2 years ago
June 26, 2023
एजेन्सी – युवा ब्याटर निकोलस पुरनले आक्रामक शतक प्रहार गरेपछि वेस्टइन्डिजले आइसिसी विश्वकप छनोटमा नेदरल्यान्ड्सलाई ३ सय ७५ रनको विशाल लक्ष्य दिएको छ । हरारेमा टस हारेर पहिला ब्याटिङको निम्तो पाएको वेस्टइन्डिजले निर्धारित ५० ओभरमा ६ विकेट गुमाउँदै ३ सय ७४ रन बनायो ।
वेस्टइन्डिजका निकोलस पुरनले ६५ बलमा ९ चौका र ६ छक्कासहित १ सय ४ रनको आक्रामक शतकीय इनिङ खेले । पुरनको यो ओडिआई करिअरको तेस्रो शतक हो । उनले ६३ बलमै शतक हानेका थिए ।
ब्रेन्डन किंगले ८१ बलमा १३ चौकासहित ७६ रनको योगदान दिए । नियमित ओपनर कायल मेयर्सलाई बेन्चमा राखेको थियो । जोनसन चाल्र्सलाई ओपनिङ गराएको थियो । पहिलो विकेटका लागि जोनसन र ब्रेन्डनले १७.२ ओभरमा १ सय १ रनको उत्कृष्ट शतकीय साझेदारी गरेका थिए ।
जोनसन ५५ बलमा ९ चौका र १ छक्कासहित ५४, शमाह्र ब्रक्स २५ र शाई होप ४७ रनमा आउट भए । वेस्टइन्डिजले रोभम्यान पावेललाई बेन्चमा राख्दै रोमारियो शेफर्डलाई मौका दिएको थियो । शेफर्ड डक र जेसन होल्डर ८ रनमा आउट भए । किमो पल २५ बलमा ४ चौका र २ छक्कासहित ४६ रनमा नट आउट रहे ।
नेदरल्यान्ड्सका बास डि लिडे र सकिब जुलफिकरले समान दुई विकेट लिए । लोगन भान बिंक र भिभियन किंग्माले समान एक विकेट लिए । यस खेलमा विजयी हुने टोलीले सुपर सिक्समा दुई अंक लगेर जानेछ ।
November 13, 2025
काठमाडौं (हाम्रो खेलकुद)- टायल्स र बाथवेयर ब्राण्ड सोमानी सेरामिक्स लिमिटेड ले नेपाल तथा दक्षिण-पूर्व एसियाका नेपाली क्रिकेट टोलीका पूर्व कप्तान पारस खड्का ब्रान्ड एम्बेसडर नियुक्त गरेको छ। पारससँगको सहकार्यले सोमानी सेरामिक्सको नेपाली उपभोक्तासँगको सम्बन्धलाई अझ गहिरो बनाउने र बजारमा आफ्नो अग्रणी स्थानलाई थप सुदृढ बनाउने विश्वास लिएको छ । पारस नेपालमा सोमानी सेरामिक्सको ब्राण्ड फेसको […]
November 13, 2025
काठमाडौं (हाम्रो खेलकुद)- नेपाल प्रिमियर लिग (एनपिएल) को दोस्रो संस्करण डिशहोम गो मोबाइल एपमार्फत हेर्न सकिने भएको छ। कीर्तिपुरस्थित टियु क्रिकेट मैदानमा ८ टोलीको सहभागितामा मंसिर १ देखि २७ गते (१७ नोभेम्बरदेखि १३ डिसेम्बर २०२५) सम्म हुने एनपिएलका सबै ३२ खेल ‘डिशहोम गो’ एपमा प्रत्यक्ष प्रसारण हुनेछ। नेपाल क्रिकेट संघ (क्यान) ले डिश मिडिया नेटवर्कलाई […]
November 13, 2025
भैरहवा (हाम्रो खेलकुद)- लुम्बिनी लायन्सले नेपाल प्रिमियर लिग (एनपिएल) को दोस्रो संस्करणका लागि समिर अली मुसलमानलाई आइकोनिक प्लेअरको रुपमा छनोट गरेको छ । लुम्बिनी लायन्सले भैरहवामा गरेको अन्तिम चरणको ट्यालेन्ट हन्टबाट उत्कृष्ट बन्दै समिर आइकोनिक प्लेअरको रुपमा छनोट भएका हुन् । कोहलपुरमा सम्पन्न ट्यालेन्ट हन्ट र भैरहवामा भएका फाइनल चरणका खेलबाट आइकोनिकसहित उत्कृष्ट ३ खेलाडी […]
