काठमाडौं (हाम्रो खेलकुद – नेपाल र जिम्बावे ए बीचको पहिलो एकदिवसिय खेल लगातार वर्षाको कारण स्थगित भएको छ । टियु मैदानमा शनिबार बिहान देखि निरन्तर वर्षाको कारण स्थगित भएको हो ।

म्याच रेफ्री सत्यजित सरकार र अम्पायर विनय कुमार झाको टोलीले मैदान निरिक्षण गर्दै आजको खेल स्थगित भएको जानकारी दिएका छन् । क्यानका अनुसार यस खेल आइतबार हुने भएको छ । खेल स्थगितसँगै जिम्बावेका खेलाडी पेभेलिएनबाट निस्केका छन् । नेपाली खेलाडीले भने बिहानै देखि नेटमा अभ्यास गरेका थिए ।

घरेलु टोली नेपालले आइसिसी विश्वकप लिग–२ को तयारी स्वरुप जिम्बावे ए सँग सिरिज खेल्न लागेको हो । यो सिरिजको अन्तर्राष्ट्रिय मान्यता नहुँदा अभ्यास मानिने छ । सिनियर टोलीबाट खेलि सकेका ८ खेलाडी सम्मिलित जिम्बावेको ए टोलीमा छन् । रिजर्भ डे मा आइतबार हुनेछ । अन्य खेल भने तालिका अनुसार नै हुनेछन् ।

जिम्बावे ए सँग खेल्ने नेपालको एकदिवसिय टोली :

सन्दीप लामिछाने (कप्तान), आसिफ शेख, देव खनाल, दीपेन्द्रसिंह ऐरी, रोहित पौडेल, आरिफ शेख, विनोद भण्डारी, करण केसी, सोमपाल कामी, कुशल भुर्तेल, सागर ढकाल, विक्रम सोब, किशोर महतो, सुनिल धमला, सुशान भारी र आदिल अन्सारी ।

जिम्बावे ए को टोली :

क्याम्पबेल जोनाथन, इभान्स ब्राडली, ग्वान्डु ट्रेभर, ल्यूक जोंगवे, काइया इनोसेन्ट, काइया रोय, मडान्डे क्लाइभ, मारुमणी तादिवानाशे, मसारा जोन, मौन्जे कुडजाई, माभुता ब्रेन्डन, मुन्योंगा टोनी, मुतोम्बोड्जी टिनोटेन्डा, न्याउची भिक्टर, त्सिग्वागा तफाडजवा ।

नेपाल र जिम्बावे ए सँगको तालिका

वैशाख १८ ( मे १ ) : नेपालविरुद्ध जिम्बावे ए

वैशाख १९ (मे २) : दोस्रो एकदिवसिय खेल

वैशाख २१ (मे ४) : तेस्रो एकदिवसिय खेल

वैशाख २३ ( मे ६) : पहिलो टि२० खेल

वैशाख २४ ( मे ७) : दोस्रो टि२० खेल

वैशाख २६ ( मे ९) : तेस्रो टि२० खेल