1 year ago
April 8, 2023
एजेन्सी – इन्डियन प्रिमियर लिग (आइपिएल) २०२३ को ११ औं खेलमा आज राजस्थान रोयल्स र दिल्ली क्यापिटल्सबीच प्रतिस्पर्धा हुँदैछ । खेल नेपाली समय अनुसार दिउँसो ३: ४५ मा गुवाहाटीमा सुरुहुनेछ।
दिल्ली पहिलो जितको खोजीमा हुनेछ । पहिलो खेलमा दिल्ली लखनऊ सुपर जायन्ट्ससँग ५० रन र दोस्रो खेलमा गुजरात टाइटन्ससँग ६ विकेटले पराजित भएको थियो । राजस्थानले पहिलो खेलमा सनराइजर्स हैदराबादलाई ७२ रनले हराएको थियो । पन्जाब किंग्ससँग ५ रनले पराजित भएको थियो ।
राजस्थानको सञ्जु स्यासमन र दिल्लीको डेविड वार्नरले कप्तानी गर्नेछन् । दिल्ली वार्नर ओपनर पृथ्वी शाहबाट उत्कृष्ट सुरुवात चाहन्छ । मिचेल मार्श नहुँदा तेस्रो नम्बरमा राइली रोसोउ खेल्नेछन् । यी तीन ब्याटरको प्रदर्शनले दिल्लीको योगफल निर्धारण हुनेछ । मार्शको स्थानमा फिलिप साल्टले खेल्ने सम्भावना छ । इंग्लिस विकेटकिपर साल्ट आक्रामक ब्याटिङका लागि चिनिन्छन् ।
शरफजान खानको स्थानमा अभिषेक पोरेल खेल्ने सम्भावना छ । रोभम्यान पावेल प्रमुख हिटर हुन् । उनीबाट दिल्ली विष्फोटक अन्त्य चाहन्छ । दिल्लीले तीव्र गतिका बलरमा एनरिच नोर्कियासँगै लुंगी एनगिडीलाई मैदान उतार्न सक्छ । दुई प्रमुख ब्याटर मैदान उतार्दा पावेल र साल्ट मध्य एक बेन्चमा बस्नुपर्ने हुन्छ । स्पिनरमा कुलदीप यादव र अक्षर पटेल हुनेछन् । अक्षर तल्लोक्रममा राम्रो ब्याटिङ पनि गर्दछन् ।
उता राजस्थानमा सन्जु स्यामसन र जस बटलर जस्ता आक्रामक ब्याटर टोलीमा छन् । यी दुई मध्य एकबाट राजस्थान ठूलो इनिङ चाहन्छ । युवा ब्याटर यशस्वी जैसवालले राम्रो प्रदर्शन गर्दै आएका छन् ।
देवदत्त पाडिक्कलको स्थानमा पन्जाबविरुद्ध इम्प्याक्ट प्लेयरको रुपमा खेलेका ध्रुव जुरेल खेल्ने सम्भावनाछ । जुरेलले उक्त खेलमा १५ बलमा ३ चौका र २ छक्कासहित ३२ रनको अविजित इनिङ खेलेका थिए । शिम्रन हेटमायर मध्यक्रमका प्रमुख ब्याटर हुन् ।
रियान पराग, जेसन होल्डर र रविचन्द्रन आश्विनले तल्लोक्रम सम्हाल्नेछन् । तीव्र गतिका बलरमा ट्रेन्ट बोल्ट छन् । बोल्टको गती र स्वींग चाल पाउन सहज हुनेछैन । लेग स्पिनर युजभेन्द्र चहल प्रमुख हतियार हुन् । तीव्र गतिका बलर केएम आसिफको स्थानमा नवदीप सैनीलाई मौका दिनसक्छ । आजको दोस्रो खेलमा साँझ चेन्नई सुपर किंग्स र मुम्बई इन्डियन्सबीच प्रतिस्पर्धा हुँनेछ ।
हेड टु हेड :
राजस्थान र दिल्लीबीच कुल २६ खेल भएको छन् । जसमा दुबै टोली समान १३ खेलमा विजयी भएका छन् । पछिल्ला पाँच खेलमा दिल्ली तीन र राजस्थान दुई खेलमा विजयी भएको छ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]