default_image

2 years ago

January 29, 2022

डेवाल्ड ब्रेभिस : बेबी एवि उर्फ दोस्रो डि भिलियर्स

एवि डि भिलियर्स आधुनिक विश्व क्रिकेटकै चर्चित खेलाडी हुन् । आक्रामक, निडर स्वभाव र विष्फोटक ब्याटरको कुरा गर्दा एविको नाम विश्व क्रिकेटमा अग्रस्थानमा आउँछ । आफ्नो समयमा विष्फोटक ब्याटिङका साथ एवि जस्तासुकै बलरलाई सहजै घुँडा टेकाइदिन्थे । एवि विश्व क्रिकेटको पाएको एक अद्धभुत क्षमता भएका खेलाडी हुन् । उनी एक्लै खेलको दिशा मोड्न सक्ने खुबी […]

124 views

0 Bookmark

एवि डि भिलियर्स आधुनिक विश्व क्रिकेटकै चर्चित खेलाडी हुन् । आक्रामक, निडर स्वभाव र विष्फोटक ब्याटरको कुरा गर्दा एविको नाम विश्व क्रिकेटमा अग्रस्थानमा आउँछ । आफ्नो समयमा विष्फोटक ब्याटिङका साथ एवि जस्तासुकै बलरलाई सहजै घुँडा टेकाइदिन्थे । एवि विश्व क्रिकेटको पाएको एक अद्धभुत क्षमता भएका खेलाडी हुन् । उनी एक्लै खेलको दिशा मोड्न सक्ने खुबी भएका खेलाडी थिए ।

क्रिकेट मैदानमा जुनसुकै भागमा सटहरु प्रहार गर्न सक्ने खुबी भएका उनलाई मिष्टर ३६० डिग्रीको उप नाम दिएको थियो । उनको खेल्ने शैली र सटहरुको जति चर्चा गरेपनि कमनै हुन्छ । २०१८ मा अप्रत्याशित र अविश्वसनिय सन्न्यास लिएका डि भिलियर्सलाई सायद अब आधिकारिक खेलाडी जीवनमा मैदानमा देखिने छैन । तर उनको शैलीको खेल, याद र झल्कोहरु भने बारम्बार देखिन सक्छन् ।

युवा ब्याटर डेवाल्ड ब्रेभिसका रुपमा ‘एवि २.०’ को उदय भएको छ। १८ वर्षिय ब्रेभिसलाई दोस्रो एवि डिभिलियर्सको रुपमा हेरिएको छ । वेस्टइन्डिजमा जारी यू–१९ विश्वकपमा गरेको प्रदर्शनले उनको उपनाम नै ‘बेबी एवि’ अर्थात् सानो एवि डि भिलियर्स रहन गयो । ब्रेभिसले प्रहार गर्ने सट, खेल्ने शैली, मैदानमा देखाउने चाल, ब्याट चलाउने शैली, सट छनोट सबै डि भिलियर्सको हाउभाउ छ । त्यसैले उनलाई ‘बेबी एवि’ उपनाम दिएको छ ।

जर्सी नम्बर १७ मा एविले जसरी नै सानदार प्रदर्शन गरेका छन् । एविको उचाई ५ फिट ११ इन्च हुँदा ब्रेभिसको ५ फिट १० इन्च छ । ब्रेभिसको हरेक पक्षले डिभिलियर्सको याद आउँछ ।

ब्रेभिसले यू–१९ विश्वकपमा सानदार ब्याटिङ गरे । दक्षिण अफ्रिका क्वाटरफाइनलमा इंग्ल्यान्डसँग ६ विकेटले पराजित भयो । तर उनले आफ्नो दबाब र रवाफ कायमै राखे । दक्षिण अफ्रिका आफ्नो पहिलो खेलमा भारतसँग ४५ रनले पराजित भयो । तर ब्रेभिसले ९९ बलमा ६ चौका र २ छक्कासहित ६५ को इनिङको साथ विश्वकपमा सुरुवात गरे ।

