एजेन्सी – इन्डियन प्रिमियर लिग (आइपिएल) २०२२ को मेगा अक्सनमा नेपालका १५ खेलाडीले नाम दर्ता गराएका छन् । नेपाल क्रिकेट संघ (क्यान) का अनुसार कप्तान सन्दीप लामिछाने देखि शरद भेषावकर सम्मका खेलाडीले आफ्नो नाम दर्ता गराएका छन् ।

क्यानका अनुसार आसिफ शेख, पवन सरार्फ, सन्दीप जोरा, कुशल भुर्तेल, रोहित कुमार पौडेल, सुशान भारी, आरिफ शेख, अभिनाश बोहरा, विनोद भण्डारी, शरद भेषावकर, कुशल मल्ल, करण केसी, सोमपाल कामी, दीपेन्द्रसिंह ऐरी र सन्दीप लामिछानेले नाम दर्ता गराएका हुन् ।

आइपिएलले २५ जनवरी सम्म फ्रेन्चाइज लिगलाई कुनै खेलाडीको नाम दर्ता गराउन पर्ने भए समय दिएको छ । त्यसपछि आइपिएलले खेलाडीको नाम सर्टलिष्ट गर्नेछ । सर्ट लिष्टमा पर्ने खेलाडी मात्र मेगा अक्सनमा जाने छन् । नेपालबाट मेगा अक्सनमा सन्दीप लामिछानेको नाम जाने निश्चित छ । अन्य खेलाडी सर्ट लिष्टमा परेको खण्डमा मेगा अक्सनमा जाने छन् । आइपिएलले कुल १ हजार २ सय १४ खेलाडीले नाम दर्ता गराएको जनाएको छ । जसमा ८ सय ९६ भारतीय र ३ सय १८ विदेशी खेलाडी छन् ।

एसोसियट देशबाट ४१ खेलाडी रहेका छन् । सर्वाधिक धेरै टि२० विश्वकप च्याम्पियन अष्ट्रेलियाबाट ५९ खेलाडीले नाम दर्ता गराएका छन् । अफगानिस्तानबाट २०, बंगलादेशबाट ९, इंग्ल्यान्डबाट ३०, आयरल्यान्डबाट ३, न्युजिल्यान्डबाट २९, दक्षिण अफ्रिकाबाट ४८, श्रीलंकाबाट ३६, वेस्टइन्डिजबाट ४१ र जिम्बावेबाट २ खेलाडी छन् ।

नेपालबाट १५ र नामिबियाबाट ५ खेलाडीले नाम दर्ता गराएका छन् । त्यस्तै अमेरिका १४, भुटान, नेदरल्यन्ड्स, स्कटल्यान्डबाट १–१ खेलाडीले नाम दर्ता गराएका छन् । ओमानबाट तीन खेलाडीले नाम दर्ता गराएका छन् । एसोसियटबाट नेपालबाट सर्वाधिक खेलाडीले नाम दर्ता गराएका हुन् । टेस्ट टेली ओयरल्यान्ड, जिम्बावे, बंगलादेश भन्दा बढी नेपालबाट खेलाडीले नाम दर्ता गराएका छन् ।

१० टोलीले रिटेन मार्फत ३३ खेलाडी टोलीमा अनुबन्ध गरि सकेका छन् । दर्ता गराएको नामबाट आइपिएलमा सर्ट लिट हुनेछ । सर्ट लिस्टमा पर्ने खेलाडी अक्सनमा जानेछन् ।

आइपिएल अक्सन फेब्रुअरी १२ र १३ मा हुने भनिएको छ । तर आइपिएलले औपचारिक रुपमा घोषणा भने गरेको छैन । यस सिजनदेखि आइपिएलमा १० टोलीको सहभागीता रहने छ । १० टोली हुने हुँदा सन्दीप लामिछाने सहित केहि नेपाली खेलाडीको सम्भावना रहन्छ । एक टोलीले बढीमा २५ खेलाडी राख्न पाउनेछन् । जसमा ८ विदेशी खेलाडी हुने छन् । १० विदेशी खेलाडी रिटेन भई सकेको अवस्थामा अव ७० विदेशी खेलाडी आइपिएल अक्सनमा विक्नेछन् ।