नेपाली क्रिकेटका राष्ट्रिय प्रशिक्षक पुवुदु दाशानायकेलाई आज राष्ट्रिय खेलकुद परिषदका सदस्य सचिव केशव कुमार विष्टले परिषदमा बिदाई गरे ।
उक्त अवसरमा बोल्दै सदस्य सचिव विष्टले नेपालको क्रिकेटको विकास, सफलता र खेलाडी उत्पादनमा पुवुदुको योगदानको प्रशंसा गर्दै उनको योगदानको नेपाल सरकार, परिषद र समस्त खेल क्षेत्रले सदा स्मरण गरिरहने बताए ।
“उहााले नेपाली क्रिकेटमा गरेको सेवाको राखेप सदा उहााप्रती कृतज्ञ रहने छ । उहााको आवश्यकता पुन: महशुस भएमा आगामी दिनमा उहाालाई पुन: नेपाल बोलाउन सकिने छ ” सदस्य सचिव विष्टले बताए ।
विदाई कार्यक्रममा बोल्दै प्रशिक्षक पुवुदुले नेपाली क्रिकेटको भविष्य राम्रो रहेको भन्दै नेपाली खेलाडीहरुमा जुन किसिमको खेल भावना रहेको छ त्यसले कुनै दिन नेपाली क्रिकेटलाई उच्च विन्दुमा पुर्याउन सक्ने बताए । उनले आफ्नो कार्यकालमा राष्ट्रिय खेलकुद परिषद, नेपाल सरकारबाट सदा सहयोग पाएकोमा धन्यवाद ब्यक्त गरे ।
पुवुदु आफ्नो कार्यकाल पुरा गर्दै शनिबार आफ्नो देश फर्कने कार्यक्रम रहेको छ ।
