default_image

4 months ago

March 21, 2024

राइट टु प्रोटिन रनमा ७ हजार बढी दौडने

505 views

0 Bookmark

काठमाडौं (हाम्रो खेलकुद)– राइट टु प्रोटिन रनको हाफ म्याराथनको तेस्रो संस्करण सबै तयारी पूरा भएको आयोजक नेपाल भेटेरिनरी एसोसिएसनले जानकारी दिएको छ । हाफ म्याराथन शनिबार दशरथ रंगशालामा आयोजना हुँदैछ ।

प्रोटिन माथिको अधिकारको मर्मलाई आत्मसात गर्दै प्रोटिनजन्य पदार्थमा पहुँच बढाउन जनचेतना फैलाउने उद्देश्यले म्याराथन आयोजना गरिएको बिहीबार आयोजित पत्रकार सम्मेलनमा प्रतियोगिताका संयोजक सितलकाजी श्रेष्ठले जानकारी दिए ।

प्रतियोगितामा खुला हाफ म्याराथान, पुरुष १० किमी, महिला ५ किमी, १२ कक्षासम्मका विद्यार्थीलाई ५ (किमी पुरुष) र ३ कि.मी. (महिला) र फरक क्षमता भएका व्यक्तिहरुको लागि ह्विलचेयर गरी ८ विधाका दौडहरु समावेश गरिएको बताइएको छ । ८ विधामा ७ हजार भन्दा बढीले सहभागिता जनाउने बताइएको छ ।

प्रतियोगितामा १४ लाख १२ हजार ५ सय रुपैयाँ पुरस्कार रहेको छ । हाफ म्याराथनको विजेताले १ लाख ३३ हजार ३ सय ३३ रुपैयाँ पाउनेछन्। त्यसमा पाँचौं स्थानसम्म प्राप्त गर्नेलाई नगद पुरस्कार रहेको बताइएको छ ।

प्रतियोगिताको संरक्षकमा राष्ट्रिय खेलकुद परिषद् र प्राविधिक सहयोगीमा नेपाल एथलेटिक्स संघ रहेको छ । कार्यक्रमको हस्पिटल पार्टनरमा प्रिमेरा, टिकेटिङ पार्टनर इसेवा, साउन्ड सिस्टम पार्टनर आएसएस, हस्पिटालिटी पार्टनर मेरियोट होटल, फेयरफिल्ड बाई मेरियट र फूड पार्टनर केबि एग्रो रहेको बताइएको छ ।

त्रिपुरेश्वरस्थित दशरथ रंगशालाबाट सुरु हुने हाफ म्याराथन भक्तपुरको राधे राधे पुगेर सोही रुटबाट फर्कने र प्राविधिक संयोजन एथलेटिक्स संघले गर्ने सचिव आरके विष्टले बताए ।

नेपाल जस्ता विकासोन्मुख मुलुकहरुमा नागरिकको ठूलो हिस्सा सन्तुलित आहाराबाट बन्चित रहने गरेको तथ्याङ रहेको छ । प्रोटिनजन्य खाद्यपदार्थहरु जस्तै दूध, माछा, मासु, अण्डा, गेडागुडी आदिको हिस्सा कम हुँदा नेपालमा लाखौं मानिसहरु कुपोषण ग्रसित छन् भने ५ वर्ष मुनिका ३८.८% पुड्को,, २७% कम तौल र ११% बालबालिकाहरु ख्याउटे हुने समस्याबाट ग्रसित छन् ।

गरिबी, कमजोर आर्थिक अवस्था र विकट भूगोलका कारण सहज उपलब्धताको कमीका साथै जनचेतनाको कमी यसका मुख्य कारणहरु हुन् । त्यसलाई मध्यनजर गर्दै भेटेरिनरी एशोसिएसनले प्रोटिन माथिको अधिकार को मर्मलाई आत्मसाथ गर्दै प्रोटिनजन्य पदार्थमा पहुँच बढाउनको लागि जनचेतना फैलाउने उद्देश्यले हाफ म्याराथनलगातका विभिन्न दौड प्रतियोगिता आयोजना गरेको संयोजक श्रेष्ठले बताए ।

हाफ म्याराथनको उद्घाटन प्रधानमन्त्री पुष्पकमल दाहाल प्रचण्डले गर्ने बताइएको छ । गत वर्ष हाफ म्याराथनको उपाधि महिलातर्फ फुलमती राना र पुरुषतर्फ दीपक अधिकारीले जितेका थिए । म्याराथन अवलोकनका लागि विश्व भेटेरिनरी एसोसियसनका अध्यक्ष राफेल लगुनेको पनि उपस्थिति रहने बताइएको छ । युनाइटेड स्टेट्स सोयाबिन एक्पोर्ट काउन्सिलको मुख्य प्रायोजन रहेको हाफ म्याराथनका पशु सेवा विभाग र नेपाल दाना उद्योग संघ अन्तर्गतका दाना उद्योगीहरुको विशेष सहयोग रहेको बताइएको छ ।

हाफ म्याराथनमा पुरुषमा १ हजार २ सय ६६, महिलामा १ सय ८२ को सहभागिता निश्चत भएको बताइएको छ । त्यस्तै १० किमी पुरुषमा ३ हजार ८१ जना, ५ किमी महिलामा १ हजार १ सय ६६ जना, ५ किमी छात्रमा ७ सय ९२ जना, ३ किमी छात्रामा ४ सय ७२ जना दौडका लागि नाम दर्ता गराइसकेका छन् । त्यस्तै ह्विलचियर पुरुषमा ४०, महिलामा २०, किन्डर गार्डेनमा २ सय ६८ जनाले सहभागिताका लागि फारम भरेका छन् ।

एसोसिएसनका अध्यक्ष रामकृष्ण खतिवडा, दाना उद्योग संघका अध्यक्ष रबिन पुरी, संयोजक श्रेष्ठलगायतले हाफ म्याराथनका लागि तयार पारिएको टिसर्ट पत्रकार सम्मेलनमा प्रदर्शन गरिएको थियो ।

May 25, 2024

पूर्वाधार र प्रतियोगितालाई प्राथमिकतामा राख्दै मन्त्रालयद्वारा बजेट प्रस्ताव

काठमाडौं (हाम्रो खेलकुद) – युवा तथा खेलकुद मन्त्रालयले आर्थिक वर्ष २०८१/८२ का लागि प्रदेश र स्थानीय तहलाई सशर्त अनुदान उपलब्ध गराउने बजेट तथा कार्यक्रम प्रस्ताव गरेको छ । यसमा मन्त्रालयले पूर्वाधार निर्माण तथा प्रतियोगिता आयोजनालाई प्राथमिकतामा राखेको छ । मन्त्रालयले मुलपानी क्रिकेट एकेडेमी तथा रंगशालाको लागि ५० करोड रुपैयाँ राखेको छ । त्यस्तै मोरङको बैजनाथपुर […]

May 2, 2024

इटहरीमा ओलम्पियन र खेलाडीको पैदल यात्रा

हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]

May 1, 2024

देशभरका ओलम्पियन कोशी प्रदेशमा जुट्दै

हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]

Success

Thank you for your time.