default_image

10 months ago

April 22, 2023

अर्शदीपको घातक बलिङमा पन्जाबले मुम्बईलाई हरायो

एजेन्सी – तीव्र गतिका बलर अर्शदीप सिंहको घातक बलिङमा पन्जाब किंग्सले इन्डियन प्रिमियर लिग (आइपिएल) २०२३ को ३१ औं खेलमा मुम्बई इन्डियन्सलाई १३ रनले हराएको छ । जितको लागि २ सय १५ रनको विशाल विजयी लक्ष्य पछ्याएको मुम्बईले निर्धारित २० ओभरमा ६ विकेट गुमाउँदै २ सय १ रन बनायो । मुम्बईका युवा अलराउन्डर क्यामरन ग्रीनले […]

114 views

0 Bookmark

एजेन्सी – तीव्र गतिका बलर अर्शदीप सिंहको घातक बलिङमा पन्जाब किंग्सले इन्डियन प्रिमियर लिग (आइपिएल) २०२३ को ३१ औं खेलमा मुम्बई इन्डियन्सलाई १३ रनले हराएको छ ।

जितको लागि २ सय १५ रनको विशाल विजयी लक्ष्य पछ्याएको मुम्बईले निर्धारित २० ओभरमा ६ विकेट गुमाउँदै २ सय १ रन बनायो । मुम्बईका युवा अलराउन्डर क्यामरन ग्रीनले ४३ बलमा ६ चौका र ३ छक्कासहित सर्वाधिक ६७ रनको योगदान दिएपनि टोलीको हार टार्न सकेनन् ।

सूर्यकुमार यादव २६ बलमा ७ चौका र ३ छक्कासहित ५७ रनमा आउट भए । मुम्बईलाई जितको लागि अन्तिम ६ बलमा १६ रन चाहिँएको थियो । तीव्र गतिका बलर अर्शदीप सिंहले अन्तिम ओभरमा दुई रन खर्चेर २ विकेट लिएपछि पन्जाब विजयी भएको हो । अर्शदीपको पहिलो बलमा टिम डेविडले एक रन बटुले ।

दोस्रो बल तिलक बर्मालाई डट राखे । तेस्रो बलमा बर्मा बोल्ड आउट भए । अर्शदीको लेन्थ बलमा मिडल स्टम्पनै भाँचिन पुगेको थियो । लगत्तै अर्को बलमा नेहाल वधेरा पनि बोल्ड आउट भए । उनी अर्शदीपको स्वलो बल चाल पाउन नसक्दा बोल्ड भएका थिए । पुन मिडल स्टम्प उडेको थियो ।

२ बलमा १५ रन चाहिँदा पन्जाबको जित अनौपचारिकता बाँकी थियो । पाँचौं बल जोफ्रा आर्चरलाई डट राखे । अन्तिम बलमा एक रनका साथ जित पक्का गराए । टिम डेविड १३ बलमा २ छक्कासहित २५ रनमा नटआउट रहे ।

मुम्बईका ओपनर ईशान किशन तीव्र गतिका बलर अर्शदीपको दोस्रो ओभरको पहिलो बलमै एक रनमा म्याथ्यु शर्टबाट क्याच आउट भएका थिए । दोस्रो विकेटका लागि कप्तान रोहित शर्मा र क्यामरन ग्रीनले ७६ रनको साझेदारी गरेका थिए । रोहित २७ बलमा ४ चौका र ३ छक्कासहित ४४ रनमा आउट भए ।

उनी स्पिनर लियाम लिभिङस्टोनको बलमा कट एड बोल्ड आउट भएका थिए । तेस्रो विकेटका लागि सुर्यकुमार यादब र क्यामरन ग्रीनले ३६ बलमा ७५ रनको साझेदारी गर्दै जितको सम्भावना कायमै गरेका थिए ।

टिममा केहि समय छलफलपछि अर्शदीपको १८ औं ओभरको चौथो बलमा सूर्य मिडविकेटमा क्याच आउट भए । सूर्यको विकेटसँगै जितको सम्भावना कठिन बनेको थियो ।

पन्जाबका तीव्र गतिका बलर अर्शदीप सिंहले ४ ओभरमा २९ रन खर्चेर सर्वाधिक ४ विकेट लिए । नाथन एलिस र लियाम लिभिङस्टोनले समान एक विकेट लिए ।