उनले युगान्डाविरुद्ध १ सय १० बलमा ११ चौका र १ छक्कासहित १ सय ४ रनको शतकीय इनिङ खेले । आयरल्यान्डविरुद्ध ब्रेभिसले १ सय २२ बलमा ७ चौका र ४ छक्कासहित ९६ रनको इनिङ खेले । स्कर्ट म्याकबेथको बलमा ठूलो सट खेल्ने धुनमा उनी क्याच भएपछि लगातार दोस्रो शतक बनाउनबाट चार रनले चुकेका थिए ।

इंग्ल्यान्डसँग क्वाटरफाइनलमा ८८ बलमा ९ चौका र ४ छक्कासहित ९७ रनमा क्याच आउट भए । अन्य ब्याटर नचल्दा दक्षिण अफ्रिका क्वाटरफाइनलमै रोकिनु पर्यो । तर उनले आफ्नो प्रभाव र क्षमता भने चार खेलमै विश्व क्रिकेटमा देखाए । उनी आफ्नो शतकको लागि भन्दापनि टोलीको लागि बढी सोच्छन् । त्यसैले दुई पटक शतक नजिक पुगेर ठूलो सटको धुनमा विकेट गुमाए । ४ खेलमा एक शतक र तीन अर्धशतकसहित ३ सय ६२ रनका साथ उनी सर्वाधिक रन बनाउने सुचिमा शीर्षस्थानमा छन् ।

प्रभावशाली र उत्कृष्ट प्रदर्शन भन्दा डिभिलियर्ससँग ठ्याक्कै मिल्ने हरेक पक्षले विश्व क्रिकेटमा उनको चर्चा बढी भएको छ । ब्रेभिस उमेरले कलिलो भएपनि मैदानमा परिपक्व खेलाडीले जसरी प्रदर्शन गर्दछन् । निकै आक्रामक शैलीमा प्रस्तुत हुन्छन् । डिभिलियर्सले जसरीनै विपक्षी बलरलाई दबाबमा राख्न खोज्छन् । उनले क्रिजमा खुट्टा राख्ने शैली होस् या ब्याट चलाउने प्रक्रिया सबै एविसँग मिल्छ । निडर स्वभाव, क्लास, आक्रामक र ठूला सट तथा मैदानको सबै भागमा सट प्रहार गर्न सक्ने खुबी उनीमा पाइन्छ । ब्रेभिसको खेल हेर्दा एविसँग झुकिन सक्छन् ।

पछिल्लो समय ब्रेभिसले डिभिलियर्सलाई आफ्नो सल्लाहकार मान्दै आएका छन् । दक्षिण अफ्रिका एक रेष्टुरेन्टमा एक सेल्फीबाट सुरु भएको सम्बन्ध अहिले निकै गहिरो र आत्मिय बनेको छ । डि भिलियर्स उनका रोल मोडल हुन् । ब्रेभिसले पढ्ने स्कुल (अफ्रिकन्स होर सेउनस्कुल) डिभिलियर्सको पूर्व स्कुल हो ।

‘एक पटक डिभिलियर्स स्कुलमा गएको समयमा कक्षाबाट दौडिएर निस्कदै उनलाई भेटे । एविले आफ्ना अनुभव सुनाए । मेरा लागि धेरै अचम्म लाग्ने कथाहरु थिए । एविका हरेक कुरा सुन्दा निकै आनन्द आउँथ्यो । त्यसैक्रममा मैले उनको नम्बर मागें र उनले दिए’, ब्रेभिसले भने । आफ्ना नायकलाई भेट्न र फोटो खिच्न पाउनु आफैंमा एक ठूलो उपलब्धि र हर्षको क्षण थियो ।

