काठमाडौं (हाम्रो खेलकुद) – नेपाल ओलम्पिक कमिटी (एनओसी) मा फेरि तालाबन्दी गरिएको छ । युवा तथा खेलकुद मन्त्रालयको निर्देशनमा राष्ट्रिय खेलकुद परिषद् (राखेप) ले तालाबन्दी गरेको हो ।

राखेप कार्यकारी समिति सदस्य कमल भट्टराई सहितको टोलीले सातदोबाटो स्थित एनओसी भवनमा तालाबन्दी गरेको बताइएको छ । तालाबन्दीसँग भवन परिसरमा प्रहरी तैनाथ छन् । एनओसी प्रवेशको लागि पदाधिकारीहरू र कर्मचारीको लागि रोक लगाइएको छ ।

युवा तथा मन्त्रालयको निर्देशनमा एनओसीमा तालाबन्दी हुने नौलो विषय होइन । यसअघि एनओसी निर्वाचन हुने भने‌देखि प्रहरी हस्तक्षेप दमय समयमा हुँदै आएको छ ।

एनओसीको निर्वाचन अवैध हो भन्दै सो निर्वाचन स्वीकार्य नहुने अडानमा युवा तथा खेलकुद मन्त्रालय रहेको छ । उसले अदालतको अवहेलना गर्दै निर्वाचन गरेको भन्दै आएको छ ।

एनओसीले भने यसलाई स्वीकारेको छैन्। उनीहरूले अन्तराष्ट्रिय मान्यताको हवला दिंदै आएका छन्। जसले विवाद चर्कदो छ।

यसैबीच मन्त्रालयले एनओसी पदाधिकारीहरूलाई विदेश जान समेत रोक लगाएको छ। अध्यागमन विभागमा १५ जनाको नाम कालो सुचिमा रहेको छ ।

पछिल्लो समय एनओसी अध्यक्ष जीवन ताम श्रेष्ठलाई कुबेतबाट डिपोट गर्न समेत पत्राचार भएको थियो।‌ केहि घण्टा अध्यक्ष श्रेष्ठलाई विमानस्थलमा रोकिएको पनि थियो।
जसको विरोधमा केहि दिन अगाडि एनओसीले पत्रकार सम्मेलन गर्दै विरोध जनाएको थियो।