काठमाडौं (हाम्रो खेलकुद)- प्रदेश खेलकुद विकास परिषद्, बागमतीको आयोजना तथा नेपाल ओलम्पियन्स एसोसिएसनको संयोजनमा  ‘स्कुल टु ओलम्पिक’ कार्यक्रमको समापनका अवसरमा चौथो ओलम्पियन पुनर्मिलन एवं सम्मान कार्यक्रम यसै साता हुने भएको छ।

चितवन सौराहाको पार्क सफारीमा कार्यक्रम हुने एसोसिएसनले जानकारी दिएको छ। सोही दिन बिहान ६ बजे हुने ओलम्पियनका साथमा खेलाडी,खेलकर्मी, नगरवासी र जनप्रतिनिधिको सहभागितामा वाकाथन हुनेछ ।

त्यस्तै सोही दिन बिहान १० बजे ओलम्पियनहरु स्थानीय विभिन्न बिधालयका विधार्थीहरु सहभागी स्कुल टु ओलम्पिक कार्यक्रममा सहभागी हुनेछन् ।

एसोसिएसनले प्रदेश सरकार, प्रदेश खेलकुद परिषद्, स्थानिय निकाय, बिधालयहरुसँको सहकार्यमा २०७८ बाट सुरु गरेको स्कुल टु ओलम्पिक कार्यक्रमको समापनमा शनिवार साँझ ओलम्पियन पुर्नमिलन र सम्मान कार्यक्रम गर्नेछ।

चौथो ओलम्पियन पुर्नमिलनमा सन् १९९२, १९९६ र २००० मा ओलम्पिकमा सहभागी हुनेलाई सम्मान गरिनुका साथै। त्यस्तै गत वर्षको पेरिस ओलम्पिकका सहभागीलाई सदस्यता प्रदान गरिने एसोसिएसनले जनाएको छ।

कर्णालीबाट सुरु भएको स्कुल टु सुदूरपश्चिम, लुम्बिनी,कोशी , गण्डकी र बागमती प्रदेशका विभिन्न २० ठाउँमा आयोजना भइसकेको बताइएको छ।

ओलम्पियन‌ पुनर्मिलनको पहिलो संस्करण २०७९ मा काठमाडौं, दोस्रो पोखरामा २०८० र तेस्रो विराटनगरमा २०८१ मा आयोजना भएको थियो। सन् १९६४ देखि नेपालले ओलम्पिकमा भाग लिन थालेको हो।

त्यसयता ओलम्पिकमा भाग लिएका ओलम्पियनहरुलाई वर्षमा एक पटक एकै ठाउँमा भेला गरि अनुभव आदानप्रदान गर्न पुनर्मिलन आयोजना गरिदै एसोसिएसनले प्रेस विज्ञप्ति मार्फत जानकारी दिएको छ।
यसपटक एसोसिएसनको चुनावी अधिवेशन पनि हुनेछ।