2 years ago
January 21, 2022
एजेन्सी – ओपनर क्विन्टन डी कक र जान्नेमान मलानको उत्कृष्ट ब्याटिङको सहयोगमा दक्षिण अफ्रिकाले दोस्रो ओडिआई खेलमा भारतमाथि ७ विकेटको सानदार जित हात पारेको छ । यो जितसँगै तीन ओडिआई खेलको सिरिज घरेलु टोली दक्षिण अफ्रिकाले एक खेल अगावै २-० ले जितेको छ । २ सय ८८ रनको विजयी लक्ष्य पछ्याएको दक्षिण अफ्रिकाले ४८.१ ओभरमा […]
एजेन्सी – ओपनर क्विन्टन डी कक र जान्नेमान मलानको उत्कृष्ट ब्याटिङको सहयोगमा दक्षिण अफ्रिकाले दोस्रो ओडिआई खेलमा भारतमाथि ७ विकेटको सानदार जित हात पारेको छ । यो जितसँगै तीन ओडिआई खेलको सिरिज घरेलु टोली दक्षिण अफ्रिकाले एक खेल अगावै २-० ले जितेको छ ।
२ सय ८८ रनको विजयी लक्ष्य पछ्याएको दक्षिण अफ्रिकाले ४८.१ ओभरमा ३ विकेट गुमाउँदै पूरा गर्यो । दक्षिण अफ्रिका जितमा ओपनर मलानले १ सय ८ बलमा ८ चौका र १ छक्कासहित सर्वाधिक ९१ रनको योगदान दिए । तीव्र गतिका बलर स्प्रित बुमराहले बोल्ड गरेपछि मलान आफ्नो ओडिआई करिअरको चौथो शतक बनाउन ९ रनले चुकेका थिए ।
अर्का ओपनर क्विन्टन डी ककले ६६ बलमा ७ चौका र ३ छक्कासहित आक्रामक ७८ रन जोड्दै आउट भएका थिए । डि कक शार्दुल ठाकुरको बलमा एलबीडब्लू धपरापमा परे ।
पहिलो विकेटका लागि ओपनर मलान र डि ककले २२ ओभरमा १ सय ३२ रनको शतकीय साझेदारीका साथ उत्कृष्ट सुरुवात दिलाएका थिए । कप्तान टेम्बा बभुमा स्पिनर युजभेन्द्र चहलको बलमा ३५ रनमा कट एण्डबोल्ड आउट भए ।
युवा ब्याटर एडेन माक्ररम ४१ बलमा ४ चौकासहित ३७ रनमा अविजित रहे । रास्सी भान डर डुसेन ३८ बलमा २ चौका प्रहार गर्दै ३७ रनमा अविजित रहे । भारतका जस्प्रित बुमराह, शार्दुल ठाकुर र चहलले १–१ विकेट लिए।
त्यसअघि बोल्यान्ड पार्क पार्लमा टस जितेर पहिला ब्याटिङ रोजेको भारतले निर्धारित ५० ओभरमा ६ विकेट गुमाउँदै २ सय ८७ रन बनाएको थियो । भारतका विकेटकिपर ऋषभ पन्तले ७१ बलमा १० चौका र २ छक्कासहित सर्वाधिक ८५ रनको योगदान दिए ।
शार्दुल ठाकुर ३८ बलमा ३ चौका र १ छक्कासहित ४० रनमा अविजित रहे । रविचन्द्रन आश्विन २४ बलमा १ चौका र १ छक्कासहित २५ रनमा अविजित रहे ।
भारतलाई ओपनर शिखर धवन र लोकेश राहुलले ११.४ ओभरमा ६३ रनको साझेदारी गर्दै राम्रो सुरुवात दिलाएका थिए । एडेन माक्ररमले धवनलाई २९ रनमा क्याच गराउँदै पहिलो सफलता दिलाएका थिए । धवनले ३८ बलमा ५ चौका प्रहार गरे । स्पिनर केशव महाराजको बलमा विराट कोहली कभरमा कप्तान टेम्बा बभुमाबाट डक आउट भएका थिए ।
कप्तान लोकेश राहुल ७९ बलमा ४ चौकासहित ५५ रनमा क्याच आउट भए । श्रेयस ऐर ११ र वेंकटेश ऐर २२ रनमा आउट भए । दक्षिण अफ्रिका तबरेज शाम्सीले सर्वाधिक २ विकेट लिए ।
सिसान्दा मगला, एडेन माक्ररम, केशव महाराज र एन्डिले फेहलुकवयोले १–१ विकेट लिए । पहिलो खेलमा दक्षिण अफ्रिका ३१ रनले विजयी भएको थियो । तेस्रो तथा अन्तिम ओडिआई खेल केप टाउनमा आइतबार हुनेछ ।
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
