1 year ago
April 23, 2023
एजेन्सी – रोयल च्यालेन्जर्स बेंगलोरका कप्तान विराट कोहली इन्डियन प्रिमियर लिग (आइपिएल) २०२३ को ३२ औं खेलमा राजस्थान रोयल्सविरुद्ध रोयल डक आउट भएका छन् ।
घरेलु मैदान चिन्नास्वामी रंगाशालामा टस हारेर पहिला ब्याटिङको निम्तो पाएको बेंगलोरले ३ ओभरमा २ विकेट गुमाउँदै २२ रन बनाएको छ । फाफ डु प्लेसिस र ग्लेन म्याक्सवेल समान १० रनमा क्रिजमा छन् ।
राजस्थानका तीव्र गतिका बलर ट्रेन्ट बोल्टको इनिङको पहिलो बलमै विराट कोहली शून्यमा एलबीडब्लू आउट भए । आजको खेलमा पनि कोहलीले बेंगलोरको कप्तानी गरेका छन् । फाफ डु प्लेसिस पूर्ण रुपमा फिट नहुँदा उनी ब्याटिङ मात्रै गर्नेछन् ।
बेंगलोरले आजको खेलमा वायन पार्नेलको स्थानमा डेविड विल्लीलाई मौका दिएको छ । बेंगलोर ६ खेलमा ३ मा जित र ३ मा हारसहित ६ अंकका साथ छैटौं स्थानमा छ ।
बेंगलोर मुम्बई इन्डियन्सलाई ८ विकेट, दिल्ली क्यापिटल्सलाई २३ रन र पन्जाब किसलाई २४ रनले हराएको थियो । कोलकाता नाइट राइडर्ससँग ८१, लखनऊ सुपर जायन्ट्ससँग १ विकेट र चेन्नई सुपर किंग्ससँग ८ रनले पराजित भएको थियो ।
बेंगलोरको प्लेइङ ११ :
विराट कोहली (कप्तान), फाफ डु प्लेसिस (इम्प्याक्ट), महिपाल लोमरोर, ग्लेन म्याक्सवेल, शहबाज अहमद, दीनेश कार्तिक, वानिन्दु हसरंगा, सूयश प्रभूदेशाई, विजयकुमार वैश्यक, वायन पार्नेल र मोहम्मद शिराज ।
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]