एजेन्सी – युवा ब्याटर डेवाल्ड ब्रेभिस (बेबी एवि) को सानदार शतकको सहयोगमा दक्षिण अफ्रिकाले वेस्टइन्डिजमा जारी यू–१९ विश्वकपको लागि ७ औं स्थानको प्लेअफ खेलमा बंगलदेशलाई २ विकेटले पराजित गरेको छ ।

२ सय ९४ रनको विजयी लक्ष्य दक्षिण अफ्रिकाले ४८.५ ओभरमा ८ विकेटको क्षतिमा पूरा गर्यो । दक्षिण अफ्रिका जितमा डेवाल्ड ब्रेभिसले १ सय ३० बलमा ११ चौका र ७ छक्कासहित १ सय ३८ रनको सानदार शतकीय इनिङ खेले । यो उनको जारी विश्वकपमा दोस्रो शतक हो ।
यसअघि उनले युगान्डाविरुद्ध १ सय ४ रनको शतकीय इनिङ खेलेका थिए । भारतविरुद्ध ६५, आयरल्यान्डसँग ९६ र इंग्ल्यान्डसँग ९७ रनको उत्कृष्ट इनिङ खेलेका थिए ।

उनको खेल्ने शैली हाउभाउ सबै पूर्व दक्षिण अफ्रिकी ब्याटर एवि डिभिलियर्ससँग मिल्ने हुँदा उनलाई बेबी एवि भनिन्छ । उनी यस विश्वकपमा ६ खेलमा ५ सय ६ रनका साथ सर्वाधिक रन बनाउनेमा शीर्षस्थानमा छन् । रोनन हेर्मनले ४६ र म्याथ्यु बस्टले ४१ रन बनाए । बंगलादेशका रिपन मोंडोल, मुश्फिक हसन, एसएम महरोबले २–२ विकेट लिए ।

त्यसअघि एन्टिुगुआमा टस जितेर पहिला ब्याटिङ थालेको बंगलदेशले निर्धारित २० ओभरमा ८ विकेट गुमाउदै २ सय ९३ रन बनाएको थियो । बंगादेशका अरिफुल ईस्लामले १ सय ३ बलमा ९ चौका र ३ छक्कासहित सर्वाधिक १ सय २ रन बनाए । उनको लगातार दोस्रो शतक हो । उनले पाकिस्तानविरुद्ध १ सय रनको शतकीय इनिङ खेलेका थिए । पिएन नाबिलले ३८, मोहम्मद फहिम र मेहरोबले ३६–३६ रन बनाए ।

दक्षिण अफ्रिका केन्ना मफापाले सर्वाधिक तीन विकेट लिए । दक्षिण अफ्रिका क्वाटरफाइनलमा इंग्ल्यान्डसँग ६ विकेट तथा बंगलादेश भारतसँग ५ विकेटले पराजित हुँदै बाहिरिएका थियो । उपाधिको लागि शनिबार इंग्ल्यान्ड र भारत भिड्नेछन् । सेमिफाइनलमा भारतले अष्ट्रेलियालाई ९६ रन र इंग्ल्यान्डले अफगानिस्तानलाई १५ रनले हराउँदै फाइनलमा स्थान बनाएका हुन् । भारत पाँचौं र इंग्ल्यान्ड दोस्रो पटक उपाधिको सोचमा हुनेछन् ।

एवि डिभिलियर्ससँग तुलना गरिएका डेवाल्ड ब्रेभिसको पूरा जीवनी : डेवाल्ड ब्रेभिस : बेबी एवि उर्फ दोस्रो डि भिलियर्स