default_image

2 years ago

July 1, 2022

नेपालले आज ओन्टारियोसँग खेल्दै

152 views

0 Bookmark

काठमाडौं (हाम्रो खेलकुद) – क्यानाडा भ्रमणमा रहेको नेपालले आज पहिलो एकदिवसिय अभ्यास खेलमा ओन्टारियोसँग खेल्दैछ । खेल नेपाली समय अनुसार बेलुका ८ : ४५ मा क्यानाडाको किंग सिटीमा रहेको मेपल लिफ मैदानमा सुरुहुनेछ । ओन्टारियोको कप्तानी नेपालका पूर्व ओपनर नरेश बुढाऐर र नेपालको सन्दीप लामिछानेले गर्नेछन् ।

नेपाल क्यानाडामा सहज जितका साथ विजयी सुरुवात गर्न चाहन्छ । आइसिसी विश्वकप लिग–२ त्रिकोणात्मक ओडिआई सिरिज नामिबिया, स्कटल्यान्डसँग खेल्नुअघि क्यानाडामा अभ्यास गर्न गएको हो । खेल स्कटल्यान्डमा हुनेछ । स्कटल्यान्ड र क्यानाडाको वातावरण मिल्ने हुँदा नेपालले तीन अभ्यास खेल खेल्न लागेको हो ।

नेपालबाट खेलि सकेका नरेश बुढाऐरलाई नेपालको बारे राम्रोसँग थाहा छ । तर टोलीमा अन्य कुन कुन खेलाडी हुने ओन्टारियोले सार्वजनिक गरेको छैन । नेपालका सन्दीप, रोहित पौडेल र करण केसी प्रमुख हतियार हुन् । देव खनाल, पवन सरार्फ र आदिल अन्सारी जस्ता युवा खेलाडीलाई नेपालले यस अभ्यास खेलमा बढी मौका दिनेछ ।

लयबाहिर देखिएका दीपेन्द्रसिंह ऐरीलाई आत्माविश्वास बढाउने राम्रो अवसर हुनेछ । तीव्र गतिका बलर किशोर महतो र स्पिनर बसिर अहमद दुबैलाई नेपालले अवसर दिने सम्भावना छ । अभ्यास खेल हुँदा नेपालले प्रमुख खेलाडीलाई विश्राम दिनसक्ने सम्भावना त्यतिनै छ ।

नेपालको टोली :

सन्दीप लामिछाने (कप्तान), रोहित पौडेल (उपकप्तान), आसिफ शेख (विकेटकिपर), कुशल भुर्तेल, देव खनाल, दीपेन्द्रसिंह ऐरी, आरिफ शेख, करण केसी, सोमपाल कामी, आदिल अन्सारी, बसिर अहमद, किशोर महतो, पवन सरार्फ र विनोद भण्डारी (विकेटकिपर) ।

नेपालको खेल तालिका

असार १७ (जुलाई १) : नेपालविरुद्ध ओन्टारियो अभ्यास खेल

असार २० (जुलाई ४) – नेपालविरुद्ध क्यानाडा, पहिलो एकदिवसिय खेल

असार २१ ( जुलाई ५) – नेपालविरुद्ध क्यानाडा, दोस्रो एकदिवसिय खेल

स्कटल्यान्ड भ्रमणमा नेपालको खेल तालिका

असार २७ ( जुलाई ११) – नामिवियाविरुद्ध नेपाल

असार २९ ( जुलाई १३) – स्कटल्यान्डविरुद्ध नेपाल

असार ३२ ( जुलाई १६) – नेपालविरुद्ध नामिबिया

साउन १ ( जुलाई १७) – नेपालविरुद्ध स्कटल्यान्ड

अंक तालिका

ओमान ३६ खेलमा २१ मा जित र १३ मा हारका साथ ४४ अंक जोड्दै शीर्षस्थानमा छ । स्कटल्यान्ड २० खेलमा १३ मा जित र ५ मा हारका साथ २८ अंक जोड्दै दोस्रो स्थानमा छ । युएई २२ खेलमा १२ मा जित र ८ मा हारसहित २६ अंकका साथ तेस्रो स्थानमा छ ।

अमेरिका २४ खेलमा ११ मा जित र १२ मा हारका साथ २२ अंक जोड्दै चौथो स्थानमा छ । नेपाल १६ खेलमा ७ मा जित र ८ मा हारका साथ १५ अंक जोड्लै पाँचौं स्थानमा छ । नामिबिया १४ खेलमा ७ मा जित र ७ मा हार सहित १४ अंकका साथ छैटौं स्थानमा छ । पपुवा न्युगिनी २० खेलमा १ मा जित र १९ मा हारका साथ पुछारमा छ ।

May 24, 2024

बंगलादेशविरुद्ध अमेरिकाको लगातार दोस्रो जित

ह्युस्टन (हाम्रो खेलकुद) – बंगलादेशलाई लगातार दोस्रो खेलमा स्तब्ध पार्दै अमेरिकाले ३ खेलको टि ट्वान्टी शृंखला एक खेल अगावै जितेको छ । प्रेरी भ्यू क्रिकेट कम्प्लेक्समा बिहीबार भएको दोस्रो खेलमा अमेरिकाले बंगलादेशमाथि ६ रनको जित दर्ता गर्दै शृंखला कब्जा गरेको हो । अमेरिकाले दिएको १ सय ४५ रनको लक्ष्य पछ्याएको बंगलादेश ३ बल बाँकी छँदै […]

May 23, 2024

महिला क्रिकेटको प्रारम्भिक टोलीमा २८ खेलाडी

काठमाडौं (हाम्रो खेलकुद) – नेपाल क्रिकेट संघ (क्यान) एसीसी महिला एसिया कपका लागि प्रारम्भिक टोली घोषणा गरेको छ । क्यानले इन्दु वर्माको कप्तानीमा २८ जनालाई समेट्दै बुधबार नेपाली टोली घोषणा गरेको हो । ललितपुर मेयर्स कप खेलेका कोशी प्रदेशका बलर एलिसा खडिया, बागमती प्रदेशकी हेलिसा गुरुङ, सुदूरपश्चिमकी सावित्री धामी, एपीएफकी राजमती ऐरी पहिलो पटक राष्ट्रिय […]

May 23, 2024

सन्दीपलाई अमेरिकाको भिसा दिलाउन पहल सुरु

काठमाडौं (हाम्रो खेलकुद)- क्रिकेटर सन्दीप लामिछानेलाई‌ टि ट्वान्टी विश्वकपको लागि अमेरिकाको भिसा दिलाउन कुटनीतिक पहल हुने भएको छ।युवा तथा खेलकुद मन्त्रालयले परराष्ट्र मन्त्रालयमार्फत प्रक्रिया अघि बढाउने भएको हो । सन्दीपलाई बुधबार अन्तर्वार्तामा बोलाएर अमेरिकी दूतावासले भिसा अस्वीकार गरेको थियो । भिसा नदिइनुको स्पष्ट कारण खुलाइएको छैन । सन्दीपले सामाजिक सन्जालमा स्ट्याटस लेखेर आफूलाई भिसा दिन […]

Success

Thank you for your time.