1 year ago
December 20, 2022
काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर सोमपाल कामी नेपाल टि२० लिगको फ्रेन्चाइज टोली जनकपुर रोयल्सको उपकप्तान हुने भएका छन् । मार्की खेलाडीको रुपमा रहेको जनकपुरले सोमपाललाई उपकप्तानको जिम्मेवारी दिएको छ । जनकपुरको कप्तान भने वेस्टइन्डिजका ट्रेभोन ग्रिफिथ रहने भएका छन् । जकपुरले आफ्नो जर्सी, कप्तान र विदेशी खेलाडी सार्वजनिक गरेको छ […]
काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर सोमपाल कामी नेपाल टि२० लिगको फ्रेन्चाइज टोली जनकपुर रोयल्सको उपकप्तान हुने भएका छन् । मार्की खेलाडीको रुपमा रहेको जनकपुरले सोमपाललाई उपकप्तानको जिम्मेवारी दिएको छ ।
जनकपुरको कप्तान भने वेस्टइन्डिजका ट्रेभोन ग्रिफिथ रहने भएका छन् । जकपुरले आफ्नो जर्सी, कप्तान र विदेशी खेलाडी सार्वजनिक गरेको छ । ३१ वर्षीय शीर्षक्रमका ब्याटर ट्रेभोेनले हालसम्म वेस्टइन्डिजको टोलीबाट भने खेलेका छैनन् । वेस्टइन्डिजबाट घरेलु क्रिकेट खेल्ने उनले २१ प्रथम श्रेणी, ३४ लिष्ट ए र १८ टि२० खेल खेलेका छन् ।
जनकपुरका मुख्य प्रशिक्षक उमेश पटवालले टोलीमा रहेका खेलाडीमा उत्कृष्ट विकल्प ट्रेभोन रहेको हुँदा कप्तानी दिएको बताए । ‘हामीले अनुभव हेर्दा उनी उत्कृष्ट छन् । उनी उत्कृष्ट विकल्प हुँदा कप्तानमा नियुक्त गरेका हौं’, पटवालले भने ।
सोमपाल टोलीका उत्कृष्ट विकल्प होइनन् भन्ने प्रश्नमा पटवालले भने ‘पक्कैपनि उनी टोलीका उपकप्तान हुन् । यसले विदेशी खेलाडी र स्वदेशी खेलाडीबीच राम्रो सन्तुलन हुन्छ । नेपाली खेलाडी (लोकल) बारे सोमपाललाई थाहा छ । उनले कप्तानीमा सहयोग गर्नेछन् । मैदानमा सोमपाल र ट्रेभोन मिलेर निर्णय लिनेछन् ।’
सोमपालको कप्तानीमा चितवन टाइगर्सले गतवर्ष एभरेष्ट प्रिमियर लिग (इपिएल) को उपाधि जितेको थियो । २०१८ मा सोमपाल कै नेतृत्वमा धनगढी प्रिमियर लिगमा धनगढी टिम चौराहले जितेको थियो ।
मार्की खेलाडी समेत हुँदा सोमपाललाई कप्तानी दिने अनुमान गरिएको थियो । तर वेस्टइन्डिजको खेलाडीलाई दिएको छ । नेपाल टि२० लिग शुक्रबारदेखि काठमाडौंमा सुरु हुनेछ ।
जनकपुरको टोली :
सोमपाल कामी, सन्दीप जोरा, मोहम्मद आदिल आलाम, दीलिप नाथ, ललित नारायण राजवंशी, सुशन भारी, सागर पुन, पवन सरार्फ, जितेन्द्र मुखिया, खडक बोहरा, राजेश पुलामी, चाडविक वाल्टन, ट्रेभोन ग्रिफिथ, केस्रिक विलियम्स, अशान प्रियान्जन, शराफुद्दीन अशरफ र सामिउल्लाह शिनवारी ।
April 29, 2024
एजेन्सी – इंडियन प्रिमियर लिग (आईपिएल) अन्तर्गत आईतबार भएको दोस्रो खेलमा चेन्नाई सुपर किंग्सले सहज जित दर्ता गरेको छ । चेन्नाईले सनराईजर्स हैदराबाद माथि ७८ रनको फराकिलो जित दर्ता गरेको हो । चेन्नाईले दिएको २१३ रनको विशाल लक्ष्य पछ्याएको हैदराबाद १८.५ ओभरमा १३४ रनमा समेटियो । हैदराबादका लागि एईडन मार्क्रमको ३२ रनको इनिङ नै सर्वाधिक […]
April 28, 2024
एजेन्सी – विल ज्याक्सको विष्फोटक शतकीय इनिङको मद्दतमा इंडियन प्रिमियर लिग अन्तर्गत आईतबार भएको पहिलो खेलमा रोयल च्यालेनजर्स बेंगलूरु (आरसिबि) ले सानदार जित दर्ता गरेको छ । आरसिबिले गुजरात टाईटन्स माथि ९ विकेटको फराकिलो जित दर्ता गरेको हो । गुजरातले दिएको २०१ रनको विशाल लक्ष्य आरसिबिले १६ ओभरमै १ विकेट मात्र गुमाएर भेटायो । आरसिबिका […]
April 28, 2024
काठमाडौँ (हाम्रो खेलकुद) – वेस्ट इन्डिज ‘ए’ टोलीविरुद्धको दोस्रो टि२० खेलमा नेपाली राष्ट्रिय क्रिकेट टोली पराजित भएको छ । पहिलो खेलमा ४ विकेटको हार बेहोरेको वेस्ट इन्डिजले नेपाललाई दोस्रो खेलमा १० रनले पराजित गर्दै शृंखलामा १-१ को बराबरी गरेको हो । पाहुना टोलीले दिएको १६१ रनको मध्यम लक्ष्य पछ्याएको नेपालले निर्धारित २० ओभरमा ९ विकेट […]