काठमाडौं, भदौ २ गते ।

राष्ट्रिय खेलकुद परिषद् (राखेप) का सदस्य–सचिव केशवकुमार विष्टले विभिन्न खेलकुद समितिका पूर्व पदाधिकारीहरुले खेलकुद क्षेत्रमा पुर्‍याएको योगदान विर्सन नहुने बताएका छन् ।

काठमाडौं जिल्ला खेलकुद विकास समितिका नवनियुक्त पदाधिकारीको स्वागत तथा पूर्व पदाधिकारीहरुको बिदाइ गर्न बुधबार आयोजित कार्यक्रममा सदस्य–सचिव विष्टले यस्तो धारणा राखेका हुन् । ‘पूर्व पदाधिकारीहरुले खेलकुदको विकासमा गरेको योगदान कहिल्यै विर्सनु हुादैन । उहााहरुको अनुभव र सुझाव सदैव आवश्यक रहन्छ । त्यसैले उहााहरुलाई स–सम्मान बिदाइ गर्नु पर्छ ।’ विष्टले भने– ‘नयााले खुसुक्क आउने र पुरानाले खुसुक्क जाने परिपाटीको अन्त्य गर्न पनि यस्ता कार्यक्रम हुनु जरुरी छ । आउनेले पनि छाती फुकार आउनु सक्नु पर्छ जानेले पनि छाती फुकार जान सक्नु पर्छ । हामीले सबै ठाउामा यस्तो कार्यक्रम गर्न भनेका छौं ।’

सदस्य–सचिव विष्टले सबैलाई मिलाएर लैजान सक्ने क्षमता भएको र खेलकुद बुझेको व्यक्ति ठहर गर्दै परिषद्ले ध्रुवजीको नेतृत्वमा काठमाडौं जिल्लामा सन्तुलित टिम पठाएको बताउदै दलगत स्वार्थभन्दा माथि उठेर खेलकुद र खेलाडीको विकास र समृद्धिका लागि काम गर्नु पर्नेमा जोड दिए ।

काठमाडौं जिल्ला खेलकुद विकास समितिका कार्यालय प्रमुख लीलाराम बस्नेतले वर्तमान अध्यक्ष खेलकुदसंग भिजेको व्यक्ति भएकाले उहााको कार्यकालमा काठमाडौं जिल्लाको खेलकुदले अझ फड्को मार्ने विश्वास व्यक्त गरे । उनले सदस्य–सचिव विष्टको खेलकुदलाई स्वर्णकाल बनाउने लक्ष्यमा परिषद्को नीति र निर्देशन अनुसार काम गर्ने प्रतिबद्धता जनाए ।

समितिका नवनियुक्त अध्यक्ष ध्रुवराज न्यौपानेले कसैलाई पनि पक्षपात नगरी काम गर्ने बताउदै काठमाडौं जिल्लाको खेलकुद विकासका लागि हरदम प्रयासरत रहने प्रतिबद्धता व्यक्त गरे । उनले काम गर्नेलाई पुरस्कार र नगर्नेलाई दण्डको परिपाटी अवलम्बन गरिने बताए । न्यौपाने साउन ९ गते काठमाडौं जिल्लाको अध्यक्षमा मनोनित भएका थिए ।

सो अवसरमा सदस्य–सचिव विष्टले काठमाडौं जिल्लाका नवनियुक्त पदाधिकारीहरुलाई शपथ ग्रहण गराएका थिए ।