‘केहि समय अघि इंग्ल्यान्डका पूर्व सफल कप्तान तथा आक्रामक ब्याटर केभिन पिटरसनको एउटा अन्तरवार्ता सुनेको थिए । उक्त अन्तरवार्तामा उनले भनेका थिए, तपाईंले बल खेल्नुपर्छ । चाहे त्यो सर्वोत्कृष्ट बलरनै किन नहोस् । मात्र बल खेल्नुपर्छ । बलरलाई हेर्ने होईन । सधैं आफ्नै खेल खेल्नुपर्छ । त्यहिँ सोचेर खेलेको थिएँ’, उनले विश्वकप प्रदर्शनबारे भने ।

‘दक्षिण अफ्रिकाका लागि खेल्ने मेरो सपना हो । तर म एउटा अलराउन्डरको रुपमा खेल्न चाहन्छु । म लेगस्पिन बलिङ गर्छु । त्यसमा काम गर्न अझ धेरै बाँकी छ । टि२० फ्रेन्चाइज लिग पनि खेल्ने सपना छ । विशेष गरि आइपिएल । मलाई आइपिएल मनपर्छ । मेरो दाई र म आइपिल हेर्ने गर्दछौं’, उनले भने ।

जारी विश्वकपमा उनले चार विकेट लिएका छन् । उनी १४ वर्षको हुँदा स्कुलको टोलीमा पहिलो पटक परेका थिए । उनले पढ्ने अफ्रिकन्स स्कुलमा एवि प्रसिद्ध विद्यार्थी हुन् । फाफ डु प्लेसिस पनि त्यसै स्कुलका उत्पादन हुन् ।

एविबाट उनले धेरै कुरा प्रेरणा र सफलता लिएका छन् । ब्रेभिसले सुरुमा दक्षिण अफ्रिका प्रिटोरिया कल्चर नामक रेष्टुरेन्टमा एविलाई भेटेका थिए । उनले आफ्नो नायकलाई देख्ने वितिक्कै एउटा तस्विर खिच्न अनुमति लिए । एविले सहजै स्वीकार गरे । अहिले ब्रेभिसले एविलाई सल्लाहकार मान्छन् । ‘लकडाउनको समयमा मैले वहाँलाई सम्पर्क गरे । केहिँ सल्लाह मागे । वहाँले मलाई सधैं जवाफ दिने समय बनाउनु भयो । वहाँको क्रिकेट व्याख्या गर्ने तरिका निकै सरल र सामान्य छ । वहाँको व्याख्या गर्ने शैली मन पर्छ’, उनले भने ।

ब्रेभिस आफ्नो रगतमा क्रिकेटसँगै हुर्किएको बताउँछन् । ब्रेभिस बच्चामा निकालेको पहिलो शब्दनै बल थियो रे । ‘मेरो पहिलो शब्द बल (अफ्रिकन फर बल) म मेरो दाई रेनार्डसँग घरको पछाडि क्रिकेट खेल्थें । उनी (दाइ) सँधैं बलिङ गर्न रुचाउँथे । म सधैं ब्याटिङ । त्यसले पनि मलाई धेरै सहयोग गर्यो । मेरो सपना सधैं दक्षिण अफ्रिका टोलीबाट खेल्ने नै हो’, उनले भने ।

ब्रेभिसको जन्म सन् २००३ को अप्रिल २९ मा बुबा ज्याक र आमा योलान्डाको कान्छो सन्तानको रुपमा जोहानसबर्ग ग्वाटेंगमा भएको हो । दक्षिण अफ्रिका क्रिकेट वातावरणबाट उनी प्रभावित भए । उनले क्रिकेट सिक्ने समयमा विश्व क्रिकेटमा एविको राज जस्तै थियो । एविको प्रदर्शनबाट उनी झनै प्रभावित भए । अहिले एविको झल्को मेटाउने बाटो दिएका छन् । उनले दक्षिण अफ्रिकामात्र नभएर विश्व क्रिकेटलाई नयाँ आशा र उत्साह थपेका छन् । किनभने एवि शैलीको खेलाडी विश्व क्रिकेटले पुन: पाउने आशा गरिएको छ ।

सम्भवत यू–१९ विश्वकपपछि उनलाई सिनियर टोलीमा बोलाउने अपेक्षा गरिएको छ । आइपिएलमा उनको मनपर्ने फ्रेन्चाइज टोली टोली रोयल च्यालेन्जर्स बेंगलोर नै हो । ब्रेभिसले भारतीय क्रिकेट टोली तथा बेंगलोरका स्टार ब्याटर विराट कोहलीलाई भेट्ने र सँगै क्रिकेट खेल्ने इच्छा राख्दै आएका छन् । अहिलेको शैलीमा प्रदर्शन गर्दै गएमा उनको आइपिएल खेल्ने सपना टाढा देखिदैन ।

एवि डिभिलियर्स बेंगलोरको ब्याटिङ प्रशिक्षक हुनेछन् । यू–१९ विश्वकपमा उनले जुन शैलीमा खेलेका छन् त्यसले आगामी दिनमा विश्व क्रिकेटमा जम्ने संकेत देखिन्छ । उनको उमेर बढ्दै जाँदा प्रदर्शन झनै निखार आउनेछ । त्यसैले ब्रेभिसले विश्व क्रिकेटमा दोस्रो एविको रुपमा राज गर्ने अनुमान गरिएको छ ।

एजेन्सीको सहयोगमा भुपेन्द्र जिसीको प्रस्तुति

March 3, 2024

नेपाल आउने आयरल्यान्ड वल्भ्सको टोली घोषणा

काठमाडौं (हाम्रो खेलकुद) – नेपाल भ्रमण आउन लागेको आयरल्यान्ड वल्भ्सको टोली घोषणा भएको छ । आयरल्यान्डको ए टोलीलाई वल्भ्सको नामले चिनिन्छ । क्रिकेट आयरल्यान्डले निल रकको कप्तानीमा ८ खेल खेल्न नेपाल आउने १५ सदस्यीय टोलीको घोषणा गरेको हो । टोलीमा सिनियर टोलीबाट खेलिसकेका ९ खेलाडी समावेश छन् । कप्तान निल रकसँगै ग्यारेथ डेल्नी, जेम्स मक्कोलम, […]

March 3, 2024

आयरल्यान्ड ‘ए’ ले नेपालमा ८ खेल खेल्ने

काठमाडौं (हाम्रो खेलकुद) – टेस्ट राष्ट्र आयरल्यान्डको ‘ए’ टोलीसँग नेपालको राष्ट्रिय टोली र ए टोलीले ८ खेल खेल्ने भएका छन् । मार्च २४ देखि अप्रिल ७ सम्म आयरल्यान्ड टोली नेपाल भ्रमणमा रहनेछ । यसक्रममा टोलीले नेपालको सिनियर टोलीसँग २ टि२० खेल्नेछ । त्यसबाहेक नेपाल ‘ए’ टोलीसँग ३-३ एकदिवसीय र टि२० खेल हुनेछ । जुनमा हुने […]

March 3, 2024

यूएईको लगातार दोस्रो हार

काठमाडौं (हाम्रो खेलकुद) – आइसीसी विश्वकप लिग-२ अन्तर्गत यूएईले घरेलु मैदानमा लगातार दोस्रो हार बेहोरेको छ । आइतबार दुबईमा स्कटल्यान्डसँग ८ विकेटले हारेसँगै यूएईले लिग-२ मा बिर्सनलायक सुरुवात गरेको हो । यसअघि क्यानडाले पहिलो खेलमा यूएईलाई ३ विकेटले हराएको थियो । यूएई पहिलो ब्याटिङ गर्दै ४५ ओभरमा मात्र १ सय ३२ रन जोड्दै अलआउट भएको […]

Success

Thank you for your time.