default_image

1 year ago

April 10, 2023

पुरनको विष्फोटक ब्याटिङमा बेंगलोरमाथि लखनऊको रोमान्चक जित

एजेन्सी – विकेटकिपर निकोलस पुरनले विष्फोटक ब्याटिङ गरेपछि लखनऊ सुपर जायन्ट्सले इन्डियन प्रिमियर लिग (आइपिएल) २०२३ मा रोयल च्यालेन्जर्स बेंगलोरमाथि एक विकेटको रोमान्चक जित हात पारेको छ । तेस्रो जितका साथ लखनऊ शीर्ष स्थानमा उक्लिएको छ । जितको लागि २ सय १३ रनको विशाल विजयी लक्ष्य पछ्याएको लखनऊले २० ओभरमा ९ विकेट गुमाउँदै पूरा गर्यो […]

86 views

0 Bookmark

एजेन्सी – विकेटकिपर निकोलस पुरनले विष्फोटक ब्याटिङ गरेपछि लखनऊ सुपर जायन्ट्सले इन्डियन प्रिमियर लिग (आइपिएल) २०२३ मा रोयल च्यालेन्जर्स बेंगलोरमाथि एक विकेटको रोमान्चक जित हात पारेको छ । तेस्रो जितका साथ लखनऊ शीर्ष स्थानमा उक्लिएको छ ।

जितको लागि २ सय १३ रनको विशाल विजयी लक्ष्य पछ्याएको लखनऊले २० ओभरमा ९ विकेट गुमाउँदै पूरा गर्यो । लखनऊको जितमा निकोलस पुरनले १९ बलमा ४ चौका र ७ छक्कासहित ६२ रनको विष्फोटक ब्याटिङ गरे ।

लखनऊलाई जितको लागी अन्तिम ६ बलमा ५ रन चाहिँएको थियो । तीव्र गतिका बलर हर्षल पटेलले जयदेव उनादकटलाई एक रन दिए । फुलटस दोस्रो बलमा मार्क वुडलाई बोल्ड गरेपछि चार बलमा चार रन चाहिँएको थियो । रवि विश्रोईले तेस्रो बलमा दुई रन बटुले । चौथो बलमा एक रन बटुल्दा पाँचौं बलमा लङअनमा जयदेव उनादकट क्याच आउट भए ।

अन्तिम बलमा जितको लागि लखनऊलाई एक रन चाहिँएको थियो । अन्तिम बलमा आवेश खान मिस भएपनि विकेटकिपर दीनेश कार्तिकले रन आउट गर्न चुकेपछि लेगवाइको रुपमा रन बटुल्दै रोमान्चक जित हात पारेको हो । पुरनले मात्रै १५ बलमा अर्धशतक पूरा गरेका थिए । पुरन मोहम्मद शिराजको १७ औं ओभरको अन्तिम बलमा ठूलो सट खेल्ने धुनमा डीप स्क्वायर लेगमा शहबाज अहमदबाट क्याच आउट भएका थिए ।

आइपिएलमा सर्वाधिक छिटो अर्धशतक लोकेश राहुल र प्याट कमिन्सले समान १४ बलमा हानेका थिए । युसुफ पठान र सुनिल नारायणले पनि १५-१५ बलमा अर्धशतक पूरा गरेका थिए । छैटौं विकेटका लागी आयुष बदोनी र पुरनले ३५ बलमा ८४ रनको विष्फोटक साझेदारी गरेका थिए ।

बदोनी २४ बलमा ४ चौकासहित ३० रनमा आउट भए । बदोनी दुर्भाग्यपूर्ण आउट भए । वेन पार्नेलको १९ औं ओभरको चौथो बलमा स्वीप खेल्दै छक्का हानेपनि ब्याटले स्टम्प हानेपछि हिट विकेटको रुपमा आउट भएका थिए । लखनऊको सुरुवात भने राम्रो हुन सकेको थिएन ।

तीव्र गतिका बलर मोहम्मद शिराजले पहिलो ओभरको तेस्रो बलमै ओपनर कायल मेयर्सलाई शून्यमा बोल्ड आउट गरे । उनी एज लागेर बोल्ड भएका थिए । चौथो ओभरमा तीव्र गतिका बलर वेन पार्नेलले दुई विकेट लिँदै बेंगलोरलाई सानदार सुरुवात दिलाएका थिए । पार्नेलले दीपक हुडा ९ र क्रुनाल पान्ड्या शून्यमा विकेटकिपरबाट क्याच आउट भएका थिए ।

एक समय २३-३ को अवस्थामा पुगेको लखनऊलाई चौथो विकेटका लागीका लागि कप्तान लोकेश राहुल र मार्कस स्टोइनिसले ४० बलमा ७६ रनको साझेदारी गरेका थिए ।

