एजेन्सी – नेपालले केन्यासँगको पाँचौं तथा निर्णायक टि२० आई खेल आज खेल्दैछ । खेल नेपाली समय अनुसार दिउँसो ३ : ४५ मा नैरोबीमा रहेको जिमखाना क्लब ग्राउन्डमा सुरुहुनेछ ।

चार खेल सकिँदा सिरिज २–२ को बराबरी अवस्थामा छ । नेपाल पाँचौं खेल जित्दै सिरिज जित्ने सोचमा छ । तर चौथो खेलमा १ सय २ रनको योगफल पछ्याउँदा नेपाललाई ९४ रनमै रोकेको केन्याको मनोबल उच्च छ ।

नेपाल भने मानसिक रुपमा दबाबमा हुनेछ । नेपालले सिरिज जित्न अन्तिम खेलमा सानदार ब्याटिङ गर्नुपर्ने हुन्छ । नेपाल पहिलो खेलमा ५ विकेटले विजयी हुँदा दोस्रो खेलमा १८ रनले पराजित भएको थियो । तेस्रो खेलमा ४ विकेटले विजयी हुँदा चौथो खेलमा ७ रनले स्तब्ध भएको थियो ।

नेपालले १ सय २ रन पनि बनाउन नसकेको हुँदा टोलीमा आज केहि परिवर्तन गर्ने सम्भावना छ । ओपनर पवन सरार्फको स्थानमा आसिफ शेखलाई मौका दिनसक्छ । पवन पहिलो बलमै रोयल डक आउट भएका थिए । समग्रमा उनको प्रदर्शन खराब रहँदै आएको छ ।

ज्ञानेन्द्र मल्ल, रोहित पौडेल र दीपेन्द्रसिंह ऐरीले जिम्मेवारीका साथ प्रदर्शन गर्नुपर्ने हुन्छ । आरिफ शेखको स्थानमा विवेक यादवलाई मैदान उतार्न सक्छ । आदिल अन्सारीबाट उत्कृष्ट अन्त्य चाहन्छ ।

करण केसी र सोमपाल कामी तीव्र गतिका बलिङ हतियार हुन् । यी दुई खेलाडीबाट नेपाल ब्याटिङमा उत्कृष्ट अन्त्य चाहन्छ । साहब आलमले सन्दीपलाई स्पिन आक्रामणमा साथ दिनेछन् । नेपाली ब्याटरले जिम्मेवारीका साथ खेल्नुपर्ने हुन्छ ।

रकिप पटेल, इफरान करिम र लुकास ओलुओच प्रमुख ब्याटर हुन् । यी तीन खेलाडीले यस सिरिजमा लगातार उत्कृष्ट प्रदर्शन गर्दै आएका छन् । स्पिनर शेम न्गोचे, विरज पटेल र रकिप स्पिन हतियार हुन् ।