एजेन्सी – पाकिस्तानका सुपरस्टार तीव्र गतिका बलर शाहिन शाह अफ्रिदीले इंग्ल्यान्डको चर्चित घरेलु क्रिकेट प्रतियोगिता टि२० ब्लास्टमा एकै ओभरमा चार विकेट लिएका छन् ।

नटिङ्घमशायरबाट अफ्रिदीले बर्मिंघम बेयर्सविरुद्ध एकै ओभरमा चार विकेट लिएपनि टोली भने दुई विकेटले पराजित हुन पुगेको छ । जितको लागि १ सय ६९ रनको विजयी लक्ष्य पछ्याएको बर्मिंघमविरुद्ध अफ्रिदीले पहिलो ओभरमै चार विकेट लिँदै ७–४ को दयनीय अवस्थामा पुर्याएका थिए ।

पहिलो बलमै वाइडको रुपमा उनले पाँच रन खर्चिन पुगेका थिए । तर त्यसपछिको पहिलो बलमा उनले एलेक्स डेभिसलाई शून्यमा एलबीडब्लू आउट गरे । इनस्वींग योर्कर बलमा उनी एलबीडब्लू आउट भएका थिए ।

लगत्तै दोस्रो बलमा उनले क्रिस बेन्चामेनलाई शून्यमा बोल्ड गरे । तेस्रो र चौथो बलमा उनले समान एक रन खर्चिए । पाँचौं बलमा उनले ड्यान मोस्लीलाई क्याच आउट गराए । अन्तिम बलमा उनले इड बर्नार्डलाई बोल्ड गरेपछि ७–४ को दयनीय अवस्थामा पुर्याएका थिए ।

तर पाँचौं विकेटका लागि ग्लेन म्याक्सवेल र रोब यट्सले ४२ रशनको साझेदारी गरे । छैटौं विकेटका लागि रोय यट्सले याकुब बेथेलसँग मिलेर ६९ रनको साझेदारी गरेपछि उक्त लक्ष्य १९.१ ओभरमा ८ विकेट गुमाउँदै पूरा गर्यो ।

बर्मिंघमको जितमा रोब यट्सले ४६ बलमा ३ चौका र ५ छक्कासहित ६५ रनको योगदान दिए । ग्लेन म्याक्सवेल १९, ज्याकोब र जेक लिन्टोट समान २७ रनमा आउट भए । शाहिन शाह अफ्रिदीले ४ ओभरमा २९ रन खर्चेर ४ विकेट लिए । ज्याक बेलले ४ ओभरमा ३३ रन खर्चेर ३ विकेट लिए ।