default_image

10 months ago

September 21, 2023

बर्लिन म्याराथनमा नेपाली धावकले भाग लिने

1296 views

0 Bookmark

काठमाडौं (हाम्रो खेलकुद) – विश्व प्रसिद्ध बर्लिन म्याराथनमा नेपालबाट २ धावकले भाग लिने भएका छन् । जर्मनीको बर्लिनमा आइतबार हुने म्याराथनमा ४७ हजार ९ सय १२ धावकमध्ये २ जनाले नेपालको प्रतिनिधित्व गर्नेछन् ।

नेपालबाट सहदेव व्यञ्जनकार र दिनेश व्यञ्जनकारले विश्वको सबैभन्दा तीव्र गतिको मानिएको म्याराथन कोर्समा भाग लिंदैछन् । सहदेवले यसअघि सन् २०१७ मा अमेरिकाको न्युयोर्क म्याराथन र २०१९ मा सिकागो म्याराथनमा सहभागिता जनाइसकेका छन् । सहदेवले नेपालभित्र आयोजित अन्नपूर्ण १०० अल्ट्रा म्याराथन, स्तुपा टु स्तुपा ५४ किलोमिटर, फिसटेल म्याराथन सफलतापूर्वक सम्पन्न गरिसकेका छन् ।

सहदेवसँग विश्वको सबैभन्दा अग्लो स्थानमा हुने तेन्जिङ हिलारी एभरेष्ट म्याराथन २०२२ सम्पन्न गरेको अनुभव छ । क्यानडाको टोरन्टोमा बस्दै आएकी उनकी दिदी मञ्जु व्यञ्जनकारले पनि सगरमाथाको आधार शिविरबाट शुरु हुने अघिल्लो संस्करणको एभरेष्ट म्याराथनमा सहदेवलाई साथ दिएकी थिइन् ।

सहदेव नेपाल डायनामिक रनिङ क्लबका सह–संस्थापक समेत हुन् । सन् २०१५ मा ललितपुरको पाटनमा स्थापना भएको क्लबले ग्लोबल रनिङ डे को अवसर पारेर गल्ली रन, लामो दुरीको दौड लगायत आयोजना गर्दै आएको छ । ग्लोबल रनिङ डे न्युयोर्कका मेयरले शुरु गरेका हुन् ।

त्यस्तै अर्का सहभागी दिनेश व्यञ्जनकार पूर्व फुटबलर हुन् । उनीसँग पनि हाफ म्याराथन र १० किलोमिटर दौडेको अनुभव छ । दुबै धावकलाई नेपालका कीर्तिमानी धावक बैकुण्ठ मानन्धरले हालै बिदाइ गरेका थिए । मानन्धरले दुबैलाई म्याराथन सफलतापूर्वक सम्पन्न गर्न शुभकामना दिए ।

May 25, 2024

पूर्वाधार र प्रतियोगितालाई प्राथमिकतामा राख्दै मन्त्रालयद्वारा बजेट प्रस्ताव

काठमाडौं (हाम्रो खेलकुद) – युवा तथा खेलकुद मन्त्रालयले आर्थिक वर्ष २०८१/८२ का लागि प्रदेश र स्थानीय तहलाई सशर्त अनुदान उपलब्ध गराउने बजेट तथा कार्यक्रम प्रस्ताव गरेको छ । यसमा मन्त्रालयले पूर्वाधार निर्माण तथा प्रतियोगिता आयोजनालाई प्राथमिकतामा राखेको छ । मन्त्रालयले मुलपानी क्रिकेट एकेडेमी तथा रंगशालाको लागि ५० करोड रुपैयाँ राखेको छ । त्यस्तै मोरङको बैजनाथपुर […]

May 2, 2024

इटहरीमा ओलम्पियन र खेलाडीको पैदल यात्रा

हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]

May 1, 2024

देशभरका ओलम्पियन कोशी प्रदेशमा जुट्दै

हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]

Success

Thank you for your time.