1 year ago
July 1, 2023
काठमाडौं (हाम्रो खेलकुद) – नेपालले आइसिसी विश्वकप छनोटको प्लेअफ खेलमा युएईसँग खेल्दैछ । खेल आइतबार दिउँसो १२ः ४५ मा जिम्बावेको ताकाशिंगा स्पोर्ट्स क्लबमा सुरु हुनेछ ।
समूह चरणबाटै बाहिएका यी दुई टोलीबीचको विजेताले सातौं स्थानको लागि आयरल्यान्डसँग खेल्न पाउनेछ । नेपालको लक्ष्य युएईलाई हराउँदै अन्तिम खेल आयरल्यान्डसँग खेल्ने हुन्छ । नेपाल विश्वकप दौडबाट बाहिरी सकेको छ । त्यसैले यो खेल नेपालको प्रतिष्ठाको लडाई मात्रै हुनेछ ।
नेपालले प्रतियोगितामा चार खेल खेल्दा एक परिवर्तन मात्रै गरेको छ । तीव्र गतिका बलर सोमपाल कामी पहिलो खेलमा जिम्बावेविरुद्ध घाइते भएपछि उनको स्थानमा ललितनारायण राजवंशीलाई मौका दिएको थियो । त्यसपछि अन्य कुनैपनि परिवर्तन गरेको छैन ।
यो खेल प्रतिष्ठाको लडाई हुँदा नेपालले दुई परिवर्तन गर्ने सम्भावना छ । नेपालले आरिफ शेखलाई विश्राम दिनसक्छ । नेपालले आरिफको स्थानमा विकेटकिपर अर्जुन साउदलाई मौका दिनसक्ने सम्भावना छ । अर्जुनले तल्लोक्रम वा शीर्षक्रम दुबैमा राम्रो ब्याटिङ गर्न सक्छन् । नेपालले ओपनरमा आसिफ शेख र कुशल भुर्तेललाई निरन्तरता दिनेछ ।
तर आसिफको किपिङ त्यति राम्रो हुन सकेको छैन । त्यसैले अर्जुनलाई हेर्न सक्छ । अर्जुनले किपिङमा लगातार राम्रो प्रभाव छाड्दै आएका छन् । त्यस्तै नेपालले कुशल मल्ललाई पनि विश्राम दिनसक्छ । कुशललाई विश्राम दिँदै नेपालले किशोर महतोलाई मौका दिनसक्ने सम्भावना रहन्छ ।
तीव्र गतिका बलर किशोरले डेथ ओभरमा राम्रो बलिङ गर्ने गर्दछन् । डेथ ओभर पछिल्लो समय नेपालको एउटा समस्याको रुपमा रहँदै आएको छ । त्यसैले नेपालले किशोरलाई उक्त भूमिकामा हेर्न सक्छ ।
खेल प्रतिष्ठाको लडाई मात्रै हुँदा नेपालले बेन्चमा रहेका खेलाडीलाई मौका दिनसक्छ । अर्कोतर्फ नेपालले दुई सातापछि श्रीलंकामा एसिसी इमर्जिङ टिम्स एसिया कप खेल्दैछ । आफ्नो समूहमा भारत र पाकिस्तान ए जस्ता बलिया टोलीसँग खेल्नेछ । एसिसी इमर्जिङ टिम्स एसिया कप तयारीको लागि पनि किशोर र अर्जुनलाई मौका दिने सम्भावना छ ।
नेपालले अन्य परिवर्तन भने गर्ने सम्भावना छैन । ओपनरमा आसिफ र कुशल भुर्तेल हुनेछन् । यी दुई जोडीले पहिलो खेलमा जिम्बावेविरुद्ध १ सय ७१ रनको साझेदारी गरेपछि पुन राम्रो गर्न सकेका छैनन् । यी दुई ओपरनबाट राम्रो सुरुवात चाहन्छ ।
भीम सार्कीले यस प्रतियोगितामा अपेक्षा अनुसार राम्रो गर्न सकेका छैनन् । तेस्रो नम्बरमा नेपाल उनीबाट राम्रो प्रदर्शन चाहन्छ ।
चौथो नम्बरमा रोहित र पाँचौं नम्बरमा अर्जुन साउद हुनसक्छन् । कप्तान रोहित नेपालका प्रमुख ब्याटर हुन् । उनीबाट नेपाल उत्कृष्ट ब्याटिङ चाहन्छ । आरिफ नहुँदा नेपालले दीपेन्द्रसिंह ऐरीलाई छैटौं नम्बरमा खेलाउने सम्भावना छ ।
आरिफ नहुँदा टिमको इनिङ सम्हाल्ने दीपेन्द्रमाथि जिम्मेवारी बढी हुनेछ । अनुभवी खेलाडी हुँदा दीपेन्द्रले जिम्मेवारी पनि लिनुपर्ने हुन्छ । गुलशन झालाई सातौं नम्बरमा खेलाउने सम्भावना छ । गुलशन र दीपेन्द्रको भूमिका टोलीको प्रदर्शन र अवस्थामा निर्भर हुनेछ । गुलशनको युएईविरुद्ध राम्रो इतिहास छ । त्यसैले उनको मनोबल उच्च पनि हुनेछ । आठौं नम्बरमा करण केसी, नवौं नम्बरमा सन्दीप, दशौं नम्बरमा किशोर महतो र ११ औं नम्बरमा ललित हुनेछन् ।
स्पिनरमा ललित र सन्दीप प्रमुख बलरको रुपमा खेल्नेछन् । ललितले नयाँ बलको साथ प्रयास गर्नेछन् । पछिल्ला दुई खेलमा ललितले युएईविरुद्ध ९ विकेट लिएका छन् । ललितको प्रदर्शन महत्वपूर्ण हुन सक्छ । तीव्र गतिका बलरमा किशोर, करण र गुलशन हुनेछन् । पार्ट टाइम स्पिनरमा दीपेन्द्रसिंह ऐरी हुनेछन् ।
नेपालको सम्भावित प्लेइङ ११ :
आसिफ शेख, कुशल भुर्तेल, भीम सार्की, रोहित पौडेल (कप्तान), अर्जुन साउद (विकेटकिपर), दीपेन्द्रसिंह ऐरी, गुलशन झा, करण केसी, सन्दीप लामिछाने, किशोर महतो र ललितनारायण राजवंशी ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]