खेलेपछी युरोपा लिगमा खेल्न टर्की पुगेको युनाइटेड बिहिबार फेनरबाचसँग २–१ ले पराजित भएको छ ।

दुई साताअघि घरेलु मैदानमा ४–१ ले विजयी भएको युनाईटेड बिहीबार खेल नियन्त्रणका राख्नाका वावजुद पराजित भएको थियो । खेलको दोस्रो मिनेटमै स्ट्राइकर मुसा शोले उत्कृष्ट गोलबाट फेनरवाचले अग्रता लिएको थियो ।

पेनाल्टी बक्स भित्रबाट मुसाले एक्रोब्याटटिक किकमार्फत हानेको बललाई युनाइटेडका गोलकिपर डेभिड डि गियाले रोक्ने मौका समेत पाएनन् । फेनरवाचले ५९ औं मिनेटमा जेरिमेन लेन्सले फ्रिकिकबाट गोल अन्तरलाई दोब्बर पारेको थियो ।

खेलको ८९ औं मिनेटमा युनाइटेडका कप्तान वायन रुनीले २५ यार्ड टाढाबाट गोल गरेपनि युनाइटेडको हार टरेन । समूह ए मा रहेको युनाइटेड अंक तालिकाको तेस्रो स्थानमा झरेको छ भने फेनरवाच पहिलो स्थानमा उक्लिएको छ । फेनरवाचको ७ र युनाईटेडको ६ अंक छ ।

त्यस्तै समुहको अर्को खेलमा फेयन्हूडले जोर्यासङ १-१ को ड्र खेले पछी १ अंक बटुल्दै समुहको दोस्रो स्थानमा बस्न सफल भयो ।

अन्य नतिजाहरु

आस्टाना १-१ ओलम्पियाकस्
निकोसिया १-० योङ ब्वाइज

एन्डर्ले ६ – मैन्ज ०५
काबाला १-२ सेन्ट एटिनी

टेल अभिव – अल्कमार्
जेनित – डुन्ड्लक्

गिर्गु – भिक्टोरिया प्ल्ज्न्
वेइन २-४ रोमा

एथ्लेटिक बिल्बावो ५-३ जेन्क्
सासासोलो २-२ रेपिड वेन्

आजक्स ३-२ सेल्टा भिगो
पानाथिनाइकोस ०-३ स्टेनडर्ड लिग

ब्रागा ३-१ कोन्यास्पोर्
जेन्ट ३-५ शाक्टार डोनेस्क्ट्

निस ०-२ स्लाज्बर्ग्
शाल्के २-० क्रास्नोडर

फिओरेन्टिना ३-० स्लोभान लिभेरेक्
पाओक थेसालोनिकी ०-१ काराबाक्

साउथ्ह्याम्टन २-१ इन्टर्
स्पार्टा पारुग २-० हापोइल बियार शेभा

ज्युरिक ०-० स्टाउ बुकुरेस्टि
भिलारियल १-२ ओस्मान्लिस्पोर