त्यसअघि मुम्बईको घरेलु मैदान वानखडे रंगाशालामा टस हारेर पहिला ब्याटिङको निम्तो पाएको पन्जाबले निर्धारित २० ओभरमा ८ विकेट गुमाउँदै २ सय १४ रन बनाएको थियो । पन्जाबका कार्यवाहक कप्तान साम करनले २९ बलमा ५ चौका र ४ छक्कासहित ५५ रनको योगदान दिए ।

तीव्र गतिका बलिङ अलराउन्डर साम करनको उत्कृष्ट ब्याटिङको सहयोगमा धरमराएको पन्जाबले विशाल योगफल बनाएको हो । उनी तीव्र गतिका बलर जोफ्रा आर्चरको १९ औं ओभरको अन्तिम बलमा कट एण्ड बोल्ड आउट भएका थिए ।

वानखडेको ब्याटिङ सहयोगी पिचमा पन्जाबले सुरुवात भने औसत गरेको थियो । ओपनर म्याथ्यु शर्टलाई ११ रनमा गुमाएको थियो । उनले १० बलमा २ चौका प्रहार गरेका थिए । अर्का ओपनर प्रभसिमरन सिंह १७ बलमा १ चौका र २ छक्कासहित २६ रन बनाउँदै आउट भए । उनी अर्जुन तेन्दुलकरको बलमा एलबीडब्लू आउट भएका थिए ।

प्रमुख ब्याटर लियाम लिभिङस्टोन १२ बलमा १ छक्कासहित १० रनमा आउट भएका थिए । चोटको कारण यस सिजनमा दोस्रो खेल मात्रै खेलेका उनको पनि प्रदर्शन राम्रो हुन सकेन ।

लिभिङस्टोन स्पिनर पियुष चवालाको बलमा विकेटकिपर ईशान किशनबाट स्टम्पिङ आउट भएका थिए । अथर्व टैडे १७ बलमा ३ चौका र १ छक्कासहित २९ रनमा पियुष चवालाको बलमा बोल्ड आउट भए ।

एक समय ८३-४ को अवस्थामा पुगेको पन्जाबलाई साम करन र हरप्रीत सिंह भाटियाले पाँचौं विकेटका लागि ५० बलमा ९२ रनको साझेदारी गर्दै खेलमा फर्काएका थिए ।

हरप्रीत सिंह भाटिया २८ बलमा ४ चौका र २ छक्कासहित ४१ रनमा क्यामरन ग्रीनको बलमा बोल्ड आउट भए । युवा विकेटकिपर जितेश शर्माले ७ बलमा ४ छक्कासहित २५ रनको विष्फोटक इनिङ खेल्दै उत्कृष्ट अन्त्य गरेका थिए ।

मुम्बईका पियुष चवालाले ३ ओभरमा १५ रन खर्चेर २ विकेट लिए । क्यामरन ग्रीनले ४ ओभरमा ४१ रन खर्चेर २ विकेट लिए । अर्जुन तेन्दुलकर, जेसन बेहरेनडोर्फ र जोफ्रा आर्चरले समान एक विकेट लिए। मुम्बईले अब गुजरात टाइटन्ससँग मंगलबार नरेन्द्र मोदी स्टेडियम अहमदाबादमा खेल्नेछ । पन्जाबले शुक्रबार मोहालीमा लखनऊसँग खेल्नेछ ।

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

February 24, 2024

बिर्तामोडलाई अन्तरपालिका क्रिकेट उपाधि

हिमाल खरेल, बिर्तामोड बिर्तामोड नगरपालिकाले प्रथम झापा जिल्ला अन्तरपालिकास्तरीय पुरुष टि२० क्रिकेट प्रतियोगिताको उपाधि जितेको छ । बुधबारेमा शनिबार भएको फाइनलमा कचनकवल गाउँपालिकामाथि १ सय १९ रनको सानदार जित निकाल्दै बिर्तामोड च्याम्पियन बनेको हो । कचनकवलको फितलो ब्याटिङ र कमजोर बलिङको फाइदा उठाउँदै बिर्तामोड विजेता बनेको हो । टस जितेर पहिले ब्याटिङ रोजेको बिर्तामोडले निर्धारित […]

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

Success

Thank you for your time.