default_image

1 year ago

October 17, 2022

रुपन्देहीद्धारा वार्षिक क्यालेन्डर सार्वजनिक

काठमाडौं (हाम्रो खेलकुद) – जिल्ला क्रिकेट संघ रुपन्देहीले वार्षिक क्यालेन्डर २०७९/८० को सार्वजनिक गरेको छ । नेपाली घरेलु क्रिकेटको उदाहरणीय जिल्ला रुपन्देहीले आफ्नो दबदबा राख्दै लगातार राम्रो प्रदर्शन गर्दै आएको छ । रुपन्देहीले ग्रासरुट, उमेर समूह, महिला क्रिकेट, सिनियर टोली सबैलाई लक्षित गर्दै २०७९/८० को क्यालेन्डर सार्वजनिक गरेको छ । रुपन्देहीले यो पटक महिला क्रिकेटलाई […]

168 views

0 Bookmark

काठमाडौं (हाम्रो खेलकुद) – जिल्ला क्रिकेट संघ रुपन्देहीले वार्षिक क्यालेन्डर २०७९/८० को सार्वजनिक गरेको छ । नेपाली घरेलु क्रिकेटको उदाहरणीय जिल्ला रुपन्देहीले आफ्नो दबदबा राख्दै लगातार राम्रो प्रदर्शन गर्दै आएको छ । रुपन्देहीले ग्रासरुट, उमेर समूह, महिला क्रिकेट, सिनियर टोली सबैलाई लक्षित गर्दै २०७९/८० को क्यालेन्डर सार्वजनिक गरेको छ ।

रुपन्देहीले यो पटक महिला क्रिकेटलाई पनि त्यतिनै प्राथमिकता राखेको छ । त्यसको लागि पहिलो पटक सिद्धार्थ उप–मेयर कपमा लुम्बिनीका चार जिल्लाबीच प्रतिस्पर्धा गर्नेछ । त्यस्तै एकेडेमी कपको अवधाराणा पनि लिएको छ । सबै प्रतियोगिता सिद्धार्थ रंगशालामा हुनेछ । सिद्धार्थ रंगाशामा पिच मर्मतको काम पनि अन्तिम चरणमा पुगेको छ ।

संघले रुपन्देही सुपर लिगलाई पहिलो प्राथमिकतामा राखेको छ । क्रिकेट प्रतियोगिता र समग्र गतिविधिका लागि रुपन्देही उदाहरणीय जिल्ला हो । त्यसैले पनि घरेलु क्रिकेटमा रुपन्देहीका खेलाडीको बाहुल्यता छ । पछिल्लो समय मात्र लुम्बिनी प्रदेशले गतवर्ष यू–१९ राष्ट्रिय प्रतियोगिता जितेको थियो ।

रुपन्देहीले गतवर्ष भैरहवामा भएको प्रो क्लब च्याम्पियनसिपमा मलेसियाको सिनियर टोलीलाई दुई पटक, नेपाल पुलिस क्लब र त्रिभुवन आर्मीलाई हराउँदै उपाधि जितेको थियो ।

रुपन्देही बलियो हुनु र खेलाडी उत्पादन हुनुमा रुपन्देही सुपर लिग प्रमुख आधार हो । २०५३ सालदेखि रुपन्देही सुपर लिग हुँदै आएको छ । क्यान निलम्बन हुँदा पनि रुपन्देहीले सुपर लिग रोकिएको थिएन । अहिले रुपन्देही सुपर लिगमा ए डिभिजन र बी डिभिजन गरि कुल २० क्लब छन् ।

जिल्लाको प्रतियोगितालाई नेपाल टेलिकमले मुख्य प्रायोजन गरेका छ । राम्रो प्रदर्शन गर्ने शीर्ष चार टोली ए डिभिजनमा बढुवा र कमजोर प्रदर्शन टोली बी डिभिजनमा घटुवा हुन्छन् । रुपन्देही सुपर लिग पुष पहिलो सातादेखि गर्ने जनाएको छ । खेल ५० ओभरको नै हुनेछ ।

रुपन्देहीले महिला क्रिकेटको लागि सिद्धार्थ नगर उप–मेयर कप २०७९ आयोजना गर्ने भएको छ । जसमा लुम्बिनीका चार जिल्ला रुपन्देही, परासी, बाँके र दाङ रहनेछन् । उक्त प्रतियोगिता आगमी माघ चौथो साता आयोजना गर्नेछ ।

रुपन्देही जिल्ला क्रिकेट संघका सचिव तथा अन्तर्राष्ट्रिय अम्पायर सन्जय गुरुङले ग्रासरुट विकास गर्न सबै जिल्लाले आफैं काम गर्नुपर्ने बताउँछन् । रुपन्देही घरेलु क्रिकेटमा खेलाडीलाई सर्वाधिक ब्यस्त राख्ने खेलाडी हो । नयाँ नेतृत्व आएको तीन वर्ष भन्दा बढी समय हुादा क्यानले भने हालसम्म वार्षिक क्यालेन्डर सार्वजनिक गर्न सकेको छैन ।

रुपन्देही जिल्ला क्रिकेट संघको वार्षिक क्यालेन्डर २०७९÷८० :

१. जिल्ला स्तरिय अन्तर स्कुल क्रिकेट प्रतियोगिता टि२० शैलीमा कार्तिक दोस्रो सातादेखि गर्ने तयारी गरेको छ । जसमा १६ देखि–२० स्कुल सहभागी हुने अनुमान गरेको छ । स्कुल क्रिकेट नै ग्रास रुट विकासको प्रमुख आधार हुँदा प्राथमिकतामा राखेको छ ।

२. प्रिसिडेन्ट कप मंसिर पहिलो साता आयोजना गर्ने तयारी छ । खे थ्री डे को हुनेछ । थ्री डे क्रिकेट रुपन्देहीले दोस्रो पटक आयोजना गर्न लागेको हो । जुन प्रतियोगितामा रुपन्देही सुपर लिग च्याम्पियन २०७८ को विजेता मेलबर्न क्रिकेट क्लब र रेष्ट रुपन्देहीबीच प्रतिस्पर्धा हुनेछ ।

३ . जिल्ला स्तरिय अन्तर कलेज प्रतियोगिता मंसिर दोसो साता हुने सम्भावना छ । जसमा १६ कलेज सहभागी हुने अनुमान छ ।

४. रुपन्देही सुपर लिग पुष पहिलो सातादेखि गर्ने तयारी छ । जसमा २० टोली सहभागी हुनेछन् ।

५.सिद्धार्थनगर मेयर माघ दोस्रो साता गर्ने तयारी गरेको छ । टि२० शैलीको यो प्रतियोगिता १६ टोली सहभागी हुनेछन् ।

६. सिद्धार्थनगर उप मेयर्स कप महिला प्रतियोगितामा रुपन्देही, परासी, दाङ र बाँके छन् । प्रतियोगिता माघ चौथो साता देखिसुरु हुनेछ ।

७. रुपन्देही च्यालेन्जर ट्रफी एकदिवसिय शैलीमा डबल राउन्ड रोविनको आधारमा फागुन दोस्रो साता गर्नेछ । जसमा रुपन्देही सुपर लिगमा उत्कृष्ट प्रदर्शन गर्ने ४५ खेलाडी सहित तीन टोलीबीच प्रतिस्पर्धा हुनेछ ।

८.संघले पहिलो पटक ५० ओभरको शैलीमा एकेडेमी कप गर्ने भएको छ । यस प्रतियोगितामा एक टोलीमा कम्तिमा ९ खेल खेल्न पाउनेछन् । संघले उमेर समूहका यू–१६ र यू–२१ का पाँच पाँच खेलाडी अनिवार्य राख्नु पर्ने जनाएको छ । यसले ग्रासरुटमा अझ विकास गर्नेछ ।

९.महिला खेलाडीलाई विकास गर्न पहिलो पटक हाइ प्रोफेन्स क्याम्प राख्ने भएको छ । जसमा २० देखि ३० खेलाडी हुनेछन् । जसको मिति भने पछि नेपाली महिला क्रिकेट टोलीको क्वालेन्डरमा निर्भर पर्नेछ ।

यो पनि पढ्नुहोस् : जिल्ला र प्रदेश क्रिकेट : सम्भावना टन्न, योजना शून्य

April 15, 2024

हङकङलाई हराउँदै नेपाल प्रिमियर कपको सेमिफाइनलमा

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङलाई पराजित गर्दै सेमिफाइनलमा स्थान पक्का गरेको छ । अल अमेरत मैदानमा जितका लागि १ सय १५ रनको सामान्य लक्ष्य पछ्याएको नेपालले २ विकेट गुमाउँदै १३ औं ओभरमा लक्ष्य पूरा गर्यो । सुरुवाती जोडीले आक्रामक सुरुवात दिलाएपछि नेपालले […]

April 15, 2024

नेपाललाई हङकङको सामान्य लक्ष्य

मस्कट (हाम्रो खेलकुद) – नेपाली राष्ट्रिय क्रिकेट टोलीले एसीसी प्रिमियर कप अन्तर्गत समूह ए को तेस्रो खेलमा हङकङविरुद्ध जितका लागि १ सय १५ रनको सामान्य लक्ष्य पाएको छ । अल अमेरत मैदानमा टस जितेर हङकङलाई ब्याटिङको निम्तो दिएको नेपालले उत्कृष्ट बलिङ र फिल्डीङ प्रदर्शन गर्यो । वर्षाका कारण केही ढिलो सुरु भएको खेल १८ ओभरमा […]

April 15, 2024

नेपालले टस जित्यो, खेल १८ ओभरको हुने

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत समूह चरणको तेस्रो खेलमा नेपाल र हङकङ खेल्दैछन् । वर्षाका कारण १८ ओभरको खेल १२:४५ बजे सुरु हुनेछ । नेपालले टस जितेर पहिलो फिल्ड गर्ने निर्णय लिएको छ । टोलीमा एक परिवर्तन भएको छ । पछिल्लो खेलबाट विवेक यादवको स्थानमा करण केसी टोलीमा आएका छन् […]

Success

Thank you for your time.