12 months ago
March 31, 2023
एजेन्सी – पाँच पटकको च्याम्पियन मुम्बई इन्डियन्सले तीव्र गतिका बलर जस्प्रित बुमराहको स्थानमा सन्दीप वारियरलाई मौका दिएकोछ । बुमराह ब्याक इन्जुरीको कारण लामो समय देखि भारतीय टोलीमै छैनन् । उनले आइपिएल पनि गुमाउनेछन् । मुम्बईले ३१ वर्षीय सन्दीप वारियरलाई बुमराहको स्थानमा टोलीमा भित्र्याएको छ । सन्दीपले ५० लाख भारु (८० लाख रुपैयाँ) पाउने छन् । […]
एजेन्सी – पाँच पटकको च्याम्पियन मुम्बई इन्डियन्सले तीव्र गतिका बलर जस्प्रित बुमराहको स्थानमा सन्दीप वारियरलाई मौका दिएकोछ । बुमराह ब्याक इन्जुरीको कारण लामो समय देखि भारतीय टोलीमै छैनन् । उनले आइपिएल पनि गुमाउनेछन् ।
मुम्बईले ३१ वर्षीय सन्दीप वारियरलाई बुमराहको स्थानमा टोलीमा भित्र्याएको छ । सन्दीपले ५० लाख भारु (८० लाख रुपैयाँ) पाउने छन् । आइपिएलमा कुनै खेलाडी घाइते भएमा उनको स्थानमा अन्य लिन परेमा अक्सनमा न्यूनतम राखेको मूल्य पाउँछन् । त्यसै अनुसार सन्दीपले ५० लाख भारु पाउनेछन् ।
सन्दीपले आइपिएलमा ५ खेल खेलेका छन् । उनले २०१९ मा कोलकताबाट मुम्बईविरुद्ध डेब्यू गरेका थिए । सन्दीपले २०१९ मा तीन खेल २०२० र २०२१ मा एक एक खेल खेलेका थिए । भारतले २०२१ मा कोरोना महामारीको कारण दोस्रो रोजाईको टोली बनाउँदा उनले श्रीलंकाविरुद्ध टि२० आईमा डेब्यू गर्ने मौका पाएका थिए । बुमराह नहुँदा मुम्बईलाई तीव्र गतिको बलिङ आक्रामणमा भने ठूलो असर पर्ने देखिन्छ ।
मुम्बईसँग तीव्र गतिको बलरमा जोफ्रा आर्चर, अर्जुन तेन्दुलकर, जेसन बेहरनडोफ र डुवान यानसन लगायतका खेलाडी छन् । झेय रिचर्ड्सनले पनि पुरै खेल गुमाउने छन् । मुम्बईको ब्याटिङ लाइनअप भने उत्कृष्ट छ । रोहित शर्मा, ईशान किशन, क्यामरन ग्रिन, सूर्यकुमार यादव, टिम डेविड, ट्रिस्टन स्टब्स, डेवाल्ड ब्रेभिस लगायतका खेलाडी छन् ।
मुम्बईले आइतबार रोयल च्यालेन्जर्स बेंगलोरसँग खेल्दै सुरुवात गर्नेछ । गत वर्ष भने मुम्बईले आफ्नो इतिहासकै खराब प्रदर्शन गर्दै पुछारमा रहेर बाहिरिएको थियो । मुम्बईले २०१३, २०१५, २०१७, २०१९ र २०२० मा उपाधि जितेको थियो ।
मुम्बईको पूर्ण टोली
क्यामरन ग्रीन, रोहित शर्मा(कप्तान), ईशान किशन (विकेटकिपर) जस्प्रित बुमराह, सन्दीप वारियर, टिम डेविड, सूर्यकुमार यादव, जोफ्रा आर्चर, डेवाल्ड ब्रेभिस, तिलक बर्मा, झेय रिचर्डसन, जेसन बेहरनर्डोफ, पियुष चवला, अर्जुन तेन्दुलकर, रमनदीप सिंह, साम्स मुलानी, नेहाल अधेरा, कुमार कार्किकेय, ऋतिक शौकीन, आकाश मधवाल, अर्शद खान, राधव गोयल, दुवान यानसन, ट्रिस्टन स्टब्स(विकेटकिपर) र विष्णु विनोद ।
March 19, 2024
काठमाडौं (हाम्रो खेलकुद) – राष्ट्रिय महिला क्रिकेट टोलीकी पहिलो कप्तान नेरी थापाले अन्तर्राष्ट्रिय र घरेलु दुबै क्रिकेटबाट सन्न्यासको घोषणा गरेकी छिन् । १७ वर्ष लामो क्रिकेट यात्रामा साथ दिने आफ्नो परिवारलाई विशेष धन्न्यावाद दिँदै नेरीले सोमबार सामाजिक सञ्जाल फेसबुक मार्फत सन्न्यास लिएको घोषणा गेकी हन्। ‘म आज राष्ट्रिय तथा अन्तर्राष्ट्रिय क्रिकेटबाट सन्न्यासको घोषणा गर्दैछु। क्रिकेट […]
March 18, 2024
धनगढी (हाम्रो खेलकुद) – कैलाली प्रिमियर लिगमा शुक्लाफाँटा नगरपालिकाले विजयी सुरुवात गरेको छ । जिल्ला क्रिकेट संघ कैलालीको आयोजनामा सोमबार फाप्ला मैदानमा सुरु भएको कैलाली प्रिमियर लिगमा शुक्लाफाँटाले पर्शुराम नगरपालिकालाई ३५ रनले पराजित गरेको हो । टस जितेर पहिला ब्याटिङ गरेको शुक्लाफाँटाले निर्धारित २० ओभरमा ३ विकेट गुमाउँदै १ सय ८१ रन बनायो । टोलीका […]
March 15, 2024
सुनिल गाँउले, सिमरा प्रथम जीतपुरसिमरा क्रिकेट कप प्रतियोगिता शनिबारदेखि हुँदैछ । जीतपुरसिमरा उपमहानगरपालिका ४ स्थित सेज क्रिकेट मैदानमा सुरु हुने प्रतियोगिताको उद्घाटन खेलमा आयोजक जीतपुरसिमरा क्रिकेट क्लब र पर्सा क्रिकेट संघ भिड्दैछन् । राउण्ड रोबिनका आधारमा संचालन हुने प्रतियोगितामा ६ टोलीको सहभागिता रहेको छ । चैत १० गतेसम्म चल्ने प्रतियोगिताका ६ टोलीलाई दुई समूहमा विभाजन […]