6 years ago
April 28, 2018
पोखरा (हाम्रो खेलकुद) – भारतीय खेलाडी मनिचन्द्र सिंह र समिरा मारिहाम अब्राहमले छैटौ दक्षिण एसियाली ट्रायथलन च्याम्पियनसिपमा स्वर्ण पदक जितेका छन् ।
ट्रायथलन अन्तर्गतको स्प्रिन्ट विधाको पौडी ७५० मिटर, साइक्लिङ १० कि.मि. र दौड ५ कि.मि.को दूरी मनिचन्द्रले ५८ मिनट २ सेकेन्डमा पुरा गर्दै स्वर्ण जितेका हुन् । भारतका विश्वरजित साइखाम ५९ मिनेट ५७ सेकेन्डका साथ रजत र नेपालका बसन्त चौधरीले १ घण्टा १ मिनट २ सेकेन्डका साथ कास्य पदक जितेका थिए ।
महिलामा समिराले १ घण्टा ४ मिनट ५० सेकेण्डमा पुरा गरिन् । दोश्रो भएकी भारतकै प्रग्न्या मोहनले १ घण्टा ८ मिनट र ४२ सेकेन्ड र तेश्रो भएकी नेपाली खेलाडी सोनी गुरुङले १ घण्टा १३ मिनट ८ सेकेण्डमा पुरा गरिन् ।
प्रतियोगिताको खुला पुरुष तर्फ पनि छैटौं दक्षिण एसियालीकै शीर्ष तीन मनिचन्द्रले स्वर्ण, विश्वरजितले रजत र बसन्त चौधरीले कास्य जिते । महिला खुलमा स्पेनकी इश्वराले स्वर्ण पदक जितिन् । उनले उक्त दूरी १ घण्टा ३ मिनट ३४ सेकेण्डमा पुरा गरिन् । दोश्रो स्थानमा भारतकी समिरा र तेश्रो स्थानमा प्रग्नया रहे ।
नेपाल पर्वतीय खेलकुद अन्तर्गत भएको प्रतियोगिताको ८ औं राष्ट्रिय ट्रायथलन प्रतियोगिता तर्फ पुरुषमा त्रिभुवन आर्मी क्लबका खेलाडीको दबदबा रह्यो । आर्मीका बसन्त चौधरीले १ घण्टा १ मिनट २ सेकेन्डका साथ स्वर्ण पदक जिते । दिपेश चौधरीले १ घण्टा १ मिनट १८ सेकेण्डका साथ रजत र रुद्र कटुवालले १ घण्टा ४ मिनट ४३ सेकेण्डका साथ कास्य पदक प्राप्त गरे ।
महिला तर्फ एपिएफकी सोनी गुरुङले १ घण्टा १३ मिनट ८ सेकेण्डका साथ स्वर्ण, रोजा के.सी.ले १ घण्टा १७ मिनट ३३ सेकेण्डका साथ रजत र सेनाकी यामकुमारी भुजेलले १ घण्टा २४ मिनट १ सेकेण्डका साथ कास्य पाईन् । रोजाले भारतको गोहाटीमा दुई वर्षअघि सम्पन्न १२ औं दक्षिण एसियाली खेलकुदमा व्यक्तिगत तर्फ कास्य र टिम स्पर्धामा रजत पदक जितेकी थिइन् ।
लेक साइडमा भएको प्रतियोगिताको ५ कि.मि. दौड २० कि.मि. साइक्लिङ र २.५ कि.मि. दौड आर्मीका मानबहादुर थापाले जिते । उनले उक्त दूरी ५४ मिनट १७ सेकेण्डमा पुरा गर्दै स्वर्ण पदक जितेका हुन् । एपिएफका किरण मल्लले ५५ मिनट ३९ सेकेण्डका साथ रजत र लक्ष्मण मल्लले ५५ मिनट ५३ सेकेण्डमा पुरा गर्दै कास्य पदक हात पारे ।
महिला तर्फ दुई खेलाडीको मात्र प्रतिस्पर्धा भएकोमा एपिएफकी हुमा बुढा मगरले आफ्नै क्लबकी प्रतिमा चौधरीलाई पराजित गर्दै स्वर्ण पदक जितिन् । हुमाले १ घण्टा १० मिनट ९ सेकेण्ड र प्रतिमाले १ घण्टा १५ मिनट २३ सेकेण्डमा दूरी पुरा गरे । विजेता खेलाडीलाई राष्ट्रिय खेलकुद परिषदका सदस्य सचिव केशव कुमार बिष्ट पुरस्कार वितरण गरे ।
May 2, 2024
हिमाल खरेल,इटहरीतेस्रो ओलम्पियन्स रियुनियन (पुनर्मिलन) तथा सेलिब्रेटी खेलाडी भेट कार्यक्रमअन्तर्गत सुनसरीको इटहरीमा वाकाथन (पैदल यात्रा) सँगै स्वागत कार्यक्रम सम्पन्न भएको छ । कोशी प्रदेशको खेलकुदसँगै आन्तरिक पर्यटन प्रवर्धनका लागि ओलम्पिकमा सहभागिता जनाएका खेलाडी तथा खेलकुदका चर्चित अनुहारलाई पुनर्मिलन गराउने कार्यक्रमको सुरुवात कोशी प्रदेशका उद्योग, कृषि तथा सहकारीमन्त्री रामकुमार मन्त्री खत्रीले गरेका थिए । आज बिहीबार […]
May 1, 2024
हिमाल खरेल,मोरङ ओलम्पियन रियुनियन (पुनर्मिलन) तथा सेलिब्रेटी खेलाडी भेटमा सहभागी हुन ओलम्पिक खेलाडीहरू मोरङको विराटचोक आइपुगेका छन् । कोशी प्रदेशका विभिन्न सहरमा हुने चार दिने ओलम्पियन पुनर्मिलन कार्यक्रममा सहभागी जनाउन अस्ट्रिया, मलेसियाका साथै नेपालका खेलाडीहरु ओलम्पियन कार्यक्रमस्थल आइपुगेका हुन् । विराटनगर विमानस्थलमा बुधबार दिउँसो कोशी प्रदेश खेलकुद विकास बोर्डकी उपाध्यक्ष बिन्दिया कार्कीले ८ जना ओलम्पियनलाई […]
April 11, 2024
काठमाडौं (हाम्रो खेलकुद)– लन्डन म्याराथनमा भाग लिने तयारीमा रहेका धावक गोपीचन्द्र पार्कीलाई केएल दुगडले १ लाख रुपैयाँ उपलब्ध गराउने भएको छ । गापीको विदाईमा बिहीबार नेपाल ओलम्पिक कमिटी (एनओसी) मा राखिएको विदाईमा केएल दुगडका प्रबन्ध निर्देशक कुमुद दुगडले उनको तयारीका लागि १ लाख रुपैयाँ दिने घोषणा गरेका हुन् । प्रबन्ध निर्देशक दुगड, एनओसीका जीवनराम श्रेष्ठ, […]