काठमाडौं (हाम्रो खेलकुद) – युवा अलराउन्डर दीपेन्द्रसिंह ऐरीले पहिलो पटक नेपाल पुलिस क्लबको कप्तानी गरेका छन् । नवौं राष्ट्रिय खेलकुद अन्तर्गत क्रिकेट प्रतियोगिता पुलिसले लुम्बिनी प्रदेशविरुद्ध नियमित मञ्जितलाई बेन्चमा राखेर दीपेन्द्रलाई कप्तानी दिएको हो ।

नेपाल पुलिस क्लबका कप्तान दीपेन्द्रसिंह ऐरीले टस जितेर पहिला ब्याटिङ गर्ने निर्णय लिएका हुन् । राष्ट्रिय प्रतियोगितामा पुलिसले पहिलो पटक मञ्जितलाई बेन्चमा राख्दै दीपेन्द्रलाई कप्तानी दिएको हो । दीपेन्द्रले पहिलो पटक पुलिसको कप्तानी गरेका हुन् ।

पुलिसले आजको खेलमा मञ्जितलाई बेन्चमा राख्दा तीव्र गतिका बलर राशिद खानलाई मौका दिएको छ । अन्य परिवर्तन भने गरेको छैन । पुलिसले कर्णाली प्रदेशलाई ९ विकेटले हराएको थियो । लुम्बिनी भने पहिलो जितको खोजीमा हुनेछ ।

पुलिसको प्लेइङ ११ :
दीपेन्द्रसिंह ऐरी (कप्तान), कुशल भुर्तेल, आरिफ शेख, सागर ढकाल, गुलशन झा, ललितनारायण राजवंशी, करण केसी, सुनिल धमला, पवन सरार्फ, दीलिप नाथ (विकेटकिपर) र राशिद खान ।

लुम्बिनी प्रदेशको प्लेइङ ११ :
कृष्ण कार्की (कप्तान), सौरभ खनाल, अनिल खरेल, सन्दीप रजाली, दीपेन्द्र रावत, विशाल विक्रम केसी, देव खनाल, तुलबहादुर थापा, बसिर अहमद, प्रज्वल थापा र नर बहादुर सार्की ।