default_image

8 years ago

December 21, 2016

शिवराम इस्टर्न ओपन गल्फ च्याम्पियन, शुक्रलाई एमेच्योर उपाधि

196 views

0 Bookmark

शिवरामको ३१ औं गल्फ उपाधि

काठमाडौं (हाम्रो खेलकुद)– नेपालका नम्बर एक गल्फर शिवराम श्रेष्ठले बुधबार सूर्य नेपाल इस्टर्न ओपन गल्फ उपाधि जितेका छन् । धरानस्थित निर्भाना कन्ट्री क्लब हेल्थ एन्ड गल्फ रिसोर्टको पार ७० अन्तिम दिन २ अन्डरको प्रदर्शन गरेका शिवरामले समग्रमा ४ अन्डर २ सय ६ को कार्ड बनाउँदै उपाधि जितेका हुन् । खेल जीवनमा शिवरामको त्यो ३१ औं उपाधि हो । 

unnamed

उपाधि जित्ने क्रममा उनले दोस्रो स्थानका रवि खड्कालाई ७ स्ट्रोकले पछि पारेका थिए । अन्तिम दिन इभन पार ७० को कार्ड बनाएका रविले ३ ओभर २ सय १३ को प्रदर्शन गरे । सञ्जय लामाले तेस्रो स्थानमा इस्टर्न ओपनको यात्रा अन्त्य गरे । तेस्रो तथा अन्तिम दिन ४ ओभर ७४ को कार्ड बनाएका उनले समग्रमा ६ ओभर २ सय १६ को प्रदर्शन गरे ।

१ अन्डर ६९ को कार्ड बनाउँदै ३ ओभर २ सय १३ को प्रदर्शनका साथ इस्टर्न ओपनमा संयुक्त रुपमा दोस्रो भएका स्थानिय एमेच्योर खेलाडी शुक्रकुमार राईले एमेच्योरतर्फको उपाधि जिते । स्थानिय शिवकुमार माझी एमेच्योरमा दोस्रो भए । उनले ७ ओभर २ सय १७ को कार्ड बनाएका थिए । अन्तिम दिन उनले ३ ओभर ७३ को प्रदर्शन गरे ।

६ लाख रुपैयाँ पुरस्कार रहेको इस्टर्न ओपनका विजेता शिवरामले १ लाख १० हजार, दोस्रो भएका रविले ७० हजार र सञ्जयले ५० हजार रुपैयाँ प्राप्त गरे । त्यस्तै स्थानिय व्यवसायिक खेलाडी बलभद्र (मणी) राईले चौथो स्थानमा प्रतियोगिताको अन्त्य गरे । ८ ओभर २ सय १८ को प्रदर्शन गरेका उनले ४० हजार रुपैयाँ पाए ।

साविक विजेता भुवन कार्की र धनबहादुर थापा ९ ओभर २ सय १९ को कार्ड बनाउँदै संयुक्त रुपमा दोस्रो भए । अन्तिम दिन समान ६ ओभर ७६ को प्रदर्शन गरेका उनीहरुले जनही ३२ हजार ५ सय हात पारे । रामे मगर र रवि पाख्रिन संयुक्त रुपमा सातौं स्थानमा रहे । अन्तिम दिन ३ ओभर ७३ को कार्ड बनाएका उनीहरुले समग्रमा १२ ओभर २ सय २२ को प्रदर्शन गरे ।

रामे र सविले समान २६ हजार प्राप्त गरे । २ ओभर ७२ को कार्ड बनाउँदै समग्रमा १३ ओभर २ सय २३ को प्रदर्शन गरेका दीपक मगरले नवौं स्थान प्राप्त गरे । सविन सापकोटाले १६ ओभर २ सय २६ को प्रदर्शन गर्दै दसौं स्थान प्राप्त गरे र २१ हजार रुपैयाँ हात पारे ।
सूर्य नेपाल प्रा लिगका असिस्टेन्ट मेनेजर सौरभ भट्टराई, नेपाल गल्फ संघका सदस्य मानबहादुर लिम्बुले विजेता खेलाडीलाई पुरस्कृत गरे । सूर्य नेपाल प्रालिको प्रायोजन र नेपाल प्रोफेसनल गल्फर एसोसिएसन (एनपिजिए) को आयोजनमा भएको थियो । १३ व्यवसायिक र ३६ एमेच्योरको सहभागितामा प्रो एम बिहीबार सुरु हुने एनपिजिएले जनाएको छ ।

April 27, 2025

म्याराथनमा सन्तोषीको राष्ट्रिय कीर्तिमान

काठमाडौं (हाम्रो खेलकुद)- तेह्रौं दक्षिण एसियाली खेलकुद (साग) की स्वर्ण पदक विजेता सन्तोषी श्रेष्ठले म्याराथनमा राष्ट्रिय कीर्तिमान बनाएकी छिन्। लण्डन म्याराथनका दौरान आइतवार सन्तोषीले आफै कीर्तिमानलाई भंग गर्दै नयाँ कीर्तिमान बनाएकी हुन्। उनले ३ मिनेटमा ३६ सेकेन्डको समय सुधार गरेकी हुन्।लण्डनमा म्याराथन २ घन्टा ४२ मिनेट ५० सेकेन्डमा पूरा गरेकी हुन्। सन्तोषीले दुई वर्ष अघि […]

April 26, 2025

एसिया ट्राइयाथलन कप – पिटर र पार्कलाई उपाधि

पोखरा (हाम्रो खेलकुद)- एसिया कप ट्राइयाथलन कपको पुरुष तर्फ अष्ट्रियाका पिटर लुफतेन्सटेनर र महिला तर्फ कोरियाकी गियोङ्गमिन पार्कले उपाधि जितेका छन् । पोखराको फेवा लेकमा भएको प्रतियोगितामा शनिवार पिटरले ७ सय ५० मिटर पौडी, २० कि.मि. साईक्लिङ्ग र ५ कि.मि. दौड ५३ मिनट ४५ सेकेन्डमा पूरा गर्दै उपाधि जितेका हुन् । इजरायलका इतामर लेभाननले ५३ […]

April 5, 2025

त्रिशुली अल्ट्रा रेस – सुनसरी र होमलाललाई उपाधि

काठमाडौं (हाम्रो खेलकुद)- त्रिभुवन आर्मी क्लबका सुनसरी रोकाया र होमलाल श्रेष्ठले त्रिशुली अल्ट्रा रेसको उपाधि जितेका छन् । नेपाल एडभेन्चर रनिङ महासंघले शनिवार आयोजना गरेको ५५ किलोमिटरको अल्ट्रा रेस‌को महिलातर्फ सुनसरीले ५ घण्टा ५१ मिनेट समयमा पूरा गर्दै उपाधि जितिन्। पुरुषतर्फ होमलालले ४ घण्टा ३३ मिनेट २२ सेकेन्डमा पूरा गरे । आर्मीकै गोपाल तामाङ ४ […]

Success

Thank you for your time.