मार्कस स्टोइनिस ३० बलमा ६ चौका र ५ छक्कासहित ६५ रनको उत्कृष्ट इनिङ खेलेका थिए । उनी स्पिनर कर्ण शर्माको बलमा ठूलो सट खेल्ने धुनमा क्याच आउट भएका थिए । लोकेश राहुल २० बलमा १८ रनमा आउट भए ।

त्यसपछि मैदान आएका निकोलस पुरनले विष्फोटक ब्याटिङ खेललाई रोचक बनाएका थिए । रोयल च्यालेन्जर्स बेंगलोरका मोहम्मद शिराजले ४ ओभरमा २२ रन खर्चेर ३ विकेट लिए । वेन पार्नेलले ४ ओभरमा ४१ रन खर्चेर ३ विकेट लिए । हर्षल पटेलले ४ ओभरमा ४८ रन खर्चेर २ विकेट लिए ।

त्यसअघि घरेलु मैदान चिन्नास्वामी रंगाशालामा टस हारेर पहिला ब्याटिङको निम्तो पाएको बेंगलोरले निर्धारित २० ओभरमा २ विकेट गुमाउँदै २ सय १२ रन बनाएको थियो । तर बलिङ नचल्दा पराजित हुन पुग्यो । बेंगलोरका कप्तान फाफ डु प्लेसिस ४६ बलमा ५ चौका र ५ छक्कासहित सर्वाधिक ७९ रनमा अविजित पनि हार टार्न सकेनन् ।

पहिलो विकेटका लागि डु प्लेसिस र विराट कोहलीले ११.३ ओभरमा ९६ रनको सानदार साझेदारी गरेका थिए । विराट कोहली ४४ बलमा ४ चौका र ४ छक्कासहित ६१ रन बनाउँदै क्याच आउट भए । कोहली स्पिनर अमित मिश्राको बलमा ठूलो सट खेल्ने धुनमा डीप मिडविकेटमा मार्कस स्टोइनिसबाट क्याच आउट भएका थिए ।

त्यसपछि दोस्रो विकेटका लागि डु प्लेसिस र ग्लेन म्याक्सवेलले ५० बलमा १ सय १५ रनको आक्रामक शतकीय साझेदारी गरेका थिए । म्याक्सवेल २९ बलमा ३ चौका र ६ छक्कासहित ५९ रनमा आउट भए । म्याक्सवेल अन्तिम ओभरको पाँचौं बलमा मार्क वुडको बलमा बोल्ड भएका थिए ।

लखनऊका अमित मिश्राले २ ओभरमा १८ रन खर्चेर १ विकेट लिए । मार्क वुडले ४ ओभरमा १ मेडनसहित ३२ रन खर्चेर १ विकेट लिए । पहिलो खेलमा बेंगलोरले मुम्बई इन्डियन्सलाई ८ विकेटले हराएको थियो । बेंगलोर दोस्रो खेलमा कोलकाता नाइट राइडर्ससँग ८१ रनले पराजित भएको थियो ।

बेंगलोरले अव शनिबार दिल्ली क्यापिटल्ससँग खेल्नेछ । लखनऊले दिल्लीलाई ५० रन र हैदराबादलाई ५ विकेटले हराएको थियो । चेन्नई सुपर किंग्ससँग १२ रनले पराजित भएको थियो । लखनऊले अव शनिबार नै पन्जाबसँग खेल्नेछ ।

April 20, 2024

दिल्लीमाथि हैदरावादको सानदार जित

एजेन्सी – विष्फोटक ब्याटिङ प्रदर्शन सहित सनराईजर्स हैदरावादले इंडियन प्रिमियर लिग (आइपिएल) मा शनिबार दिल्ली क्यापिटल्स माथि फराकिलो जित दर्ता गरेको छ । हैदरावादले दिल्लीमाथि उसैको मैदानमा ६७ रनको सानदार जित निकालेको हो। टस हारेर पहिला ब्याटिङको निम्तो पाएको हैदरावादले उत्कृष्ट ब्याटिङ सहित २० ओभरमा ७ विकेट गुमाउँदै २ सय ६६ रनको विशाल योगफल खडा […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

दीपेन्द्रको ब्याटिङमा नेपालको प्रतिस्पर्धात्मक योगफल

मस्कट (हाम्रो खेलकुद) – एसिसि प्रिमियर कप अन्तर्गत हङकङ विरुद्ध तेस्रो स्थानको खेलमा नेपालले प्रतिस्पर्धात्मक योगफल खडा गरेको छ । पछिल्लो खेलमा खराब ब्याटिङ प्रदर्शन गरेको नेपालले आज निर्धारित २० ओभरमा ८ विकेट गुमाउँदै १३९ रन बनाएको हो ।  टस जितेर पहिला ब्याटिङ रोजेको नेपालका लागि दीपेन्द्र सिंह ऐरीले २९ बलमा ४ चौका र ३ […]

Success

Thank you for your time.