default_image

1 month ago

April 9, 2024

भारतीय सुधिरलाई बुद्धिचाल उपाधि, रुपेश दोस्रो

319 views

0 Bookmark

बुटवल( हाम्रो खेलकुद)- भारतीय सुधिर कुमार सिन्हाले कर्णेल उजिर सिंह थापाको स्मृति अन्तर्राष्ट्रिय बुद्धिचाल प्रतियोगिताको उपाधि जितेका छन्।

बुटवल उपमहानगरपालिका बेलबास -१३ मा मंगलबार सम्पन्न क्लासिकल चेस खेलमा ८ अंक जोड्दै भारतीय १९६८ रेटेड सुधिर पहिलो भएका हुन् । अपराजित रहेका उनले ट्रफि सहित २ लाख रुपैयाँ प्राप्त गरे।

अंग्रेज सेनालाई जितगढी किल्लामा पराजित गर्ने कर्णेल उजिर सिंह थापाको स्मृतिमा भएको पाँच दिने अन्तर्राष्ट्रिय बुद्धिचाल प्रतियोगिता आज सम्पन्न भएको छ। बुटवल उपमहानगरपालिका बेलबास -१३ मा सम्पन्न क्लासिकल चेस प्रतियोगिताको अन्तिम समय सम्म शीर्षस्थानमा रहेका रुपेश जैसवाल दोश्रो स्थान प्रतियोगिताको अन्त्य गरेका छन् ।

अपराजित रहेका रुपेशले ८ अंक जोडेका थिए । रुपेशले १ लाख १० हजार रुपैयाँ प्राप्त गरे। डाइरेक्ट इन्काउण्टर , प्रोग्रेसिभका आधारमा खेलाइएको प्रतिस्पर्धामा रुपेशले नेपाली खेलाडीहरुको नतिजावाट प्रभावित हुनु परेको थियो। सुधारसँग दोश्रो बोर्डमा खेलिरहेका कृष्णथापाले बराबरी खेले मात्र पनि रुपेशले उपाधि जित्ने पक्का थियो।

उक्त खेलमा कृष्णथापाले कालो गोटीबाट सिसिलियन डिफेन्स क्लोज भारियसनवाट सुधिरलाई जवाफ दिएका थिए। दशौं चालमा अनुभवी कृष्णको पाउन आइसोलेट हुन पुगे। २९ औं चालमा दुई पाउन डाउन भए पनि एण्टी बिसपका कारण खेल अनिवार्य बराबरमा देखिन्थ्यो। तर ३३ औं चालमा आएर कृष्णले जानी अञ्जानी आर सि सेभेन चाल्न पुगे। जसको तुरुन्त फाइदा लिदै सुधिरले बिसप डि फाइभ चाल्दै रुक एक्सचेञ्ज लिन सफल भए र कृष्णमाथि जित दर्ता गरे।

तेस्रो बोर्ड सजिन महर्जन र सुरज महर्जनबीच चलिरहेको थियो। सजिनले जिते रुपेशको पहिलो हुने आशा थियो। सेतो गोटिबाट इफो डि सिक्स, डिफो नाइट एफ सिक्स, नाइट सि सिक्स सिसिक्स खेल प्रारम्भ भएको थियो। सजिनले २१ औं चालमा प्रोटेक्सनमा रहेको इफो पाउन इफाइभमा सित्तै बलिदान दिए र बराबरी नै देखिने खेलको २३ औं चालमा परित्याग गरे। उनी जितेको भए तेश्रो हुने थिए। तर भाग्यमानी सुरज महर्जन एकल ७.५ अंक जोडेर तेश्रो बन्दै ६० हजार रुपैयाँ प्राप्त गर्न सफल भए ।

प्रतियोगितामा नेपालका तीर्थ बिकले चौथो भए‌ र उनले ४० हजार रुपैयाँ पाए । पाँचौं भएका भारतका रिशव निशादले ३० हजार रुपैयाँ प्राप्त गरे। छैटौं देखि दशौं स्थान सम्मका राघव श्रीवास्तव , कृष्णथापा, सजिन महर्जन, प्रखर त्रिपाठी र विपुल शुभमषी प्रत्येकले समान २० हजार रुपैयाँ प्राप्त गरे।

११ औं देखि १५ औं सम्मका वृष्टि मुखर्जी, मिथिलेष श्रीवास्तव, आशिष् फुयाल, विनायक, पुरुषोत्तम चौलागाईंले समान १५ हजार रुपैयाँ गरे । १६औं देखि २०औं स्थानमा एमडि जमाल उद्दिन, आशुतोष, दिलिप त्रिपाठी, रोशन कुमार र संजय काफ्ले ले समान १३ हजार रुपैयाँ प्राप्त गरे।

बुटवल उप महानगरपालिकाका मेयरले खिलराज पाण्डेले ७१ जना खेलाडीहरुलाई १० लाख १ हजार रुपैयाँ पुरस्कार वितरण गरे ।

मेयर पाण्डेले कर्णेल उजिर सिंहको नाममा हरेक वर्ष प्रतियोगिता आयोजना गर्न सहयोग गर्ने प्रतिबद्धता जाहेर गरे । कार्यक्रम संयोजक माधवप्रसाद प्रधानले अन्तर्राष्ट्रिय आर्विटर सहित सिनियर राष्ट्रिय आर्विटरहरुलाई सम्मान गरेका छन्।

May 2, 2024

इटहरीमा ओलम्पियन र खेलाडीको पैदल यात्रा

हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]

May 1, 2024

देशभरका ओलम्पियन कोशी प्रदेशमा जुट्दै

हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]

April 11, 2024

धावक गोपीलाई केएल दुगडले १ लाख दिने

काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]

Success

Thank you for your time.