4 months ago
April 10, 2024
काठमाडौं (हाम्रो खेलकुद)- फाल्डो जुनियर टुर नेपाल च्याम्पियनसिपको पहिलो दिन बुधबार सदभाव आचार्य, ईदान्त सिंह साउद र अवानी राई आ-आफ्नो उमेर समूहको शीर्षस्थानमा रहेन सफल भएका छन्।
नेपाल गल्फ संघको आयोजनामा रोयल नेपाल गल्फ क्लबमा सुरु भएको च्याम्पियनसिप अन्तर्गत पुरूष १७ देखि २१ वर्ष उमेर समुहमा राष्ट्रिय टिमका सदस्य सदभाव ५-अन्डर ६३ को उत्कृष्ट स्कोर सहित शीषस्थानमा रहेका छन्। उनले संसार विकेमाथि १३ स्ट्रोकको फराकिलो अग्रता बनाएका छन्।
सदभावले फ्रन्ट नाइन २-अन्डर ३२ मा सकाए। उनले पहिलो, दोस्रो, चौथो र नवौ होलमा एक-एक सट बचाए। तर ५-पारको तेस्रो होलमा डबल बोगी खेपे। यसपछि ब्याक नाइनमा दशौंदेखि १३औं होलमा लगातार चार बर्डीको सफलता प्राप्त गरे। तर १८औं होलमा एक सट खेर फालेका उनले ब्याक नाइन ३-अन्डर ३१ मा पूरा गरे।
दोस्रो स्थानमा रहेका संसारले ८-ओभर ७६ मा पहिलो दिनको खेल सकाउने क्रममा उनले फ्रन्ट नाइन ३-ओभर ३७ र ब्याक नाइन ५-ओभर ३९ मा सकाए। १०-ओभर ७८ को स्कोरमा स्वप्निल भट्टराई तेस्रो स्थानमा रहेका छन्।
पुरूषकै १२ देखि १६ वर्ष उमेर समुहमा ईदान्त सिंह साउद १६-ओभर ८४ सहित सिद्धान्त सापकोटालाई २ स्ट्रोकले पछि पार्दै शीर्षस्थानमा रहेका हुन। उनले फ्रन्ट नाइन ७-ओभर ४१ र ब्याक नाइन ९-ओभर ४३ मा पूरा गरे। १८-ओभर ८६ को स्कोरमा सिद्धान्त दोस्रो स्थानमा छन्।
यसैगरी सोहम अग्रवाल र दीपक बहादुर कामी २१-ओभर ८९ सहित संयुक्तरुपमा तेस्रो स्थानमा छन्।
महिला खुल्लातर्फ अवानी राई २०-ओभर ८८ सहित शीर्षस्थानमा रहेकी छिन्। उनले आइन्स्टिना टण्डनलाई ५ स्ट्रोकले पछि पारिन्। आइसटिनाले २५-ओभर ९३ स्कोर गरिन्।
५४ होलको ३ दिने प्रतियोगितामा पुरूषतर्फ २७ र ४ महिलागरी कुल ३१ खेलाडीको सहभागिता रहेको छ। ३ विधाका विजेताले फाल्डो सिरिज एसिया फाइनल खेल्न पाउनेछन्।
प्रतियोगिता सकिएपछि तीन विधाको विजेता खेलाडीको स्कोर संघले फाल्डो फाउन्डेसनलाई पठाउने र त्यसपछि स्पेन वा भियतनाममा नेपालका खेलाडीले देशको प्रतिनिधित्व गर्ने संघले जनाएको छ।
प्रतियोगितामा काठमाडौं, पोखरा, धरान र चितवनका खेलाडीको सहभागिता छ। सन् २०१२ देखि रूपमा सञ्चालन भएको प्रतियोगिता कोभिडका कारण केही वर्ष रोकिएको थियो। यो वर्ष पुनः सुरु भएको प्रतियोगिताका लागि नेपाल गल्फ संघले फाल्डो सिरिजसँग तीन वर्षको सम्झौता गरेको बताइएको छ।
May 25, 2024
काठमाडौं (हाम्रो खेलकुद) – युवा तथा खेलकुद मन्त्रालयले आर्थिक वर्ष २०८१/८२ का लागि प्रदेश र स्थानीय तहलाई सशर्त अनुदान उपलब्ध गराउने बजेट तथा कार्यक्रम प्रस्ताव गरेको छ । यसमा मन्त्रालयले पूर्वाधार निर्माण तथा प्रतियोगिता आयोजनालाई प्राथमिकतामा राखेको छ । मन्त्रालयले मुलपानी क्रिकेट एकेडेमी तथा रंगशालाको लागि ५० करोड रुपैयाँ राखेको छ । त्यस्तै मोरङको बैजनाथपुर […]
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]