एजेन्सी – स्पिनर राशिद खानको उत्कृष्ट प्रदर्शनमा लाहोर कलन्दर्सले पाकिस्तान सुपर लिग (पिएसएल) मा मुल्तान सुल्तान्सलाई २१ रनले पराजित गरेको छ । जितको लागि १ सय ८१ रनको विजयी लक्ष्य पछ्याएको मुल्तानले निर्धारित २० ओभरमा ७ विकेट गुमाउँदै १ सय ५९ रन बनायो ।

मुल्तानको लागि काइरन पोलार्डले २८ बलमा २ चौका र ३ छक्कासहित सर्वाधिक ३९ रन बनाए । ओपनर शन मसुद १९, मोहम्मद रिजवान ३०, राइली रोसोउ १२ र डेविड मिलर १ रनमा आउट भए ।

लाहोरका राशिद खानले ४ ओभरमा १५ रन खर्चेर ३ विकेट लिए । त्यसअघि गद्धाफ स्टेडियममा टस जितेर पहिला ब्याटिङ रोजेको लाहोरले निर्धारित २० ओभरमा ९ विकेट गुमाउँदै १ सय ८० रन बनायो ।

लाहोरका साम बिलिंग्सले ३५ बलमा ६ चौका र २ छक्कासहित ५४ रन बनाए । अब्दुल्लाह शफिकले ३५ बलमा ६ चौका र १ छक्कासहित ४८ रन बनाए । अन्य कुनैपनि ब्याटरले राम्रो प्रदर्शन गर्न सकेनन् ।

मुल्तानका अनवर अली, अब्बास अफ्रिदी, काइरन पोलार्ड र इहसानउल्लाहले दुई दुई विकेट लिए । लाहोर ७ खेलमा ६ मा जित र १ मा हारसहित १२ अंकका साथ शीर्ष स्थानमा छ । मुल्तान ७ खेलमा ४ मा जित र ३ मा हारसहित ८ अंकका साथ दोस्रो स्थानमा छ ।