मस्कट (हाम्रो खेलकुद) – नेपालले आइसिसी टि२० विश्वकप ग्लोबल छनोट ए मा बलिङतर्फ ओमानविरुद्ध सानदार सुरुवात गरेको छ । ब्याटिङमा खराब ब्याटिङका साथ सामान्य लक्ष्य दिएपनि बलिङमा राम्रो सुरुवात गरेको हो ।

१ सय १८ रनको विजयी लक्ष्य पछ्याएको ओमानले तीन ओभरमा २ विकेट गुमाउँदै १७ रन बनाएको छ । ओमानका ओपनर जतिन्दर सिंह र खवर अली ५–५ रनमा अविजित छन् ।

तीव्र गतिका बलर कमलसिंह ऐरीले पहिलो ओभरको तेस्रो बलमै कश्याप प्रजापतिलाई शून्यमा दीपेन्द्रसिंह ऐरीलाई क्याच गराए । दोस्रो ओभरको पाँचौं बलमा जितेन्द्र मुखियाले अयान खानलाई ३ रनमा विकेटकिपर आसिफ शेखबाट क्याच गराउँदै दोस्रो सफलता दिलाएका थिए ।

त्यसअघि ओमानको मस्कटमा रहेको अल अमरेत क्रिकेट ग्राउन्ड -१ मा टस हारेर ब्याटिङ थालेको नेपालले निर्धारित २० ओभरमा ८ विकेट गुमाउँदै १ सय १७ रन बनाएको थियो । नेपालका आरिफ शेखले ३७ बलमा २ चौका सहित सर्वाधिक ३८ रन बनाए । कप्तान सन्दीप लामिछाने ७ बलमा १ चौका र १ छक्कासहित १६ रनमा अविजित रहे ।

ओमानका स्पिनर खवर अलीले ४ ओभरमा ३० रन खर्चेर ३ विकेट लिए । बिलाल खानले ३ ओभरमा २५ रन खर्चेर २ विकेट लिए । फैज बट र जिशान मकसुदले १–१ विकेट लिए ।