default_image

2 years ago

April 5, 2023

रोयले कोलकाताबाट आइपिएल खेल्ने

235 views

0 Bookmark

एजेन्सी – इंग्ल्यान्डका ओपनर जेसन रोयले इन्डियन प्रिमियर लिग (आइपिएल) २०२३ कोलकाता नाइट राइडर्सबाट खेल्ने भएका छन् । बंगलादेशका स्टार अलराउन्डर सकिब अल हसनले नाम फिर्ता लिएपछि र श्रेयस ऐर ब्याक इन्जुरीको कारण बाहिरिएपछि कोलकाताले रोयलाई टोलीमा किनेको हो ।

जेसन रोयले अक्सनमा १ करोड ५० लाख न्यूनतम भारु मूल्य राखेपनि कुनैपनि टोलीले किनेका थिएनन् । उनलाई कोलकाताले २ करोड ८० लाख भारुमा सम्झौता गरेको जनाएको छ। उनले आइपिएलमा १३ खेलमा २ अर्धशतकसहित कुल ३ सय २९ रन बनाएका छन् । रोयले पछिल्लो पटक २०२१ मा सनराइजर्स हैदराबादबाट पाँच खेल खेलेका थिए ।

२०२२ मा गुजरात जायन्ट्सले २ करोड भारुमा किनेपनि उनी चोटका कारण बाहिरिएका थिए । २०१७ मा रोयले गुजरात जायन्ट्सबाट कोलकाता नाइट राइडर्सविरुद्ध डेब्यू गरेका थिए । २०१८ को मेगा अक्सनमा दिल्लीले १ करोड ५० लाख भारुमा किनेको थियो । २०२० सम्म दिल्लीमा रहेपनि खेल्ने मौका खासै पाएका थिएनन् ।

रोय पछिल्लो समय राम्रो लयमा छन् । उनले अघिल्लो महिना पाकिस्तान सुपर लिगमा सानदार प्रदर्शन गरेका थिए । उनले पेशावार जाल्मीविरुद्ध क्वेटा ग्ल्याडियटर्सबाट ६३ बलमा २० चौका र ५ छक्कासहित १ सय ४५ रनको सानदार अविजित इनिङ खेलेका थिए । बंगलादेशविरुद्ध तेस्रो ओडिआई खेलमा १ सय ३२ रनको शतकीय इनिङ खेलेका थिए ।

आक्रामक ओपनर रोयले ३ सय १३ टि२० खेलमा ६ शतक र ५३ अर्धशतकसहित कुल ८ हजार १ सय १० रन बनाएका छन् । रोयको आगमनले कोलकाताको ब्याटिङ केहि मजबुत बन्नेछ । श्रेयस ऐर ब्याक इन्जुरीको कारण पुरै सिजन गुमाउने छन् । कोलकाता पहिलो खेलमा पन्जाब किंग्ससँग डकवर्थ लेविस पद्धतिको आधारमा ७ रनले पराजित भएको थियो ।

कोलकाताले बिहीबार रोयल च्योलन्जर्स बेंगलोरसँग खेल्नेछ । रोय र रहमानउल्लाह गुरबाजले ओपनिङ गर्नेछन् । रोय कोलकाताका प्रमुख ब्याटर समेत हुनेछन् । मध्यक्रममा कप्तान नितिश राणाले जिम्मेवारी लिनुपर्ने हुन्छ ।

अनुकुल रोय, वेंकटेश ऐर र रिंकु सिंह मध्यक्रमका ब्याटर हुन् । आन्द्रे रसेल फिनिसर हुन् । कोलकातामा विदेशी खेलाडीको रुपमा लोकी फर्गुसन, गुरबाज, लिटन दास, जेसन रोय, डेविड विजा, सुनिल नारायण, टिम साउथी र आन्द्रे रसेल छन् ।

February 9, 2025

फिलिप्सको शतकमा न्युजिल्याण्डको विजयी सुरुवात

एजेन्सी – ग्लेन फिलिप्सको शतक सहयोगमा न्युजिल्याण्ड पाकिस्तानमाथि फराकिलो जित हात पारेको छ । शनिवारबाट सुरु पाकिस्तान, न्युजिल्याण्ड र दक्षिण अफ्रिका सम्मिलित त्रिकोणात्मक सिरिजको पहिलो खेलमा घरेलु टोली ७८ रनले पराजित भएको हो । न् ३ सय ३१ रनको लक्ष्य पछ्याएको पाकिस्तान ४७.५ ओभरमा २ सय ५२ रनमा समेटिएको थियो । त्यसअघि पाकिस्तानको लाहोरमा टस […]

February 9, 2025

लिग टु – अमेरिकाले नामिबियालाई हरायो

काठमाडौं(हाम्रो खेलकुद) – विश्व कप लिग टुमा शीर्ष स्थानको अमेरिकाले नामिबियालाई पराजित गरेको छ । अमेरिकाले शनिवार नामिबियालाई १ सय १४ रनको फराकिलो अन्तरले पराजित गर्यो । प्राविधिक कारण ढिला सुरु भएकोले खेल ४३ ओभरमा छोट्याइएको थियो । २ सय ९४ रनको लक्ष्य पछ्याएको नामिबिया ४०.२ ओभरमा १ सय ७९ रनमा अल आउट भएको थियो […]

February 8, 2025

कुशलको अलराउण्ड प्रदर्शनमा डडेलधुरा फाइनलमा

काटमाडौं(हाम्रो खेलकुद) – कुशल भुर्तेलको अलराउण्ड प्रदर्शनको सहयोगमा फ्रेन्ड्स युथ क्लब डडेलधुरा धनगढीमा जारी अर्जुन ट्रफी राष्ट्रिय क्रिकेट प्रतियोगिताको फाइनलमा प्रवेश गरेको छ । पहिलो सेमिफाइनलमा शनिवार न्यु होराइजन बुटवललाई ५ विकेटले हराउँदै डडेलधुरा फाइनल पुगेको गहो । डडेलधुराले उपाधिका लागि सोमवार डिसीए धनगढी र सिवाईसी अत्तरिया मध्ये एक‌सँग फाइनल हुनेछ । ८३ रनको सामान्य […]

Success

Thank you for